Hope u All r Fine. Baat Yeh Hai Kay Hamaari Is Payaari Mehfil Mein Log Doorsy Poets ki Likhi Hue Khoobsurat Poetries Share kartay hain. Laikin Kuch Log Apni yaani Khud Likhi Hue Poetry Bhi Post Kartay Hain. Khud Likhna Bauhat Achi Baat hai But Khud Poetry Likhnay Say Pehlay Kuch Basic Cheezo'n Ka Ilm Hona Zaruri Hai Taakay Shair Mein Husn Or Adbi Chaashni Paida Ho Sakay. Agar Hum Khud Shair Nahin Bhi Likhtay to bhi Beherhaal Hamain In Baaton Ka Pata Hona Chahiay.
Is Liay Yahan Hum, Shair Ki Saakht, Banaawat Or Uskay Mukhtalif Parts Per Baat Karain Gay...Or Agar Kisi Ko Koi Baat Samjhnay Mein Problem Ho to Come Here And Tell. Hum poet to Nahin Magar Phir Bhi Sab Mil Kar usko solve karnay ki koshish karain gay. I Hope Kay Is Tarha Hum Sab Ko Apnay Faan Ko Mazeed Nikhaarnay Ka Mo'qa Milay Ga. Allah Taala Hamaara Haami-O-Nasir Ho!(Aameen) So Here We Go!
* Chun'kay Aik Banda-e-Pur-Khataa Ki Kaavish Hai Lihaaza Ghalti Ka Imkaan Beherhaal Mojud Hai. Agar Nigah-e-Naaz Say Koi Harf-e-NaHaq Guzray To Nishaandehi Farma Kar Mashkoor Farmaa'ain.
Bikney Waly Aur Hein Ja Kar Khareed Lo, Hum Log Qeemat Se Nhn Qismat Se Mila Karty Hein.
SHAIR:-
Shair Ka Lafz "Shaoor" Say Nikla Hai Jis Kay Maani Hain, "Jaan'na" Ya "Samajh Laina". Is Ka Matlab Yeh Hua Kay Jo Baat Shair Mein kahi Jaati hai Uska Taaluq Birah-e-Raast Shaoor Say Hai, Jis Kay Zariay Shair Samjha Jata Hai. Goya Shair Insaani Jazbaat ka Woh Khoobsurat Izhaar Hai Jo Insaani Shaoor ko Mutaasir Karta Hai.
Misra':-
Shair Kay Aadhay Hissay Ko Misra Kehtay Hain, Jaisay
Apni Daastan Keh Kay Nahin Rotay Hum,
Misra' Kay Lafzi Maani hain "Darwazay Ka Aik Takhta Ya Kawaarr".Jis Tarha Do Takhtay Ya Kawaarr Jorr Kar Aik Darwaaza Banta Hai, Issi tarha Do Misron' ko Jorr Kar Aik Shair Banta Hai, Jaisay
Apni Daastan Keh Kay Nahin Rotay Hum
Yeh Jo Ashk Bahay Hain,Tu Yaad Aaya Ho Ga
Bait:-
Jis Shair Kay Donon' Misray Hum-Kaafia Hon, Usay Bait Kehtay Hain, Jaisay
Kaisay Kaisay Mosam-e-Gul Mein Khalal Daalay Ga'ay
Jitnay Gul Jaan-e-Chaman Thay Sab Masal Daalay Ga'ay sad.gif
Fard:-
Kisi Shaa'ir Ka Aisa Shair Jo Tanha Ho, Yaani Kisi Nazm,Ghazal Qasida Ya Masnavi Ka Juzv(part) na Ho, Usay Fard Kehtay Hain. Is Shair Kay Donon' misron' Ka Hum-Qaafia Hona Zaruri Nahin.Jaisay,
Kaash Itni To Roshni Hoti
Apnay Sa'ay Say Guftagu Kartay rolleyes.gif
&
Ab Kay Hum Bikhray To Khushbu Mehkay Gi
Bauhat Kaanton Mein Hum Nay Din Kaatay Hain
Aisay Mutafariq Aur Mufrid Ashaar, Shaa'ir Kay Divaan Mein Aksar "Fardiyaat" kay Unwaan Say Darj Hotay Hain.
Bikney Waly Aur Hein Ja Kar Khareed Lo, Hum Log Qeemat Se Nhn Qismat Se Mila Karty Hein.
Qafia:- Qafia Kay Lughvi(Lafzi) Maani Hain "Peechay Aanay Wala". Shair-o-Shairey Mei un Ham-Aawaz Or Hum-Wazan Ilfaaz Ko Qaafia Kaha Jata Hai Jo Ghazal Or Paband Nazm Mein Radeef (Hum-Shakal Ilfaaz) Say Pehlay Aatay Hain.
Agar Shair Mein Radeef Mojud Na Ho To Aakhir Mein Aanay Waalay
Hum-Awaaz Ilfaaz Ki Surat Mein Qaafia Mojud Hota Hai.
Radeef:- Radeef Kay Lughvi Maani Hain "Woh Shakhs Jo Ghorray Ya Oont Waghira Per kisi Sawaar Kay Peechay Baithay"
Adab Ya Shair-o-Shairey Ki Istalah Mein Radeef Say Muraad Woh Hum-Shakal Ya Mustakil Ilfaaz Hain Jo Ghazal Ya Nazm Mein Qafiay Kay Baad Hoo-Bahoo Dohra'ay (Repeat Kiay ) Jaatay Hain.
Jaisay Yeh Ghazlia Ashaar Mulaahiza Farmaa'iay,
Asar Us Ko Zara Nahin Hota
Ranj Rahat Faza Nahin Hota
Tum Hamaray Kisi Tarha Na Huay
Warna Dunya Mein Kia Nahin Hota
Tum Mairay Paas Hotay Ho Goya
Jab koi Dusra Nahin Hota
Is Ghazal Mein Zara,Faza,Kia,Dusra Or KHUDA, Yeh Sab Qaafiay Hain.
Jabkay "Nahin Hota" Radeef Kay Tor Per Istamaal Hua Hai.
NOTE:- Shair Likhtay Huay Hum Aksar Radeef Ka To Khayaal Rakhtay Hain Magar Qaafiay Ka Nahin.Yaad Rakhain Kay Kisi Bhi Ghazal Mein Radeef Ka Hona Lazmi Nahin Magar Qaafiay Ka Hona Lazmi Hai.
Is Kay Ilaava Yeh Kay Qaafiay Ka Khayaal Na Rakhnay Say Nazm Ya Ghazal Be-Wazn Ho Jati Hai Laikin Agar Qaafiay Ka Khayaal Rakha Ja'ay To Shair Mein Tawazun Or Khubsurati Paida Hoti Hai.
*Information: Jis Ghazal Mein Radeef Istamaal Ho Usay "Muraddaf Ghazal" Kehtay Hain Or Jis Ghazal Mein Radeef Istamaal Na Ho Usay "Ghair-Muraddaf Ghazal" Kehtay Hain.
Matla:- "Matla" Kay Lughvi Maani "Talu Honay Ki Jaga" Kay Hain.
Adabi Istalah Mein Ghazal Aur Qaseeday Kay Pehlay Shair Ko Jis kay Donon' Misray Hum-Qafia Or Hum-Radeef Hotay Hain, Matla Kaha Jaata Hai.
Misaal:
Ibn-e-Maryam Hua Karay Koi
Meray Dard Ki Dawa Karay Koi
NOTE:- YAAD RAHAY! Agar Ghazal Kay Pehlay Shair Kay Donon Misray Hum-Kaafia Na Hon To Usay Matla Nahin Kehtay Balkay Sirf Ghazal Ka Pehla Shair Kehtay Hain.
Makta:- "Makta" Kay Lughvi Maani Hain "Katt Jaanay Ki Jaga".
Istalaahi Tor Per Ghazal Or Qasiday Kay Aakhri Shair Ko, Jis Mein Sha'ir Apna Takhallus Ya Mukhtasir Adbi Naam Istamaal Karta Hai, Usay MAKTA Kehtay Hain.Jaisay,
Kaabay Kis Munh Say Jaao Gay Ghalib
Sharm Tum Ko Magar Nahin Aati
NOTE:- Agar Aakhri Shair Mein Sha'ir Apna Takhallus Istamal Na Karay To Usay Makta Nahin Kahain Gay Balkay Sirf Aakhri Shair Kahain Gay.
Bikney Waly Aur Hein Ja Kar Khareed Lo, Hum Log Qeemat Se Nhn Qismat Se Mila Karty Hein.
Ghazal:- Ghazal Kay Lafzi Maani Hain "Guftagu Karna (Aurton Say)". ....Waisay Aik Ravayat Yeh Bhi Hai Kay, Agar Aik Hiran Ko Chaaron' Taraf Say Darindon Nay Ghair Rakha Ho Or Usay Apnay Bachnay Ki Koi Surat Nazar Na Aa'ay Or Darinday Ichaanak Us Per Hamla Kar Dain....To Aisi Surat Mein Hiran Kay Munh Say Jo Be-Basi Ki Aawaaz Nikalti Hai Usay "Ghazal" Kehtay Hain. sad.gif
Ghazal Mein Kam Az Kam 5 Ashaar Ka Hona Zaruri Hai. Ghazal Ka Har Shair Infradi (Individual) Haisiat Rakhta Hai. Har Shair Mein Mukhtalif Mazmoon Biaan Kia Ja Sakta Hai.
Nazm:- Nazm Kay Lafzi Maani Hain "Moteon' Ko Dhagay Mein Parona"/ "Tarteeb".
Istalaahi Maanon' Mein Nazm Say Muraad Aik Tarha Ka Kalaam-e-Mozun' Ya Aisay Ashaar Ka Majmua Hai Jin Sab Mein Aik Hi Mazmoon Biyaan Kia Ja'ay.
Masnavi:- Aisa Kalaam Jis Mein Har Shair Ka Kaafia Or Radeef Alag Alag Ho.Jaisay,
Mein Sochta Rehta Hun Yunhi
Aakhir Yeh Tafaawat Kia Maani
Yeh Soch Ajab Tarrpaati Hai
Aankhon Mein Nami Bhar Jaati Hai
Phir Mujh Say Dil Yeh Kehta Hai
Maazi Ko Tu Rota Rehta Hai
Kuch Aahain Dabi Si rehnay Day
Kuch Aansu Baaqi Rehnay Day
Yeh Haal Bhi Maazi Hona Hai
Is Per Bhi Tujhay Kuch Rona Hai
HAMD:-
Aisi Nazm Jis Mein ALLAH TAALA Ki Tareef Bayaan Ki Ja'ay, HAMD Kehlaati Hai.
NAAT:- Aisi Nazm Jis Mein Hazrat Muhammad (S-A-W) Ki Tareef Ki Ja'ay Usay Naat Kehtay Hain.
Mankabat:-
Aisi Nazm Jo Kisi Walli-ALLAH Ya Sahaba Ikraam (RH) Ki Shaan Mein Likhi Ja'ay Usay Manqabat Kehtay Hain.
Kasida:-
Aisi Nazm Jo Kisi Dunyaavi Jah-o-Jalaal Ki Haamil Shakhsiyatt Ki Tareef Mein likhi Ja'ay Usay Kasida Kehtay Hain.
Marsiya:-
Aisi Nazm Jo Kisi Ki Wafaat/Inteqaal Per Izhaar-e-Afsos Kay Liay Likhi Ja'ay Usay Marsiya Kehtay Hain.
SHAIR KI SAAKHT/BANAWATT
2 Misray:- Aik Shair Banta Hai.
3 Misray:- "Sih-Harfi"/"Hyco" Banti Hai. Yeh Japanese Tarz Hai.Punjabi Mein Is Tarz Ka Kalaam "Maahiay" Ya "Dohrray" Kay Naam Say Mojud Hai. Urdu Mein Bhi Is Tarz Per Shairey Ki Gai Hai. Jaisay,
Baaghon Mein Parray Jhulay
Tum Hum Ko Bhool Ga'ay
Hum Tum Ko Nahin Bhulay
4 Misray (2 Shair):- Aik Qata' Ya Rubaai Banti Hai.
Agar Sirf Chaar Misray Hi Hon Or Un Chaaron mein Aik Hi Mazmoon Ho To Usay Rubaai* Kahain Gay.
Agar Charon Misron'(Donon' Shairon') Mein Mukhtalif Baat Ki Gai Ho To Usay Qata Kehtay Hain.
*Information: Rubaai Chaar Misron ki Aisi Nazm Ko Kehtay Hain Jis Ka Pehla, Dusra Or Chotha Misra Hum-Qaafia Ho.
5 Misray:- Aik "Makhmas" Banti Hai. Is Mein 5 Misron Ka Aik Bandd Hota Hai. Jaisay,
Lagtay Hain Kuch Sochnay Jab Shajar Sar-e-Shaam
Nikal Jaatay Hain Hum Bhi Udhar Sar-e-Shaam
Shab Aati Hai Phir Utar Sar-e-Shaam
Sitaaray Jaatay Hain Jab Bikhar Sar-e-Shaam
Hum Tumhain Yaad Kartay Hain
6 Misray (3 Shair):- "Musaddas" Banti Hai. Is Mein 6 Misron Ka Aik Bandd Hota Hai.
MUSADDAS-E-HAALI (Madd-O-Jazr-E-Islam) Isi Tarz Mein Likhi Gai Hai.
Is Ka Aik Bandd Paish-e-Khidmat Hai,
Yeh Pehla Sabak Tha KITAAB-E-HUDA Ka
Kay Hai Saari Makhluq Kunba Khuda Ka
Wohi Hai Dost KHALIQ-E-Do'Sira Ka
Khalaa'iq Say Hai Jis Ko Rishta Vila Ka
Yehi Hai Ibaadat Yehi Deen O Emaan'
Kay Kaam Aa'ay Dunya Mein Insan' kay Insan'
Last edited by ~SmilingDoll~; 17-03-2008 at 08:00 AM.
Bikney Waly Aur Hein Ja Kar Khareed Lo, Hum Log Qeemat Se Nhn Qismat Se Mila Karty Hein.
Aap k pass to poetry se mutalak kafi kiya bohot hi ziyada information hain. Jaan kr bohot hi acha laga. aapni koi favourite Ghazal ya Nazam share krein Humein acha lage ga ,Thanks
Thak jaao gar pathreele raaston pe chalte hue
Kabhi soch na lena ki wahan tanha ho tum
Moond kar palkon ko apni jo tum dekhoge
Apne saath hi sada mujh ko paaoge tum
Har waqt bura kat jaat hai, yaqeen karna
Ankhon main kabhi tum ashk na bhar lena
Ghum barh jaaye, muskurahat khone lage
Apni duaaon main mujh ko paaoge tum
Ishq naam to nahin hai milan ka, deedar ka
Dil se dil ka mil jaana hai naam-e-mohabbat
Jo yaad aa jaaye meri, na samjhna ki door hoon
Apne seene main dhadakta mujh ko paaoge tum
Waqt ki garmi jo jhulsaane lage wujood
Meri chahat ki nami ko mehsoos karna
Jo sard hawaain zamane ki aane lagen paas
Meri wafaaon ki garmi ko mehsoos karna
Main tumse juda to nahin hoon mere humdum
Apne saath hi sada mujh ko paaoge tum !!
sapnon ké maihail mahi ké sath bessaliyé inne ankhon mé
lékine jabe vo gueya to toutgueyé sarré
or bassgueyé guaiheréssé doukh iss tchoté ssé dil mé
abe to sotch lia kissi ko nehin bessana iss dil mé
DIL KE ZAKHMO KO JAB KOI SHAYRI KAHE.
TO DARD NAHI HOTA;
TAKLEEF TO TAB HOTI HAI ,,
JAB KOI WAAH WAAH KRTA HA
Tujey dekhay bina teri tasveer bana sakti hoon
Tujsey miley bina tera haal bata sakti hoon
Hai meri dosti mey itna dam
Apni aankh ka aansoo
Teri aankh sey gira sakti hoon
DIL KE ZAKHMO KO JAB KOI SHAYRI KAHE.
TO DARD NAHI HOTA;
TAKLEEF TO TAB HOTI HAI ,,
JAB KOI WAAH WAAH KRTA HA
kash ke dil yu udas na hota
tumse mil kar yaado mein giraftar na hota
dil mein itna humare pyaar na hota
tumhare liye mann bekrar na hota
tumhae jane ka koyi gam nahi hai
pyaar diya tumne jitna woh kam nahi hai
na jane ankhein kyun nam hain meri
rokna chahoo bhi kud ko rok nahi pati
chehra tumara ankhon mein rehta hai har dam
naam labo par or kehti hai dhadkan
tumara humara kaisa hai bandhan
ajnabi ho tum phir kyun lagte ho mere humdam
na mil kar bhi tumse mil chuki hoon
aisa lagta hai barson se tumhe janti hoon
saath ho kar bhi sabke main tanha hoon rehti
apne mann ki baat kesi se bhi nahi kehti
padh kar khat mera rooth na jana
agar thoda sa bhi pyaar ho to laut tum aana
DIL KE ZAKHMO KO JAB KOI SHAYRI KAHE.
TO DARD NAHI HOTA;
TAKLEEF TO TAB HOTI HAI ,,
JAB KOI WAAH WAAH KRTA HA
Apne Hisse Ki Jindagi To Hum Bahut Jee Chuke
Ab To Bas Dhadkano Ka Lihaaj Karta Hai
Khafa hai in duniya walon se
Jo aakhari saans pe bhi aitraj karta hai
Mere tute hue dil ko koi shayari kahe to koi gam nahi
Dard to tab hota hai Jab koi wah wah karta hai
DIL KE ZAKHMO KO JAB KOI SHAYRI KAHE.
TO DARD NAHI HOTA;
TAKLEEF TO TAB HOTI HAI ,,
JAB KOI WAAH WAAH KRTA HA
LinkBack URL
About LinkBacks
.Mehfil-e-Shairy.
Reply With Quote
Originally Posted by mohabbat_ka1_pehar 
Bookmarks