Thread: ... dekha jo aiyna ...

dekha jo aiyna toh mujhe sochna para
khud se na mil saka toh mujhe sochna para

oss ka jo khat mila toh mujhe sochna para
apna sa wo laga toh mujhe sochna para

mujh ko tha gumaan ke mujh mein hai ik ada
dekhi teri ada toh mujhe sochna para

duniya samaj rahi thi ke naraaz mujh se hai
lekin wo jub mila toh mujhe sochna para

ik din wo mere aib ginaney laga
jub khud hi thak gaya toh mujhe sochna para!