Thread: Bbc urdu Now at MF

ہالبروک، ملاقاتوں کا سلسلہ شروع

آصف فاروقی
بی بی سی اردو، اسلام آباد

امریکہ پاکستانی عوام کے ساتھ اپنی دوستی کے عہد کی تجدید چاہتا ہے پاکستان کے دورے پر آئے امریکی نمائندہ خاص رچرڈ ہالبروک نے وزیرخارجہ شاہ محمود قریشی سے مذاکرات کے ساتھ پاکستانی حکام سے ملاقاتوں کا آغاز کر دیا ہے۔

خصوصی ایلچی کی حیثیت سے سڑسٹھ سالہ سابق سفارت کار کا یہ پہلا دورۂ پاکستان ہے۔

پاکستان اور افغانستان کے لئے خصوصی ایلچی نے اپنے وفد کے ہمراہ دفتر خارجہ میں منگل کی صبح وزیرخارجہ شاہ محمود قریشی اور دیگر حکام سے ملاقات کی۔

سوموار کی شب اسلام آباد پہنچنے کے بعد اپنے جارحانہ سفارتی داؤ پیچ کے لئے دنیا بھر میں مشہور امریکی خصوصی ایلچی نے کہا تھا کہ وہ پاکستان میں قیام کے دوران سیاسی اور فوجی قیادت کے علاوہ سول سوسائٹی کے نمائندوں سے بھی ملاقاتیں کریں گے۔

امریکی صدر باراک اوباما کی جانب سے افغانستان اور پاکستان کے لئے مقرر کردہ خصوصی ایلچی کی خطے میں موجودگی کو خاصی اہمیت دی جارہی ہے۔ خود رچرڈ ہالبروک کا بھی کہنا ہے کہ وہ پاکستان اور افغانستان کے بارے میں امریکی پالیسی میں تبدیلی کے لئے تجاویز تیار کر رہے ہیں۔

اسلام آباد میں مزید تین روز قیام کے دوران وہ صدر اور وزیراعظم کے علاوہ، بری فوج کے سربراہ اور دیگر سیاسی اور فوجی راہنماؤں سے بھی ملاقاتیں کریں گے۔

رچرڈ ہالبروک ان ملاقاتوں میں دہشت گردی کے خلاف جنگ کے مختلف پہلوؤں کے علاوہ ایٹمی سائنسدان ڈاکٹر عبدالقدیر کے بارے میں بھی سرکاری حکام سے بات کریں گے جنہیں ایٹمی مواد کے غیر قانونی پھیلاؤ کے الزامات کے تحت پانچ برس نظر بند رکھنے کے بعد عدالت کے حکم پر گزشتہ ہفتے رہا کیا گیا ہے۔

اپنی آمد کے فوراً بعد ایک بیان میں انہوں نے کہا تھا کہ وہ اس ملک کے بارے میں اصل زمینی حقائق جاننے اور سننے کے لیے آئے ہیں۔ انہوں نے کہا کہ ’میں پاکستان کا دورہ کرنے پر خوش ہوں اور اس موقع سے فائدہ اٹھاتے ہوئےمتعدد پاکستانی رہنماؤں سے مختلف موضوعات پر تبادلۂ خیال کروں گا۔‘

ہالبروک کے مطابق’میں پاکستانی رہنماؤں سے مذاکرات کا منتظر ہوں جن کی بنیاد پر واپس جاکر میں امریکی صدر اور وزیر خارجہ کو اپنی رپورٹ پیش کروں گا۔‘
صدر پاکستان آصف علی زرداری نے رچرڈ ہالبروک کی تقرری کے فوراً بعد ایک امریکی اخبار میں لکھے گئے ایک مضمون میں انکا خیرمقدم کرتے ہوئے ان سے پاکستان اور بھارت کے درمیان تنازعات خصوصاً مسئلہ کشمیر کے حل کے لئے کردار ادار کرنے پر زور دیا
تھا۔

______________________________________________

آرمی شوگر ملز میں فائرنگ پر احتجاجآ

علی حسن
بی بی سی اردو ، حیدرآباد

سپریم کورٹ نے یونین کو بحال کیا لیکن انتظامیہ فیصلہ ماننے کے لیے تیار نہیں: یونین رہنما صوبہ سندھ کے ضلع بدین میں آرمی ویلفیئر ٹرسٹ کے زیر انتظام چلنے والی شوگرملز میں محنت کشوں رہنماؤں پر مبینہ فائرنگ کے خلاف شہر میں کاروبار بند رہا اور احتجاجی ریلی نکالی گئی۔

محنت کشوں سے اظہار یکجہتی کے لیے سیاسی کارکنوں اور سماجی تنظیموں نے کاروباری حضرات سے ہڑتال کی اپیل کی تھی۔

آرمی ویلفیئر ٹرسٹ شوگر ملز یونین کے صدر محمد اقبال نے بتایا کہ سپریم کورٹ نے یونین کو بحال کرنے کا حکم دیا جس کے بعد انتخابات کرائے گئے اور مل میں موجود یونین کے دفتر پر پرچم لگانےگئے تو گارڈز نے فائرنگ کردی ۔

یونین کے صدر محمد اقبال نے کہا کہ ان سمیت پندرہ محنت کش زخمی ہوگئے۔ ’خود میرا ہاتھ توڑ دیا گیا ہے۔ میرے سر پر زخم ہیں ۔مل والے کہتے ہیں کہ یہ فیکٹری ڈیفینس والوں کی ہے اس لیے یونین بنانے کی اجازت نہیں ہے‘۔

محمد اقبال نے کہا کہ فیکٹری کی انتظامیہ سپریم کورٹ کے فیصلے کو بھی ماننے کے لیے تیار نہیں۔

پولیس نے اب تک محنت کشوں کی طرف سے رپورٹ درج نہیں کی ہے۔ تاہم ضلعی انتظامیہ اور پولیس نے منگل کے روز دونوں فریقوں کے ساتھ مذاکرات کا انتظام کیا ہے۔

فیکٹری انتظامیہ سے ان کا موقف جاننے کےلیے کئی بار رابطہ قائم کیا گیا لیکن ہر بار کہا گیا کہ جنرل منیجر کرنل ارشد فیکٹری سے باہر گئے ہوئے ہیں۔

ضلع بدین میں چھ شوگر ملیں موجود ہیں جن میں تین کا تعلق صدر پاکستان آصف علی زرداری سے بتایا جاتا ہے جبکہ دو ایک بڑے صنعتکار گروپ کی ہیں اور آخری آرمی ویلفیئر ٹرسٹ کی ہے۔

تمام فیکٹریوں میں محنت کشوں کو قانون کے مطابق دی گئی مراعات اور سہولتوں کا فقدان ہے۔
محمد اقبال کہتے ہیں کہ تمام فیکٹریوں میں پاکٹ یونین ہیں۔ کسی فیکٹری میں بھی قانون پر عمل نہیں ہوتا ہے ۔



__________________________________________________ ______________________
سوات میں کرفیو، آپریشن میں تیزی
رفعت اللہ اورکزئی
بی بی سی، پشاور


کئی علاقوں سے مسلسل فائرنگ کی آوازیں سنائی دے رہی ہیں صوبہ سرحد کے ضلع سوات اور قبائلی علاقے باجوڑ ایجنسی میں سکیورٹی فورسز اور طالبان کے درمیان شدید جھڑپوں کا سلسلہ جاری ہے جس میں تین افراد کی ہلاکت کی اطلاعات ہیں۔
سوات میں حکام کا کہنا ہے کہ سکیورٹی فورسز نے ضلع بھر میں غیر معینہ مدت تک کرفیو نافذ کر کے صدر مقام مینگورہ میں عسکریت پسندوں کے خلاف کاروائیاں تیز کر دی ہیں۔
ایک اعلٰی سرکاری اہلکار کے مطابق پیر کی صبح گن شپ ہیلی کاپٹروں نے مینگورہ کے علاقوں انگرو ڈھرئی، قمبر اور نوی کلی میں مشتبہ طالبان کے ٹھکانوں کو نشانہ بنایا تاہم ان واقعات میں کسی جانی نقصانات کی اطلاعات نہیں ملی۔
گزشتہ رات تحصیل مٹہ کے علاقے چپرہار میں ایک مارٹرگولہ گھر پرگرنے سے ایک شخص ہلاک جبکہ دو زخمی ہوئے۔ مقامی لوگوں کا کہنا ہے کہ گزشتہ رات سے علاقے میں کرفیو نافذ ہے جس کی وجہ سے لوگ گھروں کے اندر محصور ہیں جبکہ کئی علاقوں سے مسلسل فائرنگ کی آوازیں سنائی دے رہی ہیں۔
ادھر قبائلی علاقے باجوڑ ایجنسی میں میں بھی سکیورٹی فورسز اور عسکریت پسندوں کے درمیان تین سے جاری جھڑپوں میں شدت آئی ہے جس میں دو عام شہریوں کی ہلاکت کی اطلاعات ہیں۔
مقامی لوگوں کا کہنا ہے کہ پیر کی صبح سکیورٹی فورسز نے صدر مقام خار اور عنایت کلی میں کرفیو نافذ کر کے عسکریت پسندوں کے ٹھکانوں پر شدید گولہ باری کی۔ ایک عینی شاہد نے بتایا کہ گزشتہ رات سے عنایت کلی پر جاری گولہ باری میں دو عام شہری ہلاک ہوئے ہیں۔
انہوں نے کہا کہ جھڑپوں میں شدت آنے کی وجہ سے عنایت کلی سے سینکڑوں لوگوں نے محفوظ مقامات کی طرف نقل مکانی شروع کردی ہے۔ آخری اطلاعات آنے تک علاقے میں فائرنگ کا سلسلہ جاری تھا۔
ادھر تحریک طالبان پاکستان کے ترجمان مولوی عمر نے دعوٰی کیا ہے کہ عسکریت پسندوں نے اتوار کی رات صدر مقام خار میں واقع سکاؤٹس قلعے اور سول کالونی پر راکٹ حملے کیے ہیں جس میں پانچ سکیورٹی اہلکار ہلاک ہوگئے ہیں۔ تاہم مقامی طورپر اس دعوے کی تصدیق نہیں ہوسکی۔
واضح رہے کہ تین دن پہلے سکیورٹی فورسز نے باجوڑ ایجنسی کے ایک بڑے تجارتی مرکز عنایت کلی میں طالبان کے خلاف آپریشن شروع کیا تھا۔ مقامی لوگوں کا کہنا ہے کہ آپریشن سے پہلے علاقے میں طالبان کی سرگرمیوں میں اضافہ ہوا تھا۔




__________________________________________________ _________________
’کوچ نے شعیب کو ہٹانے کو کہا تھا‘
عبدالرشید شکور
بی بی سی اردو ڈاٹ کام، کراچی


رپورٹ میں شعیب ملک کو اپنی دنیا میں مگن رہنے والا کپتان قرار دیا گیا پاکستانی کرکٹ ٹیم کے کوچ انتخاب عالم اور منیجر یاور سعید نے اپنی رپورٹ میں شعیب ملک کو بحیثیت کپتان مسترد کرتے ہوئے پاکستان کرکٹ بورڈ کو تجویز پیش کی تھی کہ یونس خان کو کپتان مقرر کر دیا جائے۔
کوچ اور منیجر کی یہ رپورٹ پیر کو سینیٹ کی سپورٹس سے متعلق سٹینڈنگ کمیٹی کے سامنے پیش کی گئی۔
کوچ انتخاب عالم اور منیجر یاور سعید نے اپنی رپورٹ میں لکھا ہے کہ شعیب ملک اکیلے لاتعلق اور اپنی دنیا میں رہنے والے تھے جس میں کوئی برائی نہیں لیکن ٹیم کو ایک پر عزم کپتان کی ضرورت تھی۔
کوچ اور منیجر نے یہ بھی لکھا ہے کہ انہوں نے سوائے پانچ منٹ کی ٹیم میٹنگ کے شعیب ملک کا کھلاڑیوں سے کوئی بامقصد رابطہ نہیں دیکھا۔ یہاں تک کہ انہوں نے شعیب کو کھلاڑیوں کے ساتھ طویل وقت گزارتے ہوئے بھی نہیں دیکھا جو ایک کامیاب کپتان کے لیے ضروری ہوتا ہے۔

دونوں آفیشلز نے نئے کپتان کے طور پر یونس خان کا نام تجویز کیا
انتخاب عالم اور یاور سعید نے اپنی رپورٹ میں یہ بھی کہا ہے کہ سری لنکا کے خلاف پچھہتر رنز پر آؤٹ ہونے کے بعد ٹیم کو نئے کپتان کی اشد ضرورت محسوس ہو رہی تھی کیونکہ ان کے خیال میں کھلاڑی شعیب ملک سے مطمئن اور خوش نہیں دکھائی دیتے تھے۔
دونوں آفیشلز نے نئے کپتان کے طور پر یونس خان کا نام تجویز کیا اور پی سی بی کو یہ مشورہ بھی دیا کہ یہ تبدیلی سری لنکا کے خلاف ٹیسٹ سیریز سے پہلے ہی عمل میں لائی جائے۔
کوچ اور منیجر نے اپنی رپورٹ میں یہ بھی لکھا ہے کہ لیگ سپنر دانش کنیریا کو ون ڈے اور ٹیسٹ دونوں میں سپیشلسٹ سپنر کے طور پر کھلایا جانا چاہیے۔کوچ اور منیجر نے وکٹ کیپر کامران اکمل کی کارکردگی کو غیرتسلی بخش قرار دیتے ہوئے کہا ہے کہ اس میں کوئی شک نہیں کہ وکٹ کیپر اور بیٹسمین کی حیثیت سے کامران اکمل نے اپنی ذمہ داری بخوبی نبھائی ہے لیکن اب ان کی کارکردگی کا وہ معیار نہیں رہا۔
دلچسپ بات یہ ہے کہ شعیب ملک بھی پیر کو سینٹ کی سٹینڈنگ کمیٹی کے سامنے پیش ہوئے اور کہا کہ انہوں نے خود کپتانی چھوڑی کیونکہ وہ عام کھلاڑی کی حیثیت سے بہتر کارکردگی کا مظاہرہ کر سکتے ہیں۔کمیٹی کے رکن سینیٹر طاہر مشہدی کا کہنا ہےکہ شعیب ملک کے خیالات کے برعکس یہ بات واضح ہے کہ کوچ اور منیجر ان کےخلاف تھے۔








_________________________________________
مصر: ہزاروں برس قدیم ممیاں دریافت


کھدائی کے دوران مقبرے سے لکڑی اور پتھر کے آٹھ تابوت بھی ملے ہیں مصری ماہرینِ آثارِ قدیمہ نے کھدائی کے دوران ایک مقبرے سے کم از کم دو ہزار چھ سو برس قدیم بیس سے زائد ممیاں برآمد کی ہیں۔
مصر کے سب سے بڑے ماہرِ آثارِ زاہی ہواس کے مطابق یہ ممیاں جن میں سے بائیس کو مقبرے کی دیوار کے ساتھ کھڑا پایا گیا ایک ایسے مقبرے میں تھیں جو کہ چھ سو چالیس قبل مسیح میں بنایا گیا تھا۔
زاہی ہواس کا کہنا ہے کہ صقارہ کے مقام پر ہونے والی اس کھدائی کے دوران لکڑی اور پتھر کے آٹھ تابوت بھی ملے ہیں۔
مصری حکومت کے ایک بیان کے مطابق قدیم مقبرہ چوروں کو ممکنہ طور پر اس مقبرے تک رسائی رہی ہے تاہم اس کے باوجود دریافت کیے جانے والے مقبرے میں لکڑی کا ایک تابوت ایسا ہے جسے زمانۂ قدیم سے نہیں کھولا گیا۔خیال کیا جا رہا ہے کہ چونے کے پتھر سے بنا ہوا یہ سربمہر تابوت قریباً چار ہزار برس قدیم ہے۔
اب تک کھولے جانے والے ایک تابوت میں سے ماہرین کو ایک ممی ملی ہے اور انہیں مزید ممیوں کی دریافت کی امید ہے۔
قاہرہ کے جنوب میں صقارہ کے علاقے میں آثارِ قدیمہ کی تلاش میں کھدائی کا کام کئی عشروں سے جاری ہے لیکن اس کے باوجود یہاں سے نئے آثار قدیمہ دریافت ہوتے رہے ہیں۔
تاہم اس کے باوجود نامہ نگاروں کا کہنا ہے کہ اس قسم کے صحیح حالت میں موجود مقبرے کا ملنا عام بات نہیں۔ مصری ماہر زاہی ہواس کا کہنا ہے کہ مصر کے ستّر فیصد آثارِ قدیمہ ابھی دریافت ہونا باقی ہیں۔

ek khabar k bad dosri aur dosri k bad teesri

meray khayal hai is section main siyasi topics pe upne views shair kiyeh jaen

current issues??think about it

پاک افغان پالیسی، جائزہ کمیٹی تشکیل


القاعدہ کی محفوظ پناہ گاہوں کو ختم کرنا ضروری ہے: باراک اوبامہ صدر باراک اوبامہ نے افعانستان اور پاکستان کے بارے میں امریکی پالیسی کا ازسر نو جائزہ لینے کے لیے کمیٹی تشکیل دے دی ہے۔
وائیٹ ہاؤس کے ترجمان نے کہا ہے کہ افغانستان اور پاکستان کے بارے میں امریکی پالیسی کا جائزہ اپریل میں ہونے والی نیٹو کانفرنس سے پہلے مکمل کر لیا جائے گا۔
پالیسی کا جائزہ لینے کے لیے سی آئی اے کے ایک سابق اہلکار بروس رائیڈل کو مقرر کیا گیا ہے۔ بروس رائیڈل سی آئی سے ریٹائرمنٹ کے بعد بروکنگ انسٹیوٹ سے منسلک ہیں اور جنوبی ایشیا اور مشرق وسطیٰ کے بارے ماہر تصور کیے جاتے ہیں۔
امریکی پالیسی کو جائزہ لینے والے پینل کی مشترکہ سربراہی افغانستان اور پاکستان کے بارے میں امریکی صدر کے خصوصی ایلچی رچرڈ ہالبروک اور مائیکل فلورنائے کریں گے۔ مائیکل فلورنائے امریکی دفاع کے سابق اہلکار ہیں اور سنٹر فار نیو امریکن سکیورٹی کے بانی ممبران میں سے ہیں۔
وائٹ ہاؤس کے ترجمان کے مطابق بروس رائیڈل افغانستان اور پاکستان کے بارے میں امریکی پالیسی کے فوجی اور غیر فوجی پہلوؤں پر صدر باراک اوبامہ اور ان کے سکیورٹی کے مشیر جم جونز کو براہ راست رپورٹ کریں گے۔
امریکی صدر باراک اوبامہ نے منگل کے روز اپنی پہلی پریس کانفرنس میں کہا تھا کہ پاکستان کے قبائیلی علاقے القاعدہ کی محفوظ پناہ گاہیں ہیں اور امریکہ ان کو ختم کرے گا۔
امریکی صدر نے کہا تھا کہ القاعدہ کی کمر توڑنے کے لیے فوجی کارروائی، علاقے میں ترقی اور سفارتی کوششوں میں ہم آہنگی پیدا کرنے کی ضرورت ہے۔
بی سی سی کےنامہ برجیش اپودھیائے کے مطابق بروس رائیڈل لمبے عرصے تک سی آئی اے میں کام کر چکے ہیں اور تین امریکی صدرو کو جنوبی ایشیا کے بارے میں مشورے دے چکے ہیں۔
برجیش اپودھیائے جو کئی بار بروس رائیڈل سے بروکنگ انسٹٹیوٹ میں مل چکے ہیں، کا کہنا ہے کہ وہ بروس رائیڈل سمجھتے ہیں کہ افغانستان کے مسئلے کا حل مسئلہ کشمیر کے ساتھ جڑا ہوا ہے۔ بروس رائیڈل سمجھتے ہیں کہ مسئلہ کشمیر کے حل کے بعد پاکستان کی فوج مکمل طور پر افعانستان کے ساتھ سرحد پر اپنی توجہ مرکوز کر سکتی ہے جس سےالقاعدہ کا قلع قمع کرنا ممکن ہوگا۔








__________________________________________________ _
اسرائیل: کامیابی کےمتضاد دعوے


عرب مخالف اسرائیلی رہنما لئبرمین حکومت سازی میں اہم کردار کرنے کی پوزیشن میں اسرائیل کے انتخابات میں بڑی سیاسی جماعتوں کو واضح برتری حاصل نہیں ہو سکی ہے اور ملک کی دو بڑی جماعتوں نے انتخابات میں کامیابی کے متضاد دعوے کیے ہیں۔
اسرائیل کی دائیں بازو کی جماعت لیکود کے سربراہ اور سابق وزیر اعظم بنیامن نتن یاہو نے کہا ہے کہ’نیشنلسٹ کیمپ‘ نے انتخابات میں کامیابی حاصل کر لی ہے۔ نیتن یاہو کا اشاہ انتخابات میں دائیں بازو کی جماعتوں کی مجموعی عمدہ کارکردگی کی طرف تھا۔
قدیمہ پارٹی کی سربراہ زپی لیونی نے کہا ہے کہ وہ نئی حکومت بنانے کے لیے تیار ہیں اور لیکود پارٹی کو دعوت دیتی ہیں کہ وہ حکومتی اتحاد میں شامل ہو جائیں۔
نیتن یاہو نے اپنے حامیوں سے خطاب کرتے ہوئے کہا ہے کہ اسرائیل کی اگلی حکومت دائیں بازو کی جماعتیں بنائیں گی اور وہ خدا کی مرضی سے اگلی حکومت ان کی ہو گی۔
اسرائیل کے انتخابی نتائج کا باضابطہ اعلان نہیں ہوا لیکن اسرائیلی ذرائع ابلاغ کے مطابق قدیمہ پارٹی نے کینسٹ میں کل تیس سیٹیں جیت لی ہیں جبکہ ان کی حریف لیکود نے انتیس نشتوں پر کامیابی حاصل کی ہے۔
انتہائی دائیں بازو کی جماعت یزائیل بیتن یاہو پندرہ نشتوں پر کامیابی حاصل کر کے حکومت سازی میں فیصلہ کن کردار ادا کرنے کی پوزیشن میں آ گئی ہے۔
یزائیل بیتن یاہو کے سربراہ لئبرمین عربوں کی مخالفت کے لیے جانے جاتے ہیں اور انتخاب سے قبل انہوں نے یروشلم میں دیوار گریہ کا دورہ کیا۔
اسرائیل کے وزیر دفاع ایہود باراک کی لیبر پارٹی چوتھے نمبر پر ہے۔
اسرائیلی انتخاب کے حتمی نتائج میں کئی روز لگ سکتے ہیں۔
نامہ نگاروں کا کہنا ہے کہ دائیں بازو کی جماعتوں کی انتخابات میں کامیابی سے امریکی صدر باراک اوبامہ کے فلسطین اور اسرائیل کے معاملات کو طے کرانے میں مشکلات در پیش آ سکتی ہیں۔
اسرائیلی وزیر اعظم ایہود اولمرت نے گزشتہ سال اپنے اوپر لگائے گئے بدعنوانی کے الزامات کے پیش نظر اپنے عہدے سے علیحدہ ہونے کا اعلان کیا تھا جس کے بعد ملک میں قبل از وقت انتخابات کرانے کا فیصلہ کیا گیا تھا۔
اسرائیل نے پولنگ کے دن غزہ کے تمام راستوں کو بند کر کے فلسطینیوں کے اسرائیل میں داخلے پر پابندی لگا دی ہے۔ اسرائیل فوجی پہلے ہی اپنا حق رائے دہی استعمال کر چکے ہیں۔

اسرائیلی فوجی پہلے ہی اپنا ووٹ ڈال چکے ہی
________________________________________



امریکہ پالیسی کا ازسرِ نو جائزہ لےگا‘

ہارون رشید
بی بی سی اردو ڈاٹ کام، اسلام آباد


’ہم نے ان سے کہا کہ ہمیں مل بیٹھ کر یہ فیصلہ کرنا ہوگا کہ ڈرون حملوں کے فائدے زیادہ ہیں یا نقصانات: شاہ محمود قریشی پاکستان اور امریکہ نے سکیورٹی اور دیگر شعبوں میں اتفاق رائے کی خاطر ایک مشترکہ مذاکراتی گروپ تشکیل دینے کا فیصلہ کیا ہے۔
پاکستان کا کہنا ہے کہ اس کا امریکہ کے ساتھ اس بات پر اتفاق بھی ہے کہ اس خطے میں شدت پسندی کا مقابلہ محض فوجی طریقے سے نہیں کیا جاسکتا ہے۔
پاکستان نے امریکہ کی جانب سے اس خطے کے لیئے اپنی پالیسی کے ازسرنو جائزے کا بھی خیر مقدم کیا ہے۔
شاہ محمود قریشی نے نئی امریکی انتظامیہ کی جانب سے پالیسی کے ازسرنوجائزے کا خیرمقدم کرتے ہوئے کہا کہ ماضی میں امریکی پالیسی میں اخلاقیات کی جو کمی تھی وہ اب امید ہے پوری کر دی جائے گی۔
یہ باتیں وزیر خارجہ شاہ محمود قریشی نے پاکستان اور افغانستان کے لیئے امریکی صدر کے خصوصی نمائندے رچرڈ سی ہالبروک سے مذاکرات کے بعد اسلام آباد میں ایک اخباری کانفرنس میں کی۔ امریکی مہمان نے اسلام آباد میں کافی مصرف دن گزرا اور وزیر خارجہ کے علاوہ صدر آصف علی زرداری اور وزیر اعظم سید یوسف رضا گیلانی سے بھی ملاقاتیں کیں۔
وزیر خارجہ شاہ محمود قریشی کا کہنا تھا کہ دونوں ممالک کا یہ مذاکراتی گروپ مختلف وزارتوں پر مشتمل ہوگا۔ ان کا کہنا تھا کہ رچرڈ ہالبروک نے انہیں مارچ میں امریکہ دورہ کرنے کی بھی دعوت دی ہے تاکہ نیٹو سربراہی اجلاس سے قبل ایک متقفہ لائحہ عمل تیار کیا جاسکے۔


ان کا کہنا تھا کہ اس گروپ کے ذریعے مشترکہ نئی پالیسی تیار کرنے میں مدد ملے گی۔ ان کا کہنا تھا کہ افغانستان میں کوئی بھی پالیسی پاکستان کی شمولیت کے بغیر پائیدار ثابت نہیں ہوسکے گی۔
ان کا کہنا تھا کہ افغانستان میں فوجیوں کی تعداد میں اضافے کے ساتھ ساتھ امریکہ کو سیاسی اور اقتصادی ترقی کی کوششوں میں بھی تیزی لانا ہوگی۔
انہوں نے ملاقات میں امریکی نمائندے کو قبائلی علاقوں میں امریکی جاسوس طیاروں کے حملوں سے متعلق اپنے تحفظات سے بھی آگاہ کیا۔ تاہم ان کا موقف تھا کہ ہالبروک کا یہ دورہ محض زمینی حقائق جاننے اور لوگوں کی رائے جاننے کے لیئے تھا۔
’ہم نے ان سے کہا کہ ہمیں مل بیٹھ کر یہ فیصلہ کرنا ہوگا کہ ان حملوں کے فائدے زیادہ ہیں یا نقصانات۔ اس کے بعد انہیں جاری رکھنے یا نہ رکھنے کے بارے میں فیصلہ کیا جائے۔ ہمیں امید ہے آج قائم کیئے گئے اس گروپ میں آگے چل کر اس موضوع پر بھی زیادہ توجہ کے ساتھ بات ہوگی۔‘
وزیر خارجہ کا کہنا تھا کہ پاکستان اور امریکہ اس بات پر متفق ہیں کہ افغانستان کے مسئلے کا صرف فوجی حل نہیں ہے۔ ان کا کہنا تھا کہ کہ وہ ان شدت پسند عناصر کے ساتھ جو بات چیت کے لیئے راضی ہیں بات کرنے کو تیار ہیں۔ تاہم انہوں نے اعتراف کیا کہ بعض عناصر ایسے ہیں جن کے ساتھ صرف فوجی طریقے سے ہی ڈیل کیا جاسکتا ہے۔
وزیر اعظم سے ملاقات میں رچرڈ ہالبروک نے بتایا کہ وہ امریکہ سے نہ کوئی امریکی قیادت کی کوئی تجاویز اور نہ ہی کسی مطالبے کے ساتھ آئے ہیں۔ ان کا کہنا تھا کہ امریکہ اپنی اقتصادی مشکلات کے باوجود پاکستان کی مالی امداد جاری رکھے گا۔
________________________________________________
ہسی برادران کی شاندار بیٹنگ

ڈیوڈ ہسی 79 رنز بنا کر او برائن کی گیند پر بولڈ ہوئے چوتھا ایک روزہ میچ: آسٹریلیا نے نیوزی لینڈ کو ایڈیلیڈ کے میدان میں 6 وکٹوں سے شکست دی۔
آسٹریلوی ہسی برادران، مائیک ہسی اور ڈیوڈ ہسی، کی شاندار بیٹنگ کی بدولت آسٹریلیا نے ایڈیلیڈ کے میدان میں نیوزی لینڈ کو چھ وکٹ سے شکست دی ہے۔
اس طرح نیوزی لینڈ اور آسٹریلیا اس سیریز میں اب تک دو دو میچ جیت چکے ہیں اور سیریز کا فیصلہ جمعہ کو برسبین میں ہونے والے آخری میچ سے ہو گا۔
میچ میں آسٹریلیا کی ریاست وکٹوریہ میں لگنے والی خطرناک آگ کے لیے چھ ملین ڈالر سے زیادہ کا چندہ اکٹھا کیا گیا۔ اس میں کھلاڑیوں، سپانسرز، تماشائیوں اور انتظامیہ نے حصہ ڈالا۔

مائیک ہسی ایک عمدہ اننگز کھیل کر ناٹ آؤٹ رہے
نیوزی لینڈ نے ٹاس جیت کر پہلے بیٹنگ کا فیصلہ کیا اور مقررہ پچاس اوورز میں آٹھ وکٹ کے نقصان پر 244 رنز بنائے۔ اس میں قابلِ ذکر سکور ٹیلر (76)، گپتل (45)، اور میککلم (33 ) کا تھا۔
نیوزی لینڈ کے 244 کے جواب میں آسٹریلیا نے 48.2 اوورز میں چار وکٹ کے نقصان پر 247 رنز بنا کر یہ میچ جیت لیا۔
آسٹریلیا کی طرف سے ایم ہسی نے 75 رنز بنائے اور آؤٹ نہیں ہوئے، ان کے علاوہ ڈی ہسی 79 رنز بنا کر او برائن کی گیند پر بولڈ ہوئے۔ ان کے علاوہ قابلِ ذکر سکور پچھلے میچ میں سنچری بنانے والے ہیڈن کا تھا جو اس میچ میں بھی رن آؤٹ ہوئے۔ انہوں نے 43 رنز بنائے۔


_______________________________________________
کاجول سب سےآگے اور رانی کا بنگلہ
ریحانہ بستی والا
بی بی سی اردو ڈاٹ کام، ممبئی



بلّو باربر اب صرف بلّو
لوگ کہتے ہیں نام میں کیا رکھا ہے لیکن شاہ رخ خان آج کل یہ کہنے پر مجبور ہیں کہ نام میں سب کچھ رکھا ہے کیونکہ ان کی اپنی کمپنی ریڈ چلیز کی آنے والی فلم ’بلّو باربر‘ کے خلاف پورے ملک کے سیلون اور بیوٹی پارلرز نے احتجاج کیا ہے۔
ان کا کہنا ہے کہ لفظ ’باربر‘ یعنی حجام ہتک آمیز لفظ ہے اور یہ کہہ کر ان کے پیشے کی بےعزتی کی گئی ہے۔ شاہ رخ کو ان کے اس مطالبہ کے سامنے جھکنا پڑا اور انہوں نے اپنی فلم سے لفظ باربر نکالنے کا فیصلہ کر لیا اس لیے اب ان کی فلم کا نام ہو گا ’بلو‘ ۔ویسے آخر آج کل ہر فلم کی نمائش سے پہلے ہی اس طرح کے تنازعہ کیوں کھڑے ہوتے ہیں جبکہ یہ فلم ایک برس سے بن رہی تھی؟ کیا آپ کی سمجھ میں کچھ آرہا ہے؟ اگر ہاں تو ہمیں بھی تو سمجھائیے۔۔۔۔۔
ایک اور ہالی وڈ فلم
آپ کو یاد ہی ہو گا کہ فلمساز ساجد نڈیاڈوالا نے اپنی فلم ’کمبخت عشق‘ میں سیلوسٹر سٹالون کے ساتھ ہالی وڈ سٹارز کا جمگھٹ رکھا ہے تو فیروز نڈیاڈوالا بھلا کیوں پیچھے رہتے۔ ایک قدم آگے بڑھتے ہوئے انہوں نے ہالی وڈ فلمساز روب کوہین کے ساتھ مل فلم بنانے کا فیصلہ کیا۔اب اگر فلمساز ہالی وڈ کا ہو تو فلم کے ستارے بھی ہالی وڈ اور بالی وڈ کے مکسچرز ہوں گے؟ جی ہاں ہالی وڈ سے مونیکا بیلوسی، ایوا مینڈیس، کیمرون ڈیاز ہیں تو بالی وڈ سے امیتابھ بچن اور قطرینہ کیف۔ فلم کا نام ہو گا جیول آف انڈیا اور کہانی کا پس منظر برطانیہ اور انڈیا کا ہے۔ فلم کا بجٹ تین سو کروڑ روپے رکھا گیا ہے۔کون کہتا ہے کہ یہ مندی کا دور ہے؟



شاہد کی گالیاں
آپ کو پتہ ہے سیف علی خان اور شاہد کے درمیان مشترک کیا ہے؟ ہمیں پتہ تھا کہ آپ کہیں گے کرینہ کپور۔۔۔۔۔ارے بھئی وہ تو ٹھیک ہےاس بات سے تو پوری دنیا واقف ہے لیکن ایک اور بات مشترک ہے اور وہ ہے گالیاں۔حیران مت ہوں۔ سیف نے فلم ’اوم کارا‘ کے مکالموں میں فحش گالیاں دی تھیں اور اب شاہد نے وشال بھردواج کی فلم ’ کمینے‘ میں اسی کو دہرایا ہے۔
سیف کرینہ کا بوسہ
سیف نے کرینہ کو بوسہ دینا منظور کر لیا۔۔۔۔۔فلم کے پردے پر۔ سننے میں آیا ہے کہ شروع میں سیف اور کرینہ دونوں ہی اس طرح کا منظر کرنے کے لیے تیار نہیں تھے۔ ایک بات سمجھ میں نہیں آتی ہے کہ حقیقی زندگی کے ’قریبی دوست‘ آخر پردے پر رومانس کرنے پر اعتراض کیوں کرتے ہیں۔آپ کی اطلاع کے لیے بتا دیں کہ کرینہ اور سیف دونوں ہی اس سے پہلے اپنی فلموں میں بوسے کے مناظر بغیر حیل و حجت کے کر چکے ہیں۔
بنگلہ کی نحوست


کیا آپ جانتے ہیں کہ رانی مکھرجی کے کیرئر کا گراف دن بدن نیچے کیوں گرتا جا رہا ہے۔ان کی فلمیں باکس آفس پر ڈمپ کیوں ہو جاتی ہیں؟ آپ کہیں گے شاید یش راج بینر کی فلمیں کرنے کی وجہ سے؟ ایسا آپ سوچتے ہیں لیکن رانی کے جیوتش کا ماننا ہے کہ رانی نے اپنے لیے جو بنگلہ بنایا ہے وہ ان کے لیے منحوس ہے۔بیچاری رانی اپنے کیرئر کو ایک بار پھر اونچے مقام تک پہنچانے کے لیے ایک نئے فلیٹ کی تلاش میں ہیں۔
شاہ رخ کی تعریف
شاہ رخ خان نے فلم ’سلم ڈاگ ملینیئر‘ میں انیل کپور کے کام کی بہت تعریف کی۔ انیل کپور اس فلم میں’ کون بنے گا کروڑ پتی‘ شو کے میزبان بنے ہیں اور شاہ رخ فلم سے پہلے اس ٹی وی شو کے میزبان تھے۔ اس کے بعد تو لوگوں کو یہ کہنا شروع کر دیا کہ شاہ رخ بھی اپنے علاوہ دوسرے فنکار کے کام کی تعریف کرتے ہیں۔ لیکن ہم بات کو نہیں مانیں گے کیونکہ شاہ رخ نے عامر کے کام کی کبھی تعریف نہیں کی کیوں؟۔۔۔۔۔۔۔
وائٹ ہاؤس میں شاہ رخ
اگر یہ خبریں صحیح ہیں کہ وائٹ ہاؤس میں فلم ’مائی نیم از خان‘ کی شوٹنگ ہوئی ہے تو یہ کرن جوہر کے لیے اب تک کا سب سے بڑا اعزاز ہو گا۔خبروں کے مطابق وائٹ ہاؤس کے لان پر امریکہ کے سابق صدر جارج بش کے ڈپلی کیٹ کے ساتھ شوٹنگ ہوئی۔ فلم گیارہ ستمبر کے حملے کے پاس منظر میں بنائی گئی ہے اور اس فلم میں شاہ رخ خان اہم کردار میں ہیں۔

کاجول نے ایک وقفے کے بعد دوبارہ فلموں میں کام کیا ہے
کاجول سب سے مہنگی اداکارہ
ویسے تو بالی وڈ میں اداکاراؤں کا معاوضہ ہیروز کے مقابلے میں نہ ہونے کے برابر ہوتی ہے لیکن کیا آپ یقین کریں گے کہ کاجول کو ان کی فلم ’مائی نیم از خان‘ کے لیے ڈھائی کروڑ روپے مل رہے ہیں اور وہ اس وقت بالی وڈ کی تمام اول نمبر کی ہیروئین سے زیادہ ہیں۔ جی ہاں قطرینہ اور کرینہ کو بھی اس وقت دو کروڑ تیس اور چالیس لاکھ روپے ہی مل رہے ہیں۔ ویسے کاجول نے اس سے تو یہ ثابت کر دیا کہ شادی کے بعد ہیروئین کی قیمت نہیں گھٹتی۔
تھری چیئرز ٹو عرفان خان
منفرد کردار نبھانے والے بالی وڈ فنکار عرفان خان کو برطانوی اعزاز دیا جائے گا۔ یہ اعزام انہیں برطانوی دارلعوام میں دیا جائے گا۔ خان کو اس سے پہلے فلم’سلم ڈاگ ملینئیر‘ میں ان کی اداکاری کے لیے سکرین ایکٹر گلڈ ایوارڈ سے نوازا جا چکا ہے۔ ویسے عرفان خان مغربی فلمی دنیا کے لیے نیا چہرہ نہیں ہیں انہوں نے انجیلینا جولی کے ساتھ ’اے مائٹی ہارٹ‘ کے علاوہ ،’دارجلنگ ان لمیٹیڈ‘، ’دی واریئر‘ ،’سچ اے لانگ جرنی‘ اور’دی نیم سیک‘ جیسی فلموں میں کام کیا ہے ۔
سنجے کی مصروفیات
سنجے دت آج کل فلمیں چھوڑ سیاست میں کود چکے ہیں یہ پرانی خبر ہے لیکن ان کے اس قدم سے فلمساز کتنے پریشان ہیں یہ تو کوئی انہی سے پوچھے۔ فلم ’بلیو‘ میں سنجے دت اکشے کمار کے ساتھ کام کر رہے ہیں اور فلم کی شوٹنگ اسی فیصد مکمل ہو چکی ہے لیکن سنجے بابا کے پاس اس وقت فلم کی تکمیل کے لیے تاریخیں ہی نہیں ہیں۔ فلم پر سو کروڑ روپیہ لگ چکا ہے۔اب اس مندی کے دور میں فلم جلد ہی مکمل نہیں ہوئی تو پروڈیوسر تو بیچارہ گیا کام سے۔

Good Job...thanx for taking over my job...
keep it up...
good luck...

نیٹو کو راستہ دینے پر غور ممکن: روس

نیٹو کی مدد کے لیے امریکہ اور روس کے تعلقات میں بہتری لازمی ہے: روسی وزیر خارجہ روس نےکہا ہے کہ افغانستان میں نیٹو اور امریکی افواج کو جنگی سازو سامان لیجانے کے لیےراستہ دینے پرغور ممکن ہے۔

پاکستان سے امریکی سپلائی روٹ پر طالبان کےمسلسل حملوں کے بعد امریکہ افغانستان میں اپنی فوج کو رسد پہنچانے کے متبادل راستے تلاش کر رہا ہے۔ کچھ روز پہلے کرغزستان نے اپنے ملک میں امریکی فوجی اڈے کو بند کرنے کا اعلان کیا تھا۔

روس کے وزیر خارجہ سرگئی لووروف نے ماسکو میں امریکی سفارت سے بات چیت کے بعد کہا کہ روس امریکہ کو افغانستان میں اسلحہ اور دیگر سازو سامان لے جانے کی اجازت دینے کے بارے میں سوچ سکتا ہے لیکن اس کے لیے دونوں ممالک کےدرمیان تعلقات میں بہتری آنا لازمی ہے۔

امریکہ اور روس کے جارجیا کے تنازعے کے بعد تعلقات کشیدہ ہو گئے ہیں۔

ادھر کرغزستان کے وزیر اعظم نے ان اطلاعات کی تردید کی ہے کہ اس کے ملک نے روس سے دو ارب ڈالر کی امداد ملنے کے اعلان کے بعد اپنی سرزمین سے امریکی فوجی اڈے کو ختم کرنے کا اعلان کیا ہے۔

کرغزستان کے وزیر اعظم نے کہا کہ امریکہ فوجی اڈے کے عوض کو ئی مناسب معاوضہ نہیں دے رہا تھا۔

ادھر یورپی یونین نے کرغزستان کی پارلیمنٹ سے کہا ہے کہ وہ امریکی فوجی اڈے کو بند کرنے سے متعلق کوئی حتمی فیصلہ کرنے سے پہلے اس کے مضمرات پر اچھی طرح غور کر لے۔
پاکستان میں طالبان نے نیٹو سپلائی لائن کو نشانہ بنانا شروع کر رکھا ہے

کرغستان میں اڈے کی بندش کے بعد قزاقستان کی حکومت نے افغانستان میں فوج کو’غیر فوجی‘ سازوسان مہیا کرنے کے لیے اپنی سر زمین استعمال کرنے کی اجازت دینے کا عندیہ تھا۔

قزاقستان کی وزارت خارجہ نے کہا ہے کہ ان کا ملک افغانستان میں امریکی فوجیوں کو غیر فوجی سازو سامان زمینی راستے کے ذریعے لے جانے کی اجازت دے گا۔

کرغزستان میں مانس کے مقام پر امریکہ فوجی اڈہ افغانستان پر امریکی حملے کے بعد قائم کیا تھا۔ کرغزستان میں فوجی اڈہ افغانستان میں امریکی افواج کو رسد پہنچانے کا اہم ذریعہ تھا۔

افغانستان میں برسرپیکار امریکی فوجیوں کو رسد کا زیادہ حصہ پاکستان کے راستے گزرتا ہے لیکن حالیہ مہینوں میں امریکی فوجی سازو سامان لے جانے والے قافلوں کو نشانہ بنایا گیا ہے۔

کرغزستان اور امریکہ میں طے معاہدے کے مطابق کرغزستان کی حکومت کے لیے اڈے کو بند کرنے کے لیے چھ مہینے کا نوٹس دینا لازمی ہے۔

کرغزستان نے امریکی ہوائی اڈے کو بند کرنے کا اعلان روس کی طرف سے دو ارب ڈالر کی امداد کے اعلان کے بعد کیا ہے۔
اس سے قبل دو ہزار پانچ میں ازبکستان نے بھی امریکہ کو اپنے ملک سے ہوائی اڈہ بند کرا دیا تھا۔



___________________________________
پشاور بم دھماکہ، رکنِ اسمبلی ہلاک
عبدالحئی کاکڑ
بی بی سی اردو ڈاٹ کام، پشاور


پشاور میں گزشتہ چند مہینوں میں کئی خود کش حملے ہوئے ہیں پشاور بم دھماکے میں شدید زخمی ہونے والے اے این پی کے رکنِِ صوبائی اسمبلی ہلاک ہو گئے ہیں۔
صوبہ سرحد کے دارالحکومت پشاور میں حکمران جماعت عوامی نیشنل پارٹی کے رکن صوبائی اسمبلی ایک بم دھماکے میں شدید زخمی ہوگئے تھے۔ واقعہ میں دیگر افراد کے زخمی ہوئے تھے۔
صوبائی وزیر اطلاعات میاں افتخار حسین نے بی بی سی کو بتایا کہ عوامی نیشنل پارٹی کے رکن صوبائی اسمبلی عالمزیب خان بدھ کی دوپہر کو دلہ زاک روڈ پر واقع اپنے گھر سے جونہی نکلے تو ان کی گاڑی کو بم حملے کا نشانہ بنایا گیا۔
عالم زیب خان کو لیڈی ریڈنگ ہسپتال منتقل کیا گیا۔
میاں افتخار حسین کے مطابق دھماکے میں نو دیگر افراد بھی زخمی ہوئے جن میں عالمزیب کا ڈرائیور اور محافظ سمیت چھ راہگیر بھی شامل ہیں۔

اے این پی نشانے پر
عوامی نیشنل پارٹی کے رکن صوبائی اسمبلی عالم زیب خان بدھ کی دوپہر کو دلہ زاک روڈ پر واقع اپنے گھر سے جونہی نکلے تو ان کی گاڑی کو بم حملے کا نشانہ بنایا گیا


صوبائی وزیرِ اطلاعات میاں افتخار حسین

عالم زیب خان کا تعلق ضلع دیر سے تھا لیکن وہ پشاور شہر کے حلقے پی ایف ون سے رکنِ صوبائی اسمبلی منتخب ہوئے تھے۔
باقی زخمیوں کو بھی ہسپتال منتقل کیا گیا ہے تاہم انکی حالت خطرے سے باہر بتائی جارہی ہے۔ واقعہ کے فوری بعد وہاں پر بم ڈسپوزل سکواڈ کا عملہ پہنچا ہے جنکے مطابق یہ ریموٹ کنٹرول بم دھماکہ تھا جس میں پانچ کلو بارودی مواد استعمال کیا گیا تھا۔
عینی شاہدین کا کہنا ہے کہ پولیس نے جائے وقوعہ سے پانچ مشتبہ افراد کو گرفتار بھی کیا ہے۔ان کے بقول واقعہ ایم پی اے عالمزیب کے گھر سے تقریباً سو گز کے فاصلے پر ہوا ہے۔
صوبائی وزیر اطلاعات نے سرِ دست کسی پر بھی ذمہ داری عائد کرنے سے اجتناب کیا ہے البتہ انہوں نے کہا کہ اے این پی کے قائدین اور کارکنوں کو مسلسل حملوں کا نشانہ بنایا جا رہا ہے ۔ اس سے قبل عوامی نینشل پارٹی کے سربراہ اسفندیار ولی خان پر بھی خود کش حملہ ہوا ہے جبکہ شورش زدہ سوات میں پارٹی کے کئی مقامی قائدین اور کارکنوں کو ہلاک کیا گیا ہے۔
دوسری طرف پاکستان کے دورے پر آئے امریکی نمائندہ خاص رچرڈ ہالبروک بدھ کو پشاور پہنچے ہیں جہاں انہیں گورنر ہاؤس میں قبائلی علاقےاور صوبہ سرحد میں جاری شورش کے حوالے سے بریفنگ دی گئی ہے۔
اس سے قبل انہوں نے خیبر ایجنسی میں پاک افغان سرحد کا دورہ کیا اور علاقے کا جائزہ لیا۔



________________________
اہلیت کیس، لارجر بنچ پر فیصلہ موخر
شہزاد ملک
بی بی سی اردو ڈاٹ کام، اسلام آباد


شریف برادران چاہتےہیں کہ معاملے کی سماعت پی سی او کےتحت حلف اٹھانےوالے جج نہ کریں سپریم کورٹ نے پاکستان مسلم لیگ نون کے قائد میاں نواز شریف اور وزیر اعلی پنجاب میاں شہباز شریف کی اہلیت کے بارے میں دائر درخواستوں کی سماعت کے لیے لارجر بنچ کی تشکیل کے حوالے سے مختلف درخواستوں پر فیصلہ موخر کردیا ہے۔
جسٹس موسی کے لغاری کی سربراہی میں سپریم کورٹ کے تین رکنی بینچ نے جب ان درخواستوں کی سماعت شروع کی تو میاں نواز شریف کے تائید کنندہ شکیل بیگ کے وکیل اے کے ڈوگر نے عدالت کو مخاطب کرتے ہوئے کہا کہ وہ پہلے ان درخواستوں کی سماعت کے لیے لارجر بینچ کی تشکیل کے حوالے سے متفرق درخواستوں پر فیصلہ دے جس کے بارے میں فریقین اپنے دلائل مکمل کرچکے ہیں۔
انہوں نے کہا کہ لاہور ہائی کورٹ کے فیصلے کے خلاف سپریم کورٹ میں آنا شہری کا حق ہے اور عدالت کا یہ فرض بنتا ہے کہ وہ شہری کو انصاف فراہم کرے۔
اس پر بینچ میں شامل جج شیخ حاکم علی نے کہا ہے کہ ججوں کو گالیاں دینا درخواست گذار کے حقوق کے ذمرے میں نہیں آتا۔ انہوں نے کہا کہ وہ اپنے دلائل کے دوران عدالت کو بددیانت تک کہتے رہے ہیں۔
اے کے ڈوگر نے کہا کہ اُن کا وکالت میں 35 سالہ تجربہ ہے اور وہ عدالت کی معاونت کرنا چاہتے ہیں اس لیے پہلے متفرق درخواستوں پر فیصلہ آنا چاہیے۔
جس پر شیخ حاکم علی نے کہا کہ وہ اپنا تجربہ اپنے پاس ہی رکھیں اور عدالت شریف برادران اور لارجر بینچ کی تشکیل کے حوالے سے متفرق درخواستوں پر فیصلہ ایک ساتھ ہی سنائے گی۔
بعد ازاں کمرہ عدالت کے باہر میڈیا کے نمائندوں سے گفتگو کرتے ہوئے اے کے ڈوگر نے کہا کہ ایسا محسوس ہوتا ہے کہ عدالت اُن کاموقف سُنے بغیر ہی ان درخواستوں پر فیصلہ سُنادے گی۔
انہوں نے کہا کہ میاں نواز شریف کے تجویز کنندہ اور تائید کنندہ کے وکلاء نے صرف اس بات پر دلائل دیئے ہیں کہ پی سی او کے تحت حلف اُٹھانے والے جج صاحبان شریف برادران کی اہلیت کے کیس کی سماعت کے اہل نہیں ہیں۔ اس لیے اُن ججوں پر مشتمل سپریم کورٹ کا لارجر بینچ تشکیل دیا جائے جنہوں نے تین نومبر سنہ دوہزار سات کو سابق صدر جنرل ریٹائرڈ پرویز مشرف کی طرف سے لگائی جانے والی ایمرجنسی کے بعد پی سی او کے تحت حلف لینے سے انکار کردیا تھا۔







_________________________________________
سوات: آپریشن ختم کرنے کا مطالبہ

عبدالحئی کاکڑ
بی بی سی اردوڈاٹ کام، پشاور


مطالبات تسلیم نہیں کیے گئے تو وہ تین دن کے بعد پشاور اور مینگورہ شاہراہ کو بند کرکے دھرنا دیں گے: مظاہرین صوبہ سرحد کے شورش زدہ سوات میں فوجی آپریشن کے خلاف ہزاروں شہریوں کی جانب سے اپنی نوعیت کا ایک بہت بڑا احتجاجی مظاہرہ ہوا ہے جس میں فوجی کارروائی فی الفور ختم کرنے کا مطالبہ کیا گیا ہے۔
مقامی لوگوں کا کہنا ہے کہ یہ احتجاجی مظاہرہ تحصیل بری کوٹ کے بازار میں ہوا ہے جس میں آس پاس کے گاؤں سے آئے ہوئے ہزاروں شہریوں نے شرکت کی ہے۔مظاہرے کے دوران شہریوں نے سفید جھنڈے اٹھا رکھے تھے اور وہ فوجی آپریشن کے خلاف نعرے لگاتے رہے۔
مظاہرے سے خطاب کرتے ہوئے مقررین نے فوجی آپریشن کے دوران شہریوں کو پہنچنے والے جانی و مالی نقصان پر فوجی کارروائی کو شدید تنقید کا نشانہ بنایا۔ انہوں نے کہا کہ حکومت جلد از جلد کارروائی بند کرے اور مختلف علاقوں میں کرفیو کو اٹھائے۔
انہوں نے کہا کہ سوات میں امن و امان کے قیام کے لیے حکومت نظام عدل ریگولیشن فوری طور نافذ کرے۔ انہوں نے دھمکی دی کہ اگر ان کے مطالبات تسلیم نہیں کیے گئے تو وہ تین دن کے بعد پشاور اور مینگورہ شاہراہ کو بند کرکے دھرنا دیں گے۔
اس موقع پر لوگوں نے دو گھنٹے تک پشاور اور مینگورہ شاہراہ کو بھی بند کردیا۔احتجاجی مظاہرہ اتنا بڑا تھا کہ بازار میں جگہ کم پڑ گئی اور لوگ آس پاس کی دکانوں اور مارکیٹوں کی چھتوں پر بیٹھے ہوئے تھے۔
مقامی لوگوں کا کہنا ہے کہ انہوں نے سوات میں فوجی آپریشن کے دوران اتنا بڑا مظاہرہ اس سے پہلے نہیں دیکھا تھا۔
سوات میں گزشتہ کئی دنوں سے شہریوں کی جانب سے احتجاجی مظاہروں میں اضافہ ہوگیا ہے جبکہ مقامی لوگوں کے مطابق منگل کو بھی مینگورہ میں ہونے والے ایک مظاہرے میں شہریوں کے جذبات کی شدت دیکھتے ہوئے حکومت نے دن کے وقت کرفیو کےنفاذ کا اعلان کیا۔
سوات میں چھبیس جنوری سے شروع ہونے والی فوجی کارروائی کے تیسرے مرحلے کے بعد سکیورٹی فورسز کی جانب سے داغےگئے گولوں میں سو کے قریب شہری ہلاک ہوئے ہیں جبکہ ہزاروں لوگوں نے نقل مکانی کی ہے۔
مبصرین کا خیال ہے کہ آپریشن میں شہریوں کی ہلاکت اور نقل مکانی سے تنگ آئے ہوئےلوگوں کی جانب سے ہونے والے مظاہروں کا فائدہ علاقے میں سرگرم مسلح طالبان کو پہنچ رہا ہے۔







_______________________________________________





پناہ گزین، ’طالبان سے نقصان نہیں ہوا‘

دلاورخان وزیر
بی بی سی اردو ڈاٹ کام، پشاور


اس خیمہ بستی میں دو ہزار سے زیادہ متاثرہ خاندان رہائش پذیر ہیں
پاکستان کے قبائلی علاقے باجوڑ ایجنسی میں عسکریت پسندوں کے خلاف فوجی کارروائیاں شروع ہونے کے بعد باجوڑ سے لاکھوں لوگوں نے نقل مکانی کر کے پشاور اور اس کے گرد و نواح کے علاقوں میں پناہ لے رکھی ہے۔
ان میں کچھ لوگ پشاور کے کچا گڑھی اور ناصر باغ کی خیمہ بستیوں کے علاوہ نوشہرہ کے علاقے رسالپور میں بھی آ کر آباد ہوئے ہیں۔ رسالپور میں حکومت نے باجوڑ کے متاثرین کے لیے ایک ہسپتال کی ایک خالی عمارت میں ریلیف کیمپ قائم کیا ہے اور ساتھ ہی ایک کھلے میدان میں خیمہ بستی آباد کی ہے۔
اس خیمہ بستی میں دو ہزار سے زیادہ متاثرہ خاندان رہائش پذیر ہیں۔ تاہم یہ متاثرین خوراک، ادویات اور دیگر مسائل کا شکار ہیں۔
رسالپور کیمپ میں آباد لوگوں کا کہنا ہے کہ وہ اپنے بچوں کے مستقبل کے لیے بہت پریشان ہیں اور ان کا کہنا ہے کہ ان کو نہیں معلوم کہ حکومت ان کے ساتھ یہ زیادتی کیوں کررہی ہے۔
کیمپ میں پناہ لینے والے ایک شخص بارہ خان کا کہنا ہے کہ کیمپ میں کسی قسم کی سہولت میسر نہیں ہے۔ حکومت جتنا ظلم کررہی ہے اس کی کوئی حد نہیں۔ انہوں نے کہا کہ انہوں نے نےنہ طالبان کو دیکھا ہے اور نہ ہی طالبان کے ہاتھوں یا زبان سے ان کو کوئی نقصان پہنچا ہے۔ بلکہ وہ سکیورٹی فورسز کی کارروائی اور شیلنگ سے مجبورہوکر یہاں پہنچے ہیں۔
انہوں نے الزام لگایا کہ حکومت نے ان کے لیے کیمپ لگایا ہے لیکن کیمپ میں کسی قسم کی سہولت موجود نہیں ہے۔ بارہ خان کے مطابق کیمپ میں بچوں کے لیے ایک سکول بھی قائم کیا ہے لیکن سکول میں پڑھائی نہیں۔ انہوں نے بتایا کہ وہ انتہائی مشکل حالت میں یہاں پہنچے ہیں اور راستے میں کئی بچے اور خواتین چل بسے۔

ان کیمپوں میں راشن فی کس نہیں فی خاندان کے حساب سے تقسیم کیا جاتا ہے

چارمنگ کے رہائشی دوست محمد نے بتایا کہ ریلیف کیمپ میں تقسیم کا کوئی معیار نہیں ہے۔ آٹے، گھی اور دوسری اشیاء کی تقسیم میں یہ نہیں دیکھا جاتا کہ کونسا خاندان بڑا ہے اور کونسا چھوٹا ہے۔ انہوں نے الزام عائد کیا کہ خاندان بڑا ہو یا چھوٹا ہر خاندان کو ایک تروڑہ یعنی ایک چھوٹا تھیلا آٹے کا ملتا ہے۔ گھی اور دال بھی اسی حساب سے ملتی ہے۔
دوست محمد کا کہنا تھا کہ جو آٹا ان کو مل رہا ہے وہ آٹا جانوروں کے کھانے کے بھی قابل نہیں ہے لیکن وہ مجبوری کی وجہ سے کھا رہے ہیں۔
ایک سکول کے طالب علم نظام الدین نے بتایا کہ وہ جنگ کی وجہ سے یہاں آے ہیں۔ انہوں نے کہا کہ باجوڑ میں بہت خوش تھے اور یہاں وہ مایوسی کی زندگی گزار رہے ہیں۔ ’باجوڑ میں مکان میں رہتے تھے لیکن یہاں خیموں میں ایک ویران زندگی سے دو چار ہیں۔‘

کوشش ہوتی ہے کہ ہر خاندان کو کچھ نہ کچھ آٹا، دال اور دوسری اشیاء مل جائیں لیکن اب سامان پورا کرنا ایک مسئلہ بن گیا ہے۔


مینیجر ریلیف کیمپ


نظام الدین نے کہا کہ باجوڑ میں وہ اپنے دوستوں کے ساتھ سکول جایا کرتے تھے لیکن یہاں دو بھائی اور چار بہنوں کے علاوہ ان کا کوئی دوست نہیں ہے۔ اور جو دوست تھے وہ دوسرے کیمپوں میں چلے گئے ہیں۔ ’میرے والد کراچی میں محنت مزدوری کرتے ہیں اور گھر کی تمام ذمہ داری میرے کندھے پر پڑی ہیں۔‘
ریلیف کیمپ کے سربراہ نے بتایا کہ وہ کوشش کرتے ہیں کہ ہر خاندان کو کچھ نہ کچھ آٹا، دال اور دوسری اشیاء مل جائے لیکن اب ان کے لیے بھی سامان پورا کرنا ایک مسئلہ بن گیا ہے۔
ان کے مطابق پہلے ایک غیر سرکاری تنظیم امہ اکیڈمی والے چینی، دال اور آٹا دے رہے تھے لیکن اب انہوں نے ریلیف دینی بند کردی ہے۔ اب صرف حکومت اور چند دوسری تنظیموں کا سامان آتا ہے جس سے متاثرین مطمئین نہیں ہیں۔




__________________________________________________ __



’افریقہ کو یو ایس اے بن جانا چاہیے‘

مغربی طرز جمہوریت براعظم افریقہ کے لیے ناموزوں ہے: معمر قدافی افریقن یونین کے چیئرمین معمر قدافی نے کہا ہے کہ جزائر غرب الہند کے بعض ممالک کو یونائیٹڈ سٹیٹس آف افریقہ (یو ایس اے) میں شامل کیا جانا چاہیے۔
لیبیا کے رہنما گزشتہ ہفتے ہی تریپن افریقی ممالک کی تنظیم افریقن یونین کے ایک سال کے لیے چیئرمین بنے ہیں۔
معمر قدافی نے صومالیہ کے قزاقوں کے ساتھ ہمدردی کا اظہار کرتے ہوئے کہا ہے کہ وہ جو کچھ بھی کر رہے ہیں وہ ذاتی دفاع میں کر رہے ہیں کیونکہ غیر ملکی صومالیہ کی سمندری دولت کو چرا رہے ہیں ۔
کرنل قدافی نے کہا اقوام متحدہ کو چاہیے کہ وہ صومالیہ کے سمندری اثاثوں کا حفاظت کرے۔
لیبیا کے رہنما نے افریقین یونین کا چیئرمین بننے کے بعد کہا تھا کہ مغربی
طرز جمہوریت براعظم افریقہ کے لیے ناموزوں ہے۔ انہوں نے مغربی جموریت نے افریقی عوام کا خون بہایا ہے۔
انہوں نےکہا افریقی ممالک کے لیے لیبیا میں رائج نظام حکومت ایک بہترین ماڈل ہو سکتی جس میں اپوزیشن کی کوئی گنجائش نہیں۔
معمر قذافی کے نقادوں کا خیال ہے کہ انتہائی متلون مزاج اور سیلانی طبعیت کے مالک قدافی اتنے بڑے عہدے کے لیے ناموزوں ہیں۔
لیبیا کے رہنما افریقہ کو امریکہ کی طرز پر یونائیٹڈ سٹییٹس آف افریقہ بنانے کے خیال کو فروغ دینے کے کوشش کر رہے ہیں۔ لیبیا کے رہنما کا خیال ہے کہ یونائیٹڈ سٹیٹس آف افریقہ کی ایک کرنسی اور ایک فوج ہونی چاہیے۔ افریقہ کے شہریوں کا ایک پاسپورٹ ہو اور پورے براعظم میں بغیر کسی روک ٹوک سفر کی اجازت ہو۔
افریقی ممالک افریقہ نے معمر قدافی کی تجویز پر کسی گرم جوشی کا مظاہرہ نہیں کیا ہے۔




________________________________________




یوسف کےخلاف کارروائی ہوگی‘
عبدالرشید شکور
بی بی سی اردو ڈاٹ کام، کراچی


محمد یوسف نے کنٹریکٹ کی خلاف ورزی کی، عدالت سے رجوع کریں گے: پی سی بی پاکستان کرکٹ بورڈ کا کہنا ہے کہ اسے آئی سی ایل کرکٹرز کے ڈومیسٹک کرکٹ کھیلنے پر کوئی اعتراض نہیں لیکن وہ محمد یوسف کے خلاف عدالت سے رجوع کرے گا۔
پاکستان کرکٹ بورڈ کے قانونی مشیر شان گل نے بی بی سی سے بات کرتے ہوئے کہا کہ پاکستان کرکٹ بورڈ ، آئی سی ایل کرکٹرز کے ڈومیسٹک کرکٹ کھیلنے پر عائد پابندی ختم کرنے کے سندھ ہائی کورٹ کے فیصلے کا احترام کرتا ہے۔
واضح رہے کہ سندھ ہائی کورٹ کے جسٹس امیر ہانی مسلم نے دو فروری کو اپنے فیصلے میں پاکستان کرکٹ بورڈ کی پلیئنگ کنڈیشن 2.2 کو معطل کرتے ہوئے آئی سی ایل کھیلنے والے گیارہ کرکٹرز کو ڈومیسٹک کرکٹ کھیلنے کی اجازت دے دی تھی اور پاکستان کرکٹ بورڈ کو جواب داخل کرنے کے لئے کہا تھا۔
بدھ کو ہونے والی سماعت پچیس فروری تک ملتوی کردی گئی۔
پاکستان کرکٹ بورڈ کے وکیل شان گل کا کہنا ہے کہ محمد یوسف سمیت گیارہ کرکٹرز جنہوں نے ڈومیسٹک کرکٹ کھیلنے پر عائد پابندی کے فیصلے کے خلاف دعوی دائر کیا تھا فرسٹ کلاس کرکٹ کھیل سکتے ہیں لیکن وہ اگلی سماعت میں محمد یوسف کے خلاف دعویٰ دائر کرینگے۔
اس کی وجہ یہ ہے کہ محمد یوسف نے گزشتہ سال سینٹرل کنٹریکٹ کی خلاف ورزی کرتے ہوئے نہ صرف آئی سی ایل میں شمولیت اختیار کی بلکہ دوسال قبل آئی سی ایل چھوڑنے کے لیے مبینہ طور پر پاکستان کرکٹ بورڈ سے ایک کروڑ روپے بھی وصول کئے تھے۔اس وقت پاکستان کرکٹ بورڈ کے سربراہ ڈاکٹر نسیم اشرف تھے۔
شان گل نے کہا کہ سندھ ہائی کورٹ کے فیصلے سے جن کرکٹرز کو فائدہ ہوگا ان میں انضمام الحق، عبدالرزاق، محمد یوسف، محمد سمیع،حسن رضا، طاہر مغل، رانا نوید الحسن، ہمایوں فرحت، شاہد نذیر، حافظ خالداور شبیر احمد شامل ہیں۔
انہو ں نے کہا کہ عمران فرحت عدالت سے رجوع کرنے والے کرکٹرز میں شامل نہیں اس لئے وہ فوری طور پر ڈومیسٹک کرکٹ نہیں کھیل سکتے۔انہوں نے عمران فرحت کو مشورہ دیا ہے کہ اگر وہ ڈومیسٹک کرکٹ کھیلنا چاہتے ہیں تو انہیں خود عدالت سے رجوع کرنا ہوگا۔
واضح رہے کہ عمران فرحت حبیب بینک سے کھیلتے ہیں جس نے اپنے چھ کھلاڑیوں کے قومی کیمپ اور سری لنکا کے خلاف دو روزہ میچ کی ٹیم میں شامل ہونے کے سبب پانچ آئی سی ایل کرکٹرز کو اپنے اسکواڈ میں شامل کرنے کے لئے پاکستان کرکٹ بورڈ سے درخواست کی ہے۔ان کرکٹرز میں عمران فرحت۔ توفیق عمر، حسن رضا، ہمایوں فرحت اور شاہد نذیر شامل ہیں۔



______________________________________________
اپنی نہیں پالتو جانور کی خاطر

اٹھائیس فیصد افراد پالتو جانوروں پر تمباکو نوشی کے مضر اثرات کی وجہ سے تمباکو نوشی چھوڑ دیں گے امریکی تحقیق کے مطابق تمباکو نوشی کرنے والے افراد اپنی صحت سے زیادہ اپنے پالتو جانوروں کی صحت کے خیال سے تمباکو نوشی ترک کر سکتے ہیں۔
اس تحقیق کے حوالے سے تین ہزار تین سو تمباکو نوشی کرنے والے اور پالتو جانور رکھنے والوں کا سروے کیا گیا۔ ان میں سے اٹھائیس فیصد افراد کا کہنا تھا کہ وہ اپنے پالتو جانوروں پر تمباکو نوشی کے مضر اثرات کی وجہ سے تمباکو نوشی چھوڑ دیں گے۔
ایک دوسری تحقیق کے مطابق تمباکو نوشی کرنے والے افراد کے پالتو جانور جیسے کہ کتے اور بلیوں میں سرطان اور دیگر صحت کے مسائل پائے گئے ہیں۔
تاہم تحقیق دانوں نے ٹوباکو کنٹرول میں لکھا ہے کہ چند ہی تمباکو نوشی کرنے والے افراد ان کے پالتو جانوروں پر مضر اثرات سے واقف ہیں۔
ڈیٹروئٹ میں ہینری فورڈ ہیلتھ سسٹم نے تمباکو نوشی کی عادت اور اس کے پالتو جانوروں پر اثرات کے حوالے سے آن لائن سروے کیا۔
اس سروے میں بیس فیصد لوگ تمباکو نوشی کرتے ہیں اور ایک چوتھائی تمباکو نوشی کرنے والے کے ساتھ رہتے ہیں۔ اوسطاً تیرہ اعشاریہ پانچ فیصد سگریٹ روزانہ پیئے جاتے ہیں اور ان میں نصف گھر میں پیئے جاتے ہیں۔
ان افراد میں سے اٹھائیس اعشاریہ چار فیصد افراد کا کہنا ہے ان کے جانوروں کی صحت کو لاحق خطرے جاننے کے بعد وہ تمباکو نوشی چھوڑ دیں گے۔
اس کے علاوہ آٹھ اعشاریہ سات فیصد کا کہنا ہے کہ وہ اپنے ساتھیوں کو تمباکو نوشی سے منع کریں گے جبکہ تقریباً چودہ فیصد افرد نے کہا کہ وہ اپنے ساتھی سے کہیں گے کہ تمباکو نوشی گھر سے باہر کریں۔
وہ لوگ جو تمباکو نوشی نہیں کرتے ان میں سے سولہ فیصد نے کہا کہ وہ اپنے ساتھی سے تمباکو نوشی چھوڑنے کا کہیں گے جبکہ ایک چوتھائی نے کہا کہ وہ اپنے ساتھی سے گھر سے باہر تمباکو نوشی کرنے کا کہیں گے۔
تحقیق دانوں کی ٹیم کے سربراہ ڈاکٹر شیرن نے کہا کہ اب تحقیق یہ کی جائے گی کہ آیا لوگ واقع تمباکو نوشی ترک کرتے ہیں یا نہیں۔









_____________________________________________
ریحانہ کا جھگڑا، شو منسوخ


یہ دوسری مرتبہ ہے کہ ریحانہ نے انڈونیشیا میں شو منسوخ کیا ہے آر اینڈ بی گلوکارہ ریحانہ نے جمعرات کے روز جکارتہ میں ہونے والا کنسرٹ منسوخ کردیا ہے۔
ریحانہ کے شو کے پروموٹر شوماسٹر نے کہا ہے کہ ریحانہ کی ان کے دوست کرس براؤن کے ساتھ جھگڑے کی وجہ سے یہ شو منسوخ کیا گیا ہے۔
بیس سالہ ریحانہ نے گریمی ایوارڈ پر اور منگل کے روز ملیشیا میں ایک شو میں پرفارم کیا تھا۔
انیس سالہ کرس براؤن کو اتوار کے روز دھمکی دینے کے الزام میں گرفتار کیا گیا تھا۔ ان کو بعد میں پچاس ہزار ڈالر کی ضمانت پر رہا کر دیا گیا۔
اس کنسرٹ کے پروموٹر ٹرائے رضا نے فرانسیسی خبر رساں ایجنسی اے ایف پی کے ساتھ بات چیت میں شو کی منسوخی کی تصدیق کی۔
’ہم نے ولیم مورس ایجنسی کے ٹونی گولڈرنگ سے بات کی اور انہوں نے بتایا کہ ریحانہ اور ان کے دوست کے جھگڑے کی وجہ سے یہ شو منسوخ کرنا پڑا۔ انہوں نے اس شو کو کسی اور تاریخ پر منعقد کرنے کی پیشکش کی لیکن ہمارے خیال میں یہ شو کم از کم اس سال نہیں ہو گا۔‘
دوسری طرف وکیل استغاثہ کا کہنا ہے کہ کرس کے خلاف پولیس سے مزید شواہد حاصل کیے جا رہے ہیں۔
پولیس کے مطابق لاس اینجلس میں کرس اور ایک نامعلوم عورت کے درمیان جھگڑا ہوا جس میں اس وقت شدت آئی جب دونوں افراد گاڑی سے اتر آئے۔
ریحانہ کی تشہیر کے انچارج نے اس واقعہ کی تصدیق یا تردید نہیں کی اور ایک مختصر بیان میں کہا ’ریحانہ ٹھیک ہیں۔‘
واضح رہے کہ یہ دوسری مرتبہ ہے کہ ریحانہ نے انڈونیشیا میں شو منسوخ کیا ہے۔ اس سےقبل پچھلے سال نومبر میں بھی انہوں نے شو اس وقت منسوخ کیا تھا۔

جنوبی وزیرستان میں میزائل حملہ


امریکی ڈرون طیاروں نے مبینہ طور پر پاکستان کے قبائلی علاقے جنوبی وزیرستان کے علاقے نصر خیل میں میزائل حملہ کیا ہے جس میں اب تک موصول ہونے والی اطلاعات میں تین افراد ہلاک ہوئے ہیں۔
بعض دیگر ذرائع سے ملنے والے اطلاعات کے مطابق میزائیل حملے متعدد ہلاکتوں کا خدشہ ہے۔
مقامی ذرائع سے ملنے والی اطلاعات کے مطابق یہ حملہ بیت اللہ محسود کے زیرِ اثر علاقے میں کیا گیا ہے۔
اطلاعات کے مطابق میزائیل حملہ روشان محسود نامی ایک قبائیلی کے حجرے پر کیا گیا۔
اطلاعات کے مطابق مرنے والوں میں ازبک جنگجو بھی شامل ہیں۔
سرکاری طور پر اس حملے سے لاعلمی ظاہر کی جا رہی ہے۔
مزید تفصیلات آ رہی ہیں۔



__________________________________________________ _______________________
سینیٹ سے بھی اقتصادی بِل منظور


صدر اوباما نے جمعہ کی صبح اس بل کی منظوری کو’اہم ترین‘ قرار دیا تھا۔ امریکی ایوانِ نمائندگان کے بعد ایوانِ بالا یعنی امریکی سینیٹ نے بھی امریکی معیشت کی بحالی کے لیے صدر براک اوباما کے اقتصادی منصوبے کی منظوری دے دی ہے۔
دونوں ایوانوں سے سات سو ستاسی ارب ڈالر کے اقتصادی پیکیج کی منظوری کے بعد اب امریکی صدر پیر کو اس بل پر دستخط کریں گے جس کے بعد یہ قانون کی شکل اختیار کر لے گا۔
سینیٹ میں اس بل کے حق میں ساٹھ اور مخالفت میں اڑتیس ووٹ ڈالے گئے۔اس سے قبل ایوانِ نمائندگان میں معاشی پیکیج کی اتفاقِ رائے سے منظوری کی کوششیں ناکام رہیں اور امریکی صدر کے مجوزہ سات سو ستاسی ارب ڈالر کے پیکیج کے حق میں دو سو چھیالیس ڈیموکریٹ سینیٹرز نے ووٹ دیا جبکہ سات ڈیموکریٹ اور ایک سو چھہتر ریپبلکن سینیٹرز نے اس کی مخالفت کی۔
دونوں ایوانوں کے منظور کردہ اقتصادی منصوبے کے تحت چھتیس فیصد رقم ٹیکس کٹوتی اور چونسٹھ فیصد اخراجات اور معاشی منصوبوں کے لیے مختص ہوگی۔
صدر اوباما نے جمعہ کی صبح اس بل کی منظوری کو’اہم ترین‘ قرار دیا تھا۔ ان کا کہنا تھا کہ یہ بل پینتیس لاکھ کے قریب نئی نوکریوں کے قیام یا پھر موجودہ نوکریوں کے خاتمے سے بچاؤ کی وجہ بنے گا۔
اعدادو شمار کے مطابق صرف جنوری میں ہی تقریباً چھ لاکھ امریکی بے روزگار ہوئے ہیں جوگزشتہ پینتیس برسوں کے اعدادو شمار کے برابر ہے۔
واشنگٹن میں بی بی سی کے نامہ نگار کا کہنا ہے کہ صدر اوباما کسی بھی طرح اس پیکیج کی منظوری چاہتے ہیں۔اقتدار سنبھالنے کے بعد قانون سازی سے متعلق صدر اوباما کا یہ پہلا قدم ہے جس میں انہیں خاصی مشکلات پیش آ رہی ہیں۔

__________________________________________________ ____________
اوباما نے بات تک نہیں کی: کرزئی


’افغان عوام اپنی حکومت سے تحفظ اور اپنے لیے سینہ سپر ہوجانے کی توقع رکھتے ہیں‘ افغانستان کے صدر حامد کرزئی نے کہا ہے امریکہ میں نئی حکومت کے قیام کے باوجود امریکہ اور افغان حکومت کے تعلقات میں کشیدگی پائی جاتی ہے۔
عرب ٹی وی الجزیرہ کو دیے گئے ایک انٹرویو میں افغان صدر نے کہا کہ وہ افغان عوام کے مفادات کے تحفظ کے لیے کمربستہ رہیں گے چاہے اس سے امریکہ اور برطانیہ میں کچھ لوگ ناراض ہی کیوں نہ ہوجائیں۔
انٹرویو کے دوران حامد کرزئی نے یہ بھی بتایا کہ انہوں نے گزشتہ ماہ امریکی صدر براک اوباما کی حلف برداری کے بعد سے ان سے گفتگو نہیں کی ہے۔
افغان صدر کا کہنا تھا کہ اس بات سے امریکہ میں کچھ لوگ ناراض ہوگئے ہیں اور انہیں اس ناراضگی کا اندازہ ہے اور یہی وجہ ہے کہ امریکی اور برطانوی ذرائع ابلاغ میں ان کے اور افغان حکومت کے بارے میں افواہیں اور خبریں دی جا رہی ہیں۔
انہوں نے کہا کہ ’میں جانتا ہوں کہ یہ تو ہوگا لیکن مجھے اپنے مقصد پر کاربند رہنا ہے۔ مجھے عام شہریوں کی ہلاکتیں بند کرانے اور افغان شہریوں کی گرفتاریاں رکوانے کی مہم جاری رکھنی ہے کیونکہ ہم ایک خودمختار ملک ہیں اور افغان عوام اپنی حکومت سے تحفظ اور اپنے لیے سینہ سپر ہوجانے کی توقع رکھتے ہیں‘۔
یاد رہے کہ افغانستان اور امریکہ کے درمیان ملک میں امریکی فوج کی بمباری سے شہریوں کی ہلاکتوں کی بڑھتی ہوئی تعداد پر گزشتہ کچھ عرصے میں کشیدگی میں اضافہ ہوا ہے۔
اس حوالے سے صدر کرزئی کا یہ بھی کہنا تھا کہ امریکی انتظامیہ کے ساتھ افغان حکومت کی کشیدگی کی وجہ بھی یہی معاملات ہیں، لیکن بقول حامد کرزئی دو روز پہلے ہی اس پر امریکہ کے ساتھ یہ سمجھوتہ طے پایا ہے کہ ایسے معاملات میں فیصلہ سازی میں افغانوں سے مزید مشاورت کی جائے گی۔صدر کرزئی نے امید ظاہر کی کہ ایک دفعہ یہ انتظام ٹھیک طور پر نافذ ہوگیا تو اس سے افغان عوام کے لیے سکیورٹی صورتحال میں بہت بہتری آئےگی۔
خیال رہے کہ امریکہ افغان کشیدگی کے بارے میں افغان صدر کا یہ بیان ایک ایسے وقت میں سامنے آیا ہے جب افغانستان اور پاکستان کے لیے امریکی صدر کے مقررہ کردہ ایلچی رچرڈ ہارلبروک نے حال ہی میں کابل کا دورہ کیا ہے۔ اس دورے سے قبل ہالبروک نے کہا تھا کہ افغانستان میں طالبان کی مزاحمت پر قابو پانے میں کافی وقت لگ سکتا ہے اور افغانستان میں کامیابی حاصل کرنا عراق سے کہیں زیادہ مشکل ہو گا۔

کرم ایجنسی میں امریکی میزائل حملہ
عبدالحئی کاکڑ
بی بی سی اردو ڈاٹ کام، پشاور


کرم ایجنسی پر یہ پہلا امریکی میزائل حملہ ہے
پاکستان کے قبائلی علاقے کرم ایجنسی میں طالبان کے ایک مبینہ کیمپ پرامریکی میزائل حملے میں متعدد افراد ہلاک ہو گئے ہیں۔
سرکاری ذرائع نے بی بی سی کو بتایا کہ میزائل حملے کا نشانہ طالبان کا ایک ٹریننگ کیمپ تھا جس میں افغان اور پاکستانی طالبان موجود تھے۔
عینی شاہدوں کے مطابق میزائل حملے میں مرنے والوں کی تعداد آٹھ سے دس ہو سکتی ہے۔
اطلاعات کے مطابق میزائل حملے پیر کو صبح دس بجے کے قریب کرم ایجنسی کے علاقے لوئر کرم کی تحصیل علی زئی میں سًرپل میں طالبان کےمبینہ کیمپ پر ہوا۔
ذرائع کے مطابق اس میزائل حملے میں دس افراد ہلاک ہوئے ہیں تاہم سرکاری طور پر اس کی تصدیق نہیں ہو سکی ہے۔
یہ مبینہ تربیتی کیمپ افغانستان کے مشرقی صوبے خوست سے صرف پندرہ کلومیٹر کے فاصلے پر واقع ہے۔اس کیمپ میں افغان طالبان تربیت حاصل کیا کرتے تھے جن کی کارروائیوں کا مرکز افغانستان تھا۔
اس کیمپ کی قیادت مولانا محمد امین اور مولانا صدر کیا کرتے تھے۔ اس کیمپ میں سوبری قبیلے کے افراد تربیت حاصل کر رہے تھے۔اطلاعات کے مطابق ان کی تعداد پینتیس سے چالیس تھی۔
واضح رہے کہ یہ تربیتی کیمپ روس کی افغانستان میں موجودگی کے دور کا کیمپ ہے جو کہ ابھی تک فعال تھا۔
کرم ایجنسی میں یہ پہلا امریکی میزائل حملہ ہے۔ اس سے قبل جنوبی وزیرستان، شمالی وزیرستان اور باجوڑ امریکی حملوں کی زد میں رہے ہیں۔کرم ایجنسی پر امریکی میزائل حملے کے بعد پاکستان کے سات قبائلی ایجنسیوں میں سے چار پر امریکی حملے ہو چکے ہیں۔
امریکہ کے نو منتخب صدر باراک اوبامہ کہہ چکے ہیں کہ پاکستان کے قبائلی علاقے القاعدہ کے دہشتگردوں کی محفوظ پناہ گاہیں ہیں جنہیں ہر حال میں ختم کیا جانا ضروری ہے۔





__________________________________________________ __________________
یو این اہلکار: ’ ڈیڈ لائن‘ میں توسیع

عزیزاللہ خان
بی بی سی اردو ڈاٹ کام کوئٹہ


حیر بیان مری برطانیہ میں ہیں اور برطانیہ میں ان پر مقدمات قائم کیے گئے تھے اقوام متحدہ کے ادارہ براے مہاجرین کے اعلی اہلکار جان سلیکی کے اغوا کی مبینہ طور پر ذمہ داری قبول کرنے والی تنظیم کے ترجمان میر شہک بلوچ نے کہا ہے کہ وہ بلوچ رہنماؤں کی اپیل پر ڈیڈ لائن میں چند دنوں کی توسیع کر رہے ہیں۔
کوئٹہ پریس کلب میں نامعلوم مقام سے ٹیلیفون کرکے اپنے آپ کو نئی تنظیم بلوچ لبریشن یونائٹڈ فرنٹ کا ترجمان ظاہر کرنے والے شہک بلوچ نے کہا ہے کہ وہ بلوچ رہنماؤں کی اپیل پر جان سلیکی کے حوالے سے دی گئی بہتر گھنٹوں کی ڈیڈ لائن میں چند دنوں کو توسیع کر رہے ہیں۔
شہک بلوچ نے کہا کہ حکومت پاکستان مسلسل جھوٹ بول رہی ہے اور انھیں ان سے سچ کی کوئی امید نہیں ہے۔
یاد رہے گزشتہ روز نواب خیر بخش مری کے بیٹے حیربیار مری نے ایک بیان میں اقوام متحدہ کے اہلکار کے اغوا کاروں سے اپیل کی ہے کہ وہ ڈیڈ لائن میں مذید توسیع کردیں۔
یہ بیان گزشتہ روز جاری کیا گیا ہے جس میں حیر بیار مری نے کہا ہے کہ انہیں اس بارے میں کچھ معلوم نہیں ہے کہ کیا اقدامات اٹھائے جا رہے ہیں تاہم وہ وہ اپنی آواز اس میں شامل کرنا چاہتے ہیں۔ اس بیان میں انہوں نے کہا ہے کہ وہ اگرچہ جغرافیائی طور پر دور ہیں لیکن پھر بھی وہ اپنی آواز سے یہ اپیل کرنا چاہتے ہیں کہ ڈیڈ لائن میں توسیع کی جائے ۔
انھوں نے کہا ہے کہ وہ وطن سے دور ہیں اور اس کی وجہ بھی بلوچستان کے حقوق ہی ہیں ۔ حیر بیار مری برطانیہ میں ہیں اور برطانیہ میں ان پر قائم پانچ مقدمات میں سے تین ختم ہو گئے جبکہ دو پر جیوری ابھی فیصلہ نہیں کر سکی ہے۔حیربیار کے ساتھ بخش بلوچ کو تمام مقدمات سے بری کر دیا گیا ہے۔
جمعہ کے روز مببینہ طور پر نئی تنظیم بلوچ لبریشن یونائٹڈ فرنٹ نے ایک ویڈیو جاری کی تھی جس میں اقوام متحدہ کے ادارہ برائے مہاجرین کے اعلی اہلکار جان سلیکی کو دکھایا گیا ہے۔ جان سلیکی اس ویڈیو میں کہہ رہے ہیں کہ وہ بیمار ہیں اور سخت تکلیف میں لہذا اقوام متحدہ کے حکام ان کی جلد بازیابی کے لیے کوششیں کریں۔
اس ویڈیو کے ساتھ خبر رساں ایجنسی آن لائن کو ایک پیغام بھی موصول ہوا تھا جس میں اغوا کاروں نے کہا ہے کہ ایک سو اکتالیس خواتین کو بہتر گھنٹوں کے اندر رہا کیا جائے۔ اس تنظیم کے مطابق ایک سو اکتالیس خواتین اس وقت حکومتی اداروں کی تحویل میں ہے۔
اس کے برعکس وفاقی مشیر داخلہ رحمان ملک نے سنیچر کے روز یہاں کوئٹہ میں کہا ہے کہ انھوں نے تمام اداروں سے معلومات حاصل کی ہیں اور کسی بھی ادارے کے پاس کوئی ایک سو اکتالیس خواتین نہیں ہیں اور نہ ہی کوئی چھ ہزار افراد زیر حراست ہیں۔
یہاں یہ امر بھی قابل ذکر ہے کہ اقوام متحدہ کے جنرل سیکرٹری بان کی مون نے صدر پاکستان آصف علی زرداری سے کہا ہے کہ جان سلیکی کو جلد ازجلد بازیاب کرایا جائے۔
اس بارے میں یہاں ایسی اطلاعات ہیں کہ قانون نافذ کرنے والے اداروں نے بلوچستان کے مختلف مقامات پر چھاپے لگائے ہیں اور گرفتاریاں بھی کی گئی ہیں۔ وزیر اعلی بلوچستان نواب اسلم ریسانی نے کہا ہے کہ جان سلیکی کو جلد بازیاب کرا لیا جائے گا۔
ادھر گزشتہ روز بلوچ سٹوڈنٹس آرگنائزیشن کے سیکرٹری اطلاعات اسلام صابر نے کہا ہے کہ نوشکی پنجگور قلات اور دیگر علاقوں سے بی ایس او کے مرکزی رہنماؤں سمیت کئی کارکنوں کو گرفتار کیا گیا ہے اور کئی کے مکانات پر چھاپے لگائے جا رہے ہیں۔ انھوں نے کہا کہ کہیں بھی کوئی واقعہ ہو جاتا ہے تو ادارے طلبا پر ظلم کرنا شروع کر دیتے ہیں


__________________________________________________ __________



سوات’نظام عدل‘ پر اتفاق اور فائر بندی
رفعت اللہ اورکزئی
بی بی سی اردو ڈاٹ کام، پشاور


مولانا صوفی محمد کا کہنا ہے کہ مالاکنڈ میں ’شریعت‘ کے نفاذ کے بعد وہ سوات کے طالبان سے امن بات چیت کرینگے کالعدم تنظیم تحریک نفاذ شریعتی محمدی کے سربراہ مولانا صوفی محمد نے صوبائی حکومت سے مذاکرات کے بعد مالاکنڈ ڈویژن میں ’شرعی نظام عدل‘ قیام کےلیے مجوزہ حکومتی مسودے پر دستخط کردیئے ہیں۔
اس کے بعد طالبان نے سوات میں دس روز کی فائربندی کا اعلان کیا ہے جس کی تصدیق طالبان کے ترجمان نے بی بی سی سے بات کرتے ہوئے کی۔ تاہم انہوں نے کہا کہ ان پر حملے کی صورت میں وہ دفاع کا حق محفوظ رکھتے ہیں۔
سوات میں جنگ بندی کے اعلان کا سوات کے عوام نے بھی بھر پور انداز میں خیرمقدم کیا ہے۔
تاہم اس سلسلے میں حتمی مذکرات کل پیر کو پشاور ہونگے میں جس میں توقع ہے کہ تمام سیاسی جماعتوں کے صوبائی قائدین بھی شرکت کرینگے۔
مولانا صوفی محمد کے صاحبزادے فضل اللہ فاروق نے بی بی سی سے بات کرتے ہوئے تصدیق کی کہ صوبائی حکومت کے ایک وفد نے اتوار کو دیر کے صدر مقام تیمرگرہ میں مولانا صوفی محمد سے بند کمرے میں ملاقات کی۔
انہوں نے کہا کہ ملاقات میں صوبائی حکومت اور تحریک نفاذ شریعت محمدی کے رہنماؤں کے مابین مالاکنڈ ڈویژن میں ’شرعی نظام‘ کے نفاذ کے حوالے سے کامیاب بات چیت ہوئی۔
انہوں نے کہا کہ ٹی این ایس ایم کی جانب سے مسودے پر تحریک کے سربراہ مولانا صوفی محمد، امیر عزت خان اور مولانا محمد عالم نے دستخط کئے۔
ملاقات میں صوبائی حکومت کی نمائندگی صوبائی وزیر اطلاعات میاں افتخار حسین، صوبائی وزیر ہدایت اللہ اور عوامی نیشنل پارٹی کے مرکزی سیکرٹری اطلاعات زاہد خان نے کی جبکہ اعلیٰ سرکاری حکام بھی اس موقع پر موجود تھے۔
انہوں نے کہا کہ پیر کو تحریک کا ایک پانچ رکنی وفد پشاور میں وزیراعلیٰ سرحد امیر حیدر خان ہوتی سے ملاقات کرے گا جس میں توقع ہے کہ مالاکنڈ ڈویژن میں ’شرعی نظام‘ کے نفاذ سے متعلق باضابطہ اعلان کیا جائے گا۔
مولانا صوفی محمد کا کہنا ہے کہ مالاکنڈ میں ’شرعی نظام عدل‘ کے نفاذ کے بعد وہ سوات کے طالبان سے امن بات چیت کرینگے۔ اس کے علاوہ سوات کے طالبان کے سربراہ مولانا فضل اللہ بھی شروع سے علاقے میں ’شرعی نظام‘ کے نفاذ کا مطالبہ کرتے رہے ہیں۔
ادھر صوبائی حکومت نے کل پشاور میں تمام سیاسی جماعتوں کا ایک جرگہ طلب کیا ہے جس میں توقع کی جارہی ہے کہ وزیراعلیٰ سرحد امیرحیدر خان ہوتی مالاکنڈ ڈویژن میں نظام عدل ریگولیشن کے قیام کے سلسلے میں سیاسی جماعتوں کو اعتماد میں لینگے۔
واضح رہے کہ سرحد حکومت نے کالعدم مذہبی تنظیم تحریکِ نفاذ شریعتِ محمدی کے سربراہ مولانا صوفی محمد کو گزشتہ سال اگست کے ماہ میں ایک معاہدے کے بعد رہا کر دیا تھا۔ رہائی کے تقریباً ایک ماہ بعد مولانا صوفی محمد نے مالاکنڈ ڈویژن میں ’شرعی‘ نظام کے نفاذ کےلیے دیر کے صدر مقام تیمرگرہ میں ایک پرامن احتجاجی کیمپ قائم کیا جو تاحال برقرار ہے۔

very useful sharing chand keep it up

آنے والا سال مشکل ہو گا: امریکہ

امریکہ مزید سترہ ہزار فوجی افغانستان بھیج رہا ہے امریکہ نے اپنے اتحادیوں سے کہا ہے کہ افغانستان میں طالبان سے جنگ کے لیے اپنے زیادہ فوجی بھیجیں۔
یہ بات امریکہ کے وزیرِ دفاع رابرٹ گیٹس نے پولینڈ میں نیٹو کے اجلاس سے قبل کہی ہے۔
دریں اثناء افغانستان میں امریکہ کے اعلیٰ کمانڈر نے پیشن گوئی کی ہے کہ آنے والا سال ’مشکل‘ ہو گا۔
جنرل ڈیوڈ میکرنن نے یہ بات امریکی صدر باراک اوباما کے اس اعلان کے بعد کہی جس میں انہوں نے کہا تھا کہ وہ افغانستان میں مزید 17,000 امریکی فوجی تعینات کریں گے۔

تم بھی کچھ کرو
امریکی انتظامیہ افغانستان میں مزید ذمہ داری اٹھانے کے لیے تیار ہے لیکن یہ توقعات واضح ہیں کہ اتحادیوں کو بھی مزید کچھ کرنا چاہیئے


رابرٹ گیٹس

صدر اوباما نے کہا تھا کہ امریکی فوجی عراق جانے والے تھے لیکن ’انتہائی ضروری ضروریات‘ کی وجہ سے ان کو دوسری جگہ بھیجا جا رہا ہے۔
اس طرح اب افغانستان میں امریکی فوجیوں کی تعداد 50,000 تک پہنچ جائے گی۔
رابرٹ گیٹس نے کہا کہ ’امریکی انتظامیہ افغانستان میں مزید ذمہ داری اٹھانے کے لیے تیار ہے لیکن یہ توقعات واضح ہیں کہ اتحادیوں کو بھی مزید کچھ کرنا چاہیئے۔‘
وہ پولینڈ کے شہر کراکاؤ میں نیٹو کے دو روزہ اجلاس میں شرکت کے لیے جا رہے تھے۔









__________________________________________________ _______________
سوات میں صحافی کا اغواء اور قتل

رفعت اللہ اورکزئی
بی بی سی اردو ڈاٹ کام، سوات


سوات میں حالیہ چند ماہ میں اغواء اور قتل کی وارداتوں میں اضافہ ہوا ہے صوبہ سرحد کے ضلع سوات میں حکام کا کہنا ہے کہ نامعلوم افراد نے نجی ٹی وی چینل سے منسلک ایک صحافی کو ڈیوٹی کے دوران گولیاں مار کر قتل کر دیا ہے۔
پولیس کے مطابق یہ واقعہ بدھ کو تحصیل مٹہ میں پیش آیا۔
ایک سرکاری اہلکار نے بی بی سی کو بتایا کہ سوات میں نجی ٹی وی’جیو‘ سے منسلک رپورٹر موسٰی خان خیل مولانا صوفی محمد کے قافلے کی کوریج کرنے دیگر صحافیوں کے ہمراہ مٹہ گئے تھے اور مقامی صحافیوں کا کہنا ہے کہ واپسی پر نامعلوم مسلح افراد انہیں اغواء کر کے لے گئے اور بعد ازاں ان کی گولیوں سے چھلنی لاش مٹہ سے ملی۔
ہسپتال ذرائع کا کہنا ہے کہ مقتول کو سر اور سینے میں تین گولیاں لگیں۔ موسٰی خان خیل کا شمار سوات کے سنئیر صحافیوں میں ہوتا تھا اور گزشتہ چند سالوں سے جیو ٹی وی سے منسلک تھے ۔
سوات اور ملک کی صحافی برداری نے موسی خان خیل کی قتل کی شدید الفاظ میں مذمت کرتے ہوئے کل سوات اور پشاور میں احتجاج کا اعلان کیا ہے۔ سوات کے سینئر صحافیوں نے حکومت سے مطالبہ کیا ہے کہ مقامی صحافیوں کو تحفظ فراہم کیا جائے اور اس قتل کی تحقیقات کےلیے سپیشل تحقیقاتی ٹیم مقرر کی جائے۔

دھرنے میں ن لیگ شرکت کرے گی‘
عبادالحق
بی بی سی اردو ڈاٹ کام، لاہور


’ججوں کی بحالی کے لیے تحریک کا آغاز کیا گیا اس وقت ملک میں جمہوریت نہیں تھی لیکن جمہوریت آنے کے بعد آج بھی عدلیہ کی بحالی کے لیے جدوجہد جاری ہے‘ مسلم لیگ(ن) نے معزول ججوں کی بحالی کے لیے آئندہ ماہ ہونے والے لانگ مارچ کےبعد شاہراہ دستور پر دیئے جانے والے دھرنے میں شامل ہونے کا اعلان کردیا ہے۔
یہ اعلان مسلم لیگ نون کے قائد نواز شریف نے جمعہ کی رات وکیل رہنماؤں کے بارہ رکنی وفد کے ساتھ ملاقات کے بعد نیوز کانفرنس سے خطاب کرتے ہوئے کیا۔
سپریم کورٹ بار ایسوسی ایشن کے صدر علی احمد کرد نے دیگر وکیل رہنماؤں کے ہمراہ نواز شریف سمیت مسلم لیگ کی قیادت سے ملاقات کی اور معزول ججوں کی بحالی کے لیے لانگ مارچ اور دھرنا دینے کے معاملے پر تفصیلی تبادلہ خیال کیا گیا۔

رائیگاں نہیں جائے گی
پہلی بار عدلیہ اس آمر کے سامنے کھڑی ہوئی ہے جس نے آئین کو پامال کیا ہے۔ ججوں کی بحالی کے لیے شروع کی جانے والی اس تحریک کو رائیگاں نہیں جانے دیا جائے گا


نواز شریف

وکلاء کے وفد میں اعتزاز احسن، حامد خان، طارق محمود، اطہر من اللہ، حافظ عبدالرحمن انصاری، شوکت عمر پیرزادہ، انور کمال اور رانا اسد اللہ خان سمیت دیگر وکیل رہنما شامل تھے جبکہ اس ملاقات میں مسلم لیگ ن کی طرف سے وزیر اعلیْ پنجاب شہباز شریف، سید غوث علی شاہ، اسحاق ڈار، خواجہ آصف اور احسن اقبال موجود تھے۔ تین گھنٹوں تک جاری رہنے والی ملاقات کے بعد نیوز کانفرنس میں نواز شریف نے کہا کہ پہلی مرتبہ ملک کی عدلیہ اس آمر کے سامنے کھڑی ہوئی ہے جس نے آئین کو پامال کیا ہے۔ان کا کہنا ہے کہ ججوں کی بحالی کے لیے شروع کی جانے والی اس تحریک کو رائیگاں نہیں جانے دیا جائے گا۔
نواز شریف نے کہاکہ جب وکیلوں نے ججوں کی بحالی کے لیے لانگ مارچ کا اعلان کیا تو اسی وقت اس فیصلے پر لبیک کہا تھا۔ انہوں نے کا واضح کیا کہ وکلاء کی طرف سے دھرنے کے لیے فیصلہ پر بھی کوئی اعتراض نہیں ہے بلکہ دھرنے سے ایک قدم آگے جانے کے لیے تیار ہیں۔
انہوں نے اس بات روز دیا کہ ججوں کی بحالی کے لیے لانگ مارچ کے بعد جو دھرنا دیا جائے وہ نیتجہ خیز ہو۔ان کا کہنا ہے کہ دیگر سیاسی جماعتوں کے ساتھ مل کر لانگ مارچ اور دھرنے کو کامیاب بنانے کے لیے کی تفیصلات طے کرلیں گے۔

دھرنا کب تک
سولہ مارچ کو اس وقت تک دھرنا دیا جائے جب تک معزول جج بحال نہیں ہوتے۔ مسلم لیگ نون پہلے دن سے وکلاء کا ساتھ دے رہی ہے


علی احمد کرد

انہوں نے افسوس کا اظہار کیا کہ دو سال پہلے جب ججوں کی بحالی کے لیے تحریک کا آغاز کیا گیا اس وقت ملک میں جمہوریت نہیں تھی لیکن جمہوریت آنے کے بعد آج بھی عدلیہ کی بحالی کے لیے جدوجہد جاری ہے۔ ان کا کہنا ہے کہ جو لوگ ججوں کی بحالی کی تحریک میں شامل تھے وہ آج اس کام کو کرنے کے لیے تیار نہیں ہیں جس کے لیے وہ جدوجہد کر رہے تھے۔
انہوں نے کہا کہ دکھ اس بات ہے کہ جو وعدے کیےگئے وہ آج پورے نہیں کیے اور سب خواب چکنا چور ہوگئے۔
ایک سوال پر نواز شریف نے کہا کہ ملاقات میں انہوں نے وکلا رہنماؤں کو یہ مشورہ دیا ہے کہ تمام لانگ مارچ کے لیے وکیلوں کو لاہور میں اکٹھا کیا جائے جس کے بعد وکیل یہاں سے اسلام آباد تک پیدل مارچ کریں ۔
پریس کانفرنس میں سپریم کورٹ بار کے صدر علی احمد کرد نے کہا کہ سولہ مارچ کو اس وقت تک دھرنا دیا جائے جب تک معزول جج بحال نہیں ہوتے۔انہوں نے کہا کہ مسلم لیگ نون پہلے دن سے وکلاء کا ساتھ دے رہی ہے۔
علی احمد کرد نے بتایا کہ وکلا رہنما آج جماعت اسلامی کے امیر قاضی حسین احمد سے ملاقات کریں گے۔
ادھر مسلم لیگ نون کی سینٹرل کونسل کا اجلاس بھی آج ہو رہا ہے جس میں قبائلی علاقوں کی صورت حال اور پارٹی کی تنظیم نو سمیت دیگر امور پر تبادلہ خیال کیا جائے گا۔





__________________________________________________ __________________
معاہدہ نہیں توڑیں گے: اسفندیار ولی

عبدالحئی کاکڑ
بی بی سی اردو ڈاٹ کام، پشاور


’ نام نہاد لبرلز‘ کو کیا پتہ کہ سوات پر کیا گزر رہی ہے: ولی صوبہ سرحد کی حکمران جماعت اے این پی کے سربراہ اسفند یار ولی خان نے امن معاہدے سے متعلق عالمی برادری کے تنقید کو رد کرتے ہوئے واضح کیا ہے کہ وہ کسی صورت میں بھی معاہدے سے دستبرادر نہیں ہونگے اور اس کے لیے چاہے انہیں حکومت ہی کیوں نہ چھوڑنی پڑے۔
یہ بات انہوں نے پشاور میں گزشتہ دنوں ایک حملے میں ہلاک ہونے والے رکن اسمبلی عالمزیب کی رہائش گاہ پر فاتحہ خوانی کے موقع پر میڈیا سے بات چیت کرنے کے دوران کہی۔
اسفندیار ولی خان کا کہنا تھا کہ وہ ایک بات واضح کردینا چاہتے ہیں کہ ان کی جماعت سوات سے متعلق کالعدم نفاذ شریعت محمدی کے ساتھ ہونے والے امن معاہدے سے کسی صورت میں بھی پیچھے نہیں ہٹے گی۔

حکومت چھوڑ دیں گے، معاہدہ نہیں
میری مٹی مزید خون بہنے کی متحمل نہیں ہوسکتی۔عالمی برادری زیادہ سے زیادہ یہی کہے گی کہ حکومت اور وزارتیں چھوڑ دو اگر ایسا ہے تو پھر ٹھیک ہے ہمیں یہ منظور ہے مگر ہم سوات کے عوام اور پشتون قوم سے انتخابات سے قبل امن کے قیام کےحوالےسے کیے گئے وعدے سے ہرگز پیچھے نہیں ہٹیں گے


اسفندیار ولی

انہوں نے مزید کہا کہ وہ اس بات کو نہیں دیکھیں گے کے نیٹو کیا کہتی ہے کیا نہیں، بلکہ وہ اس بات کو زیادہ اہمیت دیں گے کہ انکی مٹی کے لیے کیا اچھا ہے اور کیا نہیں ہے۔
ان کے مطابق ’میری مٹی مزید خون بہنے کی متحمل نہیں ہوسکتی۔عالمی برادری زیادہ سے زیادہ یہی کہے گی کہ حکومت اور وزارتیں چھوڑ دو اگر ایسا ہے تو پھر ٹھیک ہے ہمیں یہ منظور ہے مگر ہم سوات کے عوام اور پشتون قوم سے انتخابات سے قبل امن کے قیام کےحوالےسے کیے گئے وعدے سے ہرگز پیچھے نہیں ہٹیں گے۔‘
اسفندیار ولی خان کا کہنا تھا کہ امن لانے کے دو ہی راستے ہیں ایک مذاکرات اور دورسرا فوجی کارروائی کا۔ مگر، بقول ان کے، جب وہ مذاکرات کرتے ہیں تب بھی ان کو برا بھلا کہا جاتا ہے اور جب فوجی کارروائی شروع کی جاتی ہے تو پھر بھی انہیں تنقید کا نشان بنایا جاتا ہے۔
انہوں نے میڈیا سے درخواست کہ’ خدا کے لیے معاہدے میں کیڑے نہ نکالیں بلکہ اسے ایک مثبت عمل سمجھ کر امن کے عمل کو آگے بڑھائیں کیونکہ اگر ہم اگر مگر میں پڑ گئے تو حالات مزید خراب ہوجائیں گے۔‘
انہوں نے کہا کہ اسلام آباد، لاہور اور کراچی میں بیٹھے ہوئے’ نام نہاد لبرلز‘ کو کیا پتہ کہ سوات پر کیا گزر رہی ہے اور ان میں سے کتنے ہیں جو خود سوات گئے ہیں۔




__________________________________________________ _________________
سری لنکا: سنگا کارا کی نصف سینچری

عبدالرشید شکور
بی بی سی اردو ڈاٹ کام کراچی


جے وردھنے کی کپتانی میں سری لنکا نے چھبیس میں سے پندرہ ٹیسٹ جیتے پاکستان اور سری لنکا کے درمیان نیشنل اسٹیڈیم میں کھیلے جانے والے پہلے ٹیسٹ کا ٹاس سری لنکن ٹیم کے کپتان مہیلا جے وردھنے نے جیت کر بیٹنگ کا فیصلہ کیا ہے۔
سری لنکا کی ٹیم کو ابتدا ہی میں نقصان اٹھانا پڑا جب تین کے مجموعی کےسکور پر اوپنر تھرنگا پراناوتھانا آؤٹ ہو گئے۔

[Only registered and activated users can see links. ]
سری لنکا کے آؤٹ ہونے والے دوسرے کھلاڑی ورناپورا تھے جو انسٹھ رنز بنا کر یاسر عرفات کی گیند پر مصباح الحق کے ہاتھوں کیچ ہوئے۔
انہوں نے سنگا کارا کے ساتھ ملکر دوسرے وکٹ کی شراکت میں نوے رنز بنائے۔
اب سنگاکارا کے ساتھ بیٹنگ کرنے کے لیے کپتان جے وردھنے میدان میں اترے ہیں۔
سنگا کارا کا سکور اکاون رنز ہے۔ اس وقت پہلے دن کے کھیل میں کھانے کا وقفہ ہے۔ سری لنکا کا سکور دو وکٹ پر ایک سو بیس رن ہے۔
پاکستان نے اوپنر خرم منظور اور تیز بولر سہیل خان کو ٹیسٹ کیپ دی ہے۔ سری لنکا کے تھرنگا پراناوتھانا پہلا ٹیسٹ کھیل رہے ہیں۔
سری لنکا کی ٹیم مہیلا جے وردھنے ( کپتان )، مالندا ورنا پورا، تھرنگا پرانا تھوانا، کمار سنگاکارا، تھلن سماراویرا، تلکارتنے دلشن، پراسنا جے وردھنے، چمندا واس، متایا مرلی دھرن، اجانتھا مینڈس اور دلہارا فرنینڈو۔
پاکستانی ٹیم یونس خان ( کپتان )، سلمان بٹ، خرم منظور، مصباح الحق، شعیب ملک، فیصل اقبال، کامران اکمل، عمرگل، سہیل خان ، یاسرعرفات اور دانش کنیریا شامل ہیں۔
آسٹریلیا کے سائمن ٹافل اور اسٹیو ڈیوس امپائر ہیں ۔ میچ ریفری انگلینڈ کے کرس براڈ ہیں۔


__________________________________________________ ________________________

سوات: غیر معینہ مدت تک سیزفائر
دلاور خان وزیر
بی بی سی اردو ڈاٹ کام، پشاور


طالبان کا کہنا ہے کہ وہ تمام قیدیوں کو بھی رہا کر دیں گے پاکستان میں صوبہ سرحد کے ضلع سوات میں تحریک طالبان پاکستان نے ضلع بھر میں غیر معینہ مدت کے لیے فائربندی کا اعلان کیا ہے۔
طالبان نے سات مغوی سکیورٹی اہلکاروں کو بھی رہا کر دیا ہے۔
تحریک طالبان پاکستان سوات کے ترجمان مسلم خان نے بی بی سی کو بتایا کہ صوبہ سرحد کی حکومت کی جانب سے سوات میں مستقل جنگ بندی کے اعلان کے بعد طالبان نے بھی علاقے میں غیر معینہ مدت کے لیے فائربندی کا اعلان کیا ہے۔
انہوں نے کہا کہ تحریک طالبان پاکستان سوات کے امیر مولانا فضل اللہ منگل کو شام آٹھ بجے اپنے ایف ایم چینل پر فائربندی کی تفصیلات سے لوگوں کو آگاہ کریں گے۔
انہوں نے کہا کہ خیر سگالی کے تحت طالبان نے سات مغوی اہلکاروں کو بھی رہا کیا ہے جن میں پولیس اور ایف سی کے جوان شامل ہیں۔ مسلم خان کا کہنا تھا کہ حکومت کو چاہیے کہ وہ معاہدوں کی پاسداری کرے تاکہ ایک تاکہ ایک اور جنگ کا خطرہ پیدا نہ ہو۔
سنچر کے روز کمشنر ملاکنڈہ ڈویژن نے مستقل جنگ بندی کا اعلان کیا تھا جس میں انہوں یہ بھی کہا تھاکہ سوات میں قائم تمام غیر ضروری چوکیوں کو ختم کردیا جائےگا۔
ان کے اس اعلان کے بعد سوات سے نقل مکانی کرنے والوں کی اپنی گھروں کو واپسی شروع ہوگئی تھی۔




__________________________________________________ _______________________________


باجوڑ: طالبان کی جنگ بندی

رفعت اللہ اورکزئی
بی بی سی اردو ڈاٹ کام، پشاور


مقامی طالبان فوج اور ملک کے خلاف جنگ نہیں چاہتے:مولوی فقیر قبائلی علاقے باجوڑ ایجنسی میں مقامی طالبان نے یکہ طرفہ جنگ بندی اور سکیورٹی فورسز کے خلاف ہر قسم کی مزاحمت ختم کرنے کا اعلان کرتے ہوئے کہا ہے کہ انہوں نے یہ اقدام کسی دباؤ کے بجائے قومی مفاد کو پیش نظر رکھتے ہوئے اٹھایا ہے۔
باجوڑ ایجنسی میں مقامی طالبان کے سربراہ مولوی فقیر محمد نے یہ اعلان پیر کی شام ایف ایم ریڈیو چینل پر خطاب کرتے ہوئے کیا ۔ انہوں نے کہا کہ جنگ بندی کا اعلان حکومت یا کسی اور کے دباؤ کے بغیر کیا جارہا ہے اور قومی مفاد کو مدنظر رکھتے ہوئے علاقے میں سکیورٹی فورسز کے خلاف کارروائیاں ختم کردی گئی ہے۔
انہوں نے کہا کہ مقامی طالبان فوج اور ملک کے خلاف جنگ نہیں چاہتے بلکہ ان کے مطابق بعض مفاد پرست عناصر اپنے مزموم مقاصد کے حصول کےلیے دونوں کے درمیان اختلافات پیدا کرکے ان کو آپس میں لڑا رہے ہیں۔
طالبان کمانڈر کا کہنا تھا کہ بیرونی دنیا کو پاکستانی فوج اور ’مجاہدین‘ کی طاقت اور صلاحتیوں کا بخوبی علم ہے اس لیے ان کی کوشش ہے کہ اس ملک میں کبھی امن قائم نہ رہے ۔
مولوی فقیر نے کہا کہ باجوڑ کے طالبان کو افغانستان میں لڑنے کی کوئی ضرورت نہیں ہے کیونکہ وہاں پہلے ہی طالبان بڑی تعداد میں موجود ہیں تاہم اگر ضرورت پڑی تو وہ امریکہ کے خلاف افغانستان میں ہر وقت لڑنے کےلیے تیار ہیں۔

بیرونی دنیا کو پاکستانی فوج اور مجاہدین کی طاقت اور صلاحتیوں کا بخوبی علم ہے اس لیے ان کی کوشش ہے کہ اس ملک میں کبھی امن قائم نہ رہے ۔


مولوی فقیر

ان کا کہنا تھا کہ باجوڑ میں کوئی غیر ملکی موجود نہیں تاہم اگر کوئی غیر ملکی یہاں سے پکڑا گیا تو طالبان خود اس کے خلاف کارروائی کرینگے۔
انہوں نے کہا کہ عسکریت پسند تعلیم کے مخالف نہیں اور باجوڑ میں آج کے بعد کسی سرکاری ادارے اور سکولوں پر حملے نہیں کیے جائیں گے ۔ انہوں نے کہا کہ باجوڑ میں گزشتہ سال اگست میں سکیورٹی فورسز کی طرف سے شروع کئے گئے آپریشن میں اب تک 23 طالبان ہلاک اور پچیس کے قریب زخمی ہوئے ہیں جبکہ انہوں نے سکیورٹی فورسز کی ہلاکتوں کے حوالے سے لاعلمی کا اظہار کیا۔
باجؤر ایجنسی میں طالبان کی طرف سے یہ اعلان ایسے وقت کیا گیا ہے جب آج بھی وہاں عنایت کلی کے مقام پر سکیورٹ فورسز نے مشتبہ طالبان کے ٹھکانوں پر گولہ باری کی ہے۔
باجوڑ ایجنسی میں گزشتہ سال اگست میں فوج نے بھرپور آپریشن کا اغاز کیا تھا جس کی وجہ سے علاقے سے تقریباً پانچ لاکھ افراد نے مہاجر کیمپوں میں پناہ لی تھی۔

__________________________________________________ ________________________




یونس خان کی ٹرپل سینچری مکمل

عبدالرشید شکور
بی بی سی اردو ڈاٹ کام، کراچی


کپتان یونس خان ٹرپل سنچری سکور کر چکے ہیں پاکستانی کرکٹ ٹیم کے کپتان یونس خان سری لنکا کے خلاف کراچی ٹیسٹ میں شاندار ٹرپل سنچری سکور کرکے یہ کارنامہ انجام دینے والے20 ویں بیٹسمین بن گئے ہیں۔یہ ٹیسٹ کرکٹ میں بننے والی23 ویں ٹرپل سنچری ہے۔
برائن لارا، وریندر سہواگ اور سرڈان بریڈمین کو دو دو ٹرپل سنچریاں بنانے کا منفرد اعزاز ہے۔
برائن لارا ٹیسٹ کرکٹ میں سب سے بڑی انفرادی اننگز کھیلنے والے بیٹسمین ہیں۔ انہوں نے2004 میں انگلینڈ کے خلاف سینٹ جانز میں400 ناٹ آؤٹ سکور کئے تھے۔
یونس خان نے اپنی ٹرپل سنچری مرلی دھرن کی گیند پر ریورس سوئپ پر تین رنز سکور کرکے مکمل کی جس کے لئے انہوں نے681 منٹ لیے۔ 510 گیندوں کی اس ٹرپل سنچری میں چار چھکے اور ستائس چوکے شامل تھے۔
یونس خان پاکستان کے تیسرے بیٹسمین ہیں جنہوں نے ٹیسٹ میچ میں ٹرپل سنچری اسکور کی ہے۔
ان سے قبل حنیف محمد نے1958ء میں ویسٹ انڈیزکے خلاف برج ٹاؤن میں337 اور انضمام الحق نے2002ء میں نیوزی لینڈ کے خلاف لاہور میں 329 نز اسکور کئے تھے۔
کپتان یونس خان کی عمدہ بیٹنگ کی بدولت پاکستان فالو آن کے خطرے سے نکل گیا ہے۔ پاکستان نے 555 رنز بنا لیے ہیں اور اس کے صرف پانچ کھلاڑی آؤٹ ہوئے ہیں۔ یونس خان تین سو دو رنز بنا کر ناٹ آؤٹ ہیں۔

[Only registered and activated users can see links. ]

جب کھانے کا وقفہ ہوا تو پاکستان نے358 رنز بنائے تھے اور اس کے چار کھلاڑی آؤٹ ہوئے تھے۔ فالوآن سے بچنے کےلئے اسے اب بھی87 رنز درکار تھے۔ یونس خان اور مصباح الحق نے اعتماد سے پاکستان کی اننگز296 رنز تین کھلاڑی آؤٹ پر شروع کی اور اسکور میں مزید 61 رنز کا اضافہ کیا۔ اس موقع پر مصباح کی وکٹ گری۔
وہ 42 رنز بناکر دلہارا فرنینڈو کی گیند پر ایل بی ڈبلیو ہوگئے جس میں تین چوکے اور مینڈس کی گیند پر میچ کا پہلا چھکا بھی شامل تھا۔
مصباح نے یونس خان کے ساتھ چوتھی وکٹ کی شراکت میں130 رنز کا اضافہ کیا۔
سری لنکا کی ٹیم ان کھلاڑیوں پر مشتمل ہے۔ مہیلا جے وردھنے ( کپتان ) ۔ مالندا ورنا پورا۔ تھرنگا پرانا وتھانا۔ کمار سنگاکارا۔ تھلن سماراویرا۔ تلکارتنے دلشن۔ پراسنا جے وردھنے۔ چمندا واس ۔ متایا مرلی دھرن۔ اجانتھا مینڈس اور دلہارا فرنینڈو۔
پاکستانی ٹیم میں یونس خان ( کپتان )۔ سلمان بٹ۔ خرم منظور۔ مصباح الحق۔ شعیب ملک۔ فیصل اقبال۔ کامران اکمل۔ عمرگل۔ سہیل خان ۔یاسرعرفات اور دانش کنیریا شامل ہیں۔
آسٹریلیا کے سائمن ٹافل اور اسٹیو ڈیوس امپائرز ہیں ۔ میچ ریفری انگلینڈ کے کرس براڈ ہیں۔

Originally Posted by bad_chand

آنے والا سال مشکل ہو گا: امریکہ

امریکہ مزید سترہ ہزار فوجی افغانستان بھیج رہا ہے امریکہ نے اپنے اتحادیوں سے کہا ہے کہ افغانستان میں طالبان سے جنگ کے لیے اپنے زیادہ فوجی بھیجیں۔
یہ بات امریکہ کے وزیرِ دفاع رابرٹ گیٹس نے پولینڈ میں نیٹو کے اجلاس سے قبل کہی ہے۔
دریں اثناء افغانستان میں امریکہ کے اعلیٰ کمانڈر نے پیشن گوئی کی ہے کہ آنے والا سال ’مشکل‘ ہو گا۔
جنرل ڈیوڈ میکرنن نے یہ بات امریکی صدر باراک اوباما کے اس اعلان کے بعد کہی جس میں انہوں نے کہا تھا کہ وہ افغانستان میں مزید 17,000 امریکی فوجی تعینات کریں گے۔

تم بھی کچھ کرو
امریکی انتظامیہ افغانستان میں مزید ذمہ داری اٹھانے کے لیے تیار ہے لیکن یہ توقعات واضح ہیں کہ اتحادیوں کو بھی مزید کچھ کرنا چاہیئے


رابرٹ گیٹس

صدر اوباما نے کہا تھا کہ امریکی فوجی عراق جانے والے تھے لیکن ’انتہائی ضروری ضروریات‘ کی وجہ سے ان کو دوسری جگہ بھیجا جا رہا ہے۔
اس طرح اب افغانستان میں امریکی فوجیوں کی تعداد 50,000 تک پہنچ جائے گی۔
رابرٹ گیٹس نے کہا کہ ’امریکی انتظامیہ افغانستان میں مزید ذمہ داری اٹھانے کے لیے تیار ہے لیکن یہ توقعات واضح ہیں کہ اتحادیوں کو بھی مزید کچھ کرنا چاہیئے۔‘
وہ پولینڈ کے شہر کراکاؤ میں نیٹو کے دو روزہ اجلاس میں شرکت کے لیے جا رہے تھے۔









__________________________________________________ _______________
سوات میں صحافی کا اغواء اور قتل

رفعت اللہ اورکزئی
بی بی سی اردو ڈاٹ کام، سوات


سوات میں حالیہ چند ماہ میں اغواء اور قتل کی وارداتوں میں اضافہ ہوا ہے صوبہ سرحد کے ضلع سوات میں حکام کا کہنا ہے کہ نامعلوم افراد نے نجی ٹی وی چینل سے منسلک ایک صحافی کو ڈیوٹی کے دوران گولیاں مار کر قتل کر دیا ہے۔
پولیس کے مطابق یہ واقعہ بدھ کو تحصیل مٹہ میں پیش آیا۔
ایک سرکاری اہلکار نے بی بی سی کو بتایا کہ سوات میں نجی ٹی وی’جیو‘ سے منسلک رپورٹر موسٰی خان خیل مولانا صوفی محمد کے قافلے کی کوریج کرنے دیگر صحافیوں کے ہمراہ مٹہ گئے تھے اور مقامی صحافیوں کا کہنا ہے کہ واپسی پر نامعلوم مسلح افراد انہیں اغواء کر کے لے گئے اور بعد ازاں ان کی گولیوں سے چھلنی لاش مٹہ سے ملی۔
ہسپتال ذرائع کا کہنا ہے کہ مقتول کو سر اور سینے میں تین گولیاں لگیں۔ موسٰی خان خیل کا شمار سوات کے سنئیر صحافیوں میں ہوتا تھا اور گزشتہ چند سالوں سے جیو ٹی وی سے منسلک تھے ۔
سوات اور ملک کی صحافی برداری نے موسی خان خیل کی قتل کی شدید الفاظ میں مذمت کرتے ہوئے کل سوات اور پشاور میں احتجاج کا اعلان کیا ہے۔ سوات کے سینئر صحافیوں نے حکومت سے مطالبہ کیا ہے کہ مقامی صحافیوں کو تحفظ فراہم کیا جائے اور اس قتل کی تحقیقات کےلیے سپیشل تحقیقاتی ٹیم مقرر کی جائے۔

humare pakistan main humesha such aur haq baat karne waly ko sath a sa kuon hota hai ???

Sach kaha Mohabbat


agr koi sach boly to koi yaqqeen nhn karta

or koi Khamosh rahy to ussy jhoota ya galat samjha jata hai or agr boly to us ki bolti band karane k liye koi kuch bhi kar leta hai


ALLAH pak reham kary humary pakistan par


Thanks for Shairng Chaand

امریکہ دوبارہ ابھرے گا: اوباما

صدر اوباما پاکستان اور افغانستان کے لیے بھی نئی حکمتِ عملی تیار کر رہے ہیں
صدر باراک اوباما نے امریکی کانگریس سے اپنے پہلے خطاب میں کہا ہے کہ اگرچہ امریکی معیشت کمزور پڑ گئی ہے اور امریکی عوام کے بھروسے کو دھچکہ لگا ہے لیکن پھر بھی امریکہ زیادہ مضبوط ہو کر ابھرے گا۔
انہوں نے کہا کہ اقتصادی دشواریاں شدید ہیں لیکن ’ہم معیشت کو دوبارہ بحال کریں گے۔‘
انہوں نے کہا: ’یہ ہی وقت ہے کہ جرات اور دانشمندی سے فیصلے کیے جائیں۔‘

نئی حکمتِ عملی
اتحادیوں سے مشاورت کے بعد افغانستان، پاکستان اور القاعدہ اور شدت پسندی سے نمٹنے کے لیے نئی حکمتِ عملی تیاری کی جائے گی


صدر باراک اوباما

امریکی کانگریس کے ایوانِ نمائندگان اور سینیٹ کے مشترکہ اجلاس سے خطاب کرتے ہوئے صدر اوباما نے کہا کہ ان کے اقتصادی منصوبے سے دوبارہ ترقی ہو گی۔
صدر باراک اوباما نے سات سو ستاسی ارب ڈالر کے اس اقتصادی منصوبے کو کافی جدوجہد کے بعد گزشتہ ہفتے کانگریس سے منظور کروا لیا تھا۔ اور اب وہ بجٹ کے اعلان کی تیاری کر رہے ہیں۔
انہوں نے کانگریس کو بتایا کہ وہ جس بجٹ کی تیاری میں مصروف ہیں اس کی تین ترجیحات ہیں: توانائی، حفظان صحت، اور تعلیم۔ انہوں نے کہا کہ یہ تینوں چیزیں امریکہ کے مستقبل کے لیے نہایت اہم ہیں۔

فضول خرچی کا دور اب ختم ہونا چاہیئے: اوباما
امریکی صدر نے کانگریس کو بتایا کہ فضول خرچی کا دور اب ختم ہونا چاہیئے اور یہ کہ جن بنکوں کو سرکاری امداد فراہم کی گئی ہے انہیں پوری طرح جوابدہ بنایا جائے گا۔
لیکن ریپبلکن پارٹی نےکہا کہ صدر اوباما کے منصوبے سے فضول خرچ بڑھے گا۔ ہوگی۔’ہمارے پاس پیسہ نہیں ہے اور ہم ایسے منصوبوں پر خرچ کر رہے ہیں جن کی ہمیں ضرورت نہیں۔‘
واشنگٹن سے نامہ نگار کیون کونلی کا کہنا ہے صدر اوباما کی تقریر کا مہور داخلی امور ہی تھے لیکن انہوں نے اپنی خارجہ پالیسی کے اہم پہلوؤں پر بھی روشنی ڈالی۔
انہوں نے کہا کہ وہ پہلی مرتبہ عراق اور افغانستان میں جاری جنگ کا پورا خرچہ بجٹ میں شامل کریں گے۔ انہوں نے کہا کہ دونوں جنگوں میں جاری امریکی پالیسیوں کا ازسرِنو جائزہ لیا جا رہا ہے۔ انہوں نے مزید کہا کہ اتحادیوں سے مشاورت کے بعد افغانستان، پاکستان اور القاعدہ اور شدت پسندی سے نمٹنے کے لیے نئی حکمتِ عملی تیاری کی جائے گی۔
انہوں نے کہا کہ وہ دوران صدارت حکومتی خسارے کو کم کر کے آدھا کر دیں گے۔ انہوں نے کہا کہ اگلے دس سالوں میں دو کھرب ڈالر بچائے جا سکتے ہیں۔ ان تعلیمی پروگراموں سے پیسے بچائیں جائیں گے جن کا کوئی فائدہ نہیں ہے، ان نقصان کے سودوں سے جن کی وجہ سے عراق میں اربوں ڈالر برباد ہوئے، اور دفاعی بجٹ کی اصلاحات سے تاکہ سرد جنگ کے زمانے کے فضول ہتھیاروں کے نظام پر مزید رقم برباد نہ ہو۔

__________________________________________________ _______________________
شاہ محمود کی ہلری کلنٹن سے ملاقات


پاکستان کو نئی امریکی انتظامیہ سے کافی امیدیں ہیں پاکستان کے وزیرِ خارجہ شاہ محمود قریشی نے جو آج کل امریکہ کے سرکاری دورے پر ہیں امریکی وزیرِ خارجہ ہلری کلنٹن سے ملاقات کی ہے۔
بی بی سی کے واشنگٹن میں نامہ نگار برجیش اوپادھیائے کے مطابق ملاقات کے بعد صحافیوں سے مختصر بات کرتے ہوئے ہلری کلنٹن نے کہا کہ شاہ محمود قریشی سے خطے کے متعلق نئی امریکی حکمتِ عملی پر بات ہوئی۔
انہوں نے کہا کہ وہ ملاقات کے متعلق ابھی اس سے زیادہ کچھ نہیں کہیں گی۔
شاہ محمود قریشی نے کہا کہ پاکستان کو نئی امریکی انتظامیہ سے بہت امیدیں ہیں۔ انہوں نے کہا کہ پاکستان نئی انتظامیہ کے ساتھ مل کر کام کرنے اور دہشت گردی کے خلاف سخت اقدامات اٹھانے کے لیے تیار ہے۔
اس ملاقات میں پاکستان کی طرف سے شاہ محمود قریشی کے علاوہ آئی ایس آئی کے ڈائریکٹر جنرل بھی شامل تھے جبکہ ہلری کلنٹن کا ساتھ رچرڈ ہالبروک دے رہے تھے۔
جمعرات کو واشنگٹن میں پاکستان، امریکہ اور افغانستان کے درمیان اہم مذاکرات شروع ہو رہے ہیں۔
اس سے قبل شاہ محمود قریشی نے افغانستان کے وزیرِ خارجہ رنگین دادفر سپانٹا سے بھی ملاقات کی تھی۔ ملاقات کے بعد شاہ محمود کا کہنا تھا کہ دونوں ملکوں کے درمیان ایک نیا ماحول بنا ہے اور دونوں کو ایک دوسرے پر کافی اعتبار ہے۔
افغان وزیرِ خارجہ نے کہا کہ افغانستان کو پاکستانی حکومت پر کافی بھروسہ ہے۔
دوسری طرف امریکی ڈیموکریٹک سینیٹر جان کیری اور سینیٹر چک ہیگل ایک رپورٹ جاری کر رہے ہیں جس میں مطالبہ کیا گیا ہے کہ پاکستان کو جلد از جلد چار سے پانچ ارب ڈالر کی امداد جاری کی جائے۔ یہ رپورٹ اٹلانٹک کاؤنسل نامی ادارے نے تیار کی ہے جس کے چیئرمین سینیٹر چک ہیگل ہیں۔ ان سینیٹروں نے کہا ہے کہ اگر یہ امداد جلد جاری نہ ہوئی تو پاکستان میں افراتفری کا خدشہ ہے۔
کیری نے ایک بیان میں کہا کہ اگر ہم ایسا کرنے میں ناکام رہے تھے اس کے اثرات بہت خوفناک ہوں گے۔
خبر رساں ادارے اے پی کے مطابق سینیٹر کیری نے اپنے دفتر میں پاکستان اور افغانستان کے وزرائے خارجہ سے الگ الگ ملاقاتیں کیں
__________________________________________________ _______________________

'
ارا کا ریکارڈ محفوظ، یونس آؤٹ
عبدالرشید شکور
بی بی سی اردو ڈاٹ کام کراچی


یونس خان کا مستقل کپتان بننے کے بعد پہلا میچ کھیل رہے ہیں سری لنکا کے خلاف کراچی ٹیسٹ کے پانچویں روز کھانے کے وقفے سے قبل پاکستانی ٹیم کے کپتان یونس خان بالآخر313 رنز بناکر آؤٹ ہوگئے۔
کراچی ٹیسٹ کے پانچویں اورآخری دن پاکستانی ٹیم نے کھانے کے وقفے پر 662 رنز بنائے تھے اور اس کے چھ کھلاڑی آؤٹ ہوئے تھے۔
کھیل کے پانچویں روز جب پاکستانی ٹیم نے اننگز شروع کی تو شائقین کی تمام تر دلچسپی صرف اس بات سے تھی کہ یونس خان ، برائن لارا کے چار سو رنز کا عالمی ریکارڈ توڑیں گے یا نہیں؟ لیکن وہ گزشتہ روز کے اسکور میں صرف سات رنز کا اضافہ کرکے دلہارا فرنینڈو کی گیند پر بولڈ ہوگئے۔
اس طرح وہ حنیف محمد کے337 رنز کے کسی بھی پاکستانی بیٹسمین کے ریکارڈ سے بھی آگے نہ بڑھ سکے اور برائن لارا کا ریکارڈ بھی محفوظ رہا۔
یونس خان نے768 منٹ کی طویل بیٹنگ میں568 گیندوں کا سامنا کیا اور 27 چوکے اور4 چھکے لگائے۔
ان کے آؤٹ ہونے پر پاکستان کا سکور596 رنز تھا۔
وکٹ کیپر کامران اکمل نے بھی عمدہ بیٹنگ کی اور کھانے کے وقفے پر وہ اپنی چھٹی ٹیسٹ سنچری سے صرف11 رنز کی دوری پر تھے۔
انہوں نے اپنے39 ویں ٹیسٹ میں دو ہزار رنز بھی مکمل کرلئے۔
ان کے ساتھ بیٹنگ کرنے والے یاسرعرفات کا اسکور17 رنز تھا۔
پاکستان کی طویل اننگز میں سری لنکا کے نو بولرز بولنگ کرچکے ہیں۔

جسٹس کی بحالی پر خوشیاں اور ریلیاں


اعلان کے بعد وکلاء معزول چیف جسٹس کے گھر جمع ہونا شروع ہوگئے


وزیراعظم سید یوسف رضا گیلانی کی جانب سے سپریم کورٹ کے معزول چیف جسٹس افتخار محمد چوہدری کی بحالی کے اعلان کے بعد ملک بھر میں خوشیاں منائی جا رہی ہیں۔
ہمارے نامہ نگار اعجاز مہر نے اسلام آباد سے بتایا کہ وزیراعظم کے اعلان کے بعد وکلاء معزول چیف جسٹس کے گھر جمع ہونا شروع ہوگئے اور سکیورٹی کی پرواہ کیے بناء چیف جسٹس کے گھر کے صحن میں داخل ہوکر نعرے لگائے۔
چیف جسٹس کے گھر کے باہر ذرائع ابلاغ کے نمائندوں، سول سوسائٹی، وکلاء اور سیاسی جماعتوں کے کارکن کافی تعداد میں چیف جسٹس افتخار محمد چوہدری کی جھلک دیکھنے کے لیے بیتاب تھی۔ ادھر تحریک انصاف، مسلم لیگ (ن) اور جماعت اسلامی کےکارکنوں نے اسلام آباد میں علیحدہ علیحدہ جلوس نکالے اور خوشی کا اظہار کیا۔ جماعت اسلامی کے درجنوں کارکن آبپارہ چوک پر جمع ہوئے جہاں قاضی حسین احمد نے ان سے خطاب کیا اور قوم اور اپنے کارکنوں کو مبارکباد پیش کی۔ مسلم لیگ (ن) کے اقبال ظفر جھگڑا کی سربراہی میں دو درجن گاڑیوں کا قافلا شہر میں اپنی جماعت کے پرچم لہراتے ہوئے گھومتا رہا۔
اسلام آباد اور راولپنڈی میں عام تعطیل کی وجہ سے بازار بند ہیں اور چھوٹےچھوٹے جلوس نکالے جا رہے ہیں۔
کراچی سے ہمارے نامہ نگار ریاض سہیل نے بتایا کہ وزیراعظم کے حکم پر کراچی بار کے صدر محمد علی عباسی اور جنرل سیکریٹری نعیم قریشی سمیت پندرہ وکلاء کو سینٹرل جیل سے رہا کردیا گیا ہے۔ وکلاء نے جلوس کے ساتھ ان کا استقبال کیا۔سندھ ہائی کورٹ بار میں جنرل باڈی اجلاس منعقد کیا گیا جس میں ججز کی بحالی پر خوش کا اظہار کیا گیا اور جدوجہد جاری رکھنے کا عزم دہرایا گیا۔

یہ جمہوری اقدار کی فتح ہے اور عوام کی جدوجہد کا ثمر ہے اور اس کی سب کو حفاظت کرنی چاہیے۔ عدلیہ کو موقع دینا چاہیے تاکہ وہ صحیح طریقے سے انصاف کرنے کی جو کوشش کر رہی ہے اس میں کامیاب ہو۔

جسٹس مشیر عالم


اجلاس سے ہائی کورٹ بار کےصدر رشید رضوی نے خطاب کرتے ہوئے کہا کہ انہیں اب نوٹیفکیشن کا انتظار ہے کہ اس میں کیا زبان استعمال کی جاتی ہے اور اس کا باریک بینی سے جائزہ لینا ہوگا۔ ان کا کہنا تھا کہ گزشتہ ایک سال میں پی سی او اور ججز کی تقرری کے ذریعے عدلیہ کو آلودہ کیا گیا ہے اس لیے وکلاء مکمل طور پر خوش نہیں ہیں۔ انہوں نے مزید کہا کہ جب تک یہ آلودگی ختم نہیں ہوتی سفارشی ججز واپس نہیں جاتے ہیں وکلاء کی جدوجہد جاری رہے گی۔
رشید رضوی کا کہنا تھا کہ چیف جسٹس یا عدلیہ کی بحالی سے عدلیہ آزاد نہیں ہوگی۔ گزشتہ ساٹھ برسوں سے اس میں اتنے ڈینٹ لگائے گئے ہیں جب تک وہ صحیح نہیں ہوتے اور قبلہ درست نہیں کیا جائے ایک دو واقعات سے عدلیہ آزاد نہیں ہوگی۔
دوسری جانب وزیراعظم کے حکم کے تحت سندھ ہائی کورٹ کے دو معزول جسٹس مشیر عالم اور جسٹس مقبول باقر بحال ہوگئے ہیں اور دونوں نے پیر کی صبح ہائی کورٹ بار کا دورہ کیا۔ اس موقعے پر ان پر پھول نچھاور کیے گئے اور نعرے لگائے گئے۔بحال ہونے والے جج صاحبان کا کہنا ہے کہ وہ عوام کی امیدوں پر پورا اتریں گے۔ جسٹس مقبول باقر کا کہنا تھا کہ حق اور سچ کی کامیابی پر جو جذبات ہونے چاہیئیں آج ان کے بھی وہ جذبات ہیں اور اب آئین اور قانون کا دور دورہ ہوگا اور اسی حساب سے معاملات سلجھیں گے۔
جسٹس مشیر عالم کا کہنا تھا کہ یہ جمہوری اقدار کی فتح ہے اور عوام کی جدوجہد کا ثمر ہے اور اس کی سب کو حفاظت کرنی چاہئیے۔ ان کا کہنا تھا کہ عدلیہ کو موقعہ دینا چاہیئے تاکہ وہ صحیح طریقے سے انصاف کرنے کی جو کوشش کر رہی ہے اس میں کامیاب ہو۔ ان کے مطابق جمہوری حکومت کی تائید کرنی چاہیئے۔ آزاد عدلیہ کی جو بنیاد رکھی گئی ہے اس برقرار رکھنے کی کوشش کریں گے۔
درین اثنا جماعت اسلامی،لیبر پارٹی اور پاسبان کی جانب سے مزار قائد سے کراچی سٹی کورٹس تک ریلی نکالی گئی۔
’آزاد عدلیہ کی جو بنیاد رکھی گئی ہے اس برقرار رکھنے کی کوشش کریں گے‘


معزول ججوں کی بحالی پر پنجاب کے دارالحکومت لاہور کی ضلعی بار ایسوسی ایشن اور ہائی کورٹ بار میں سوموار کو جشن جیسی صورت حال ہی رہی۔
نامہ نگار عباد الحق کے مطابق وکیلوں نے بار ایسوسی ایشن میں ایک دوسرے کو مبارک باد دی اور جسٹس افتخار محمد چودھری کے حق میں نعرے لگائے۔وکلا نے مٹھائیاں بانٹیں اور ڈھول کی تھاپ بھنگڑے ڈالے۔ وکیل لاہور ہائی کورٹ کے سینئر ترین جج جسٹس خواجہ محمد شریف کے گھر پہنچ گئے اور انہیں بحالی پر مبارک باد دی اور ان کے گلے میں پھولوں کے ہار ڈالے۔ اس موقع پر بحال ہونے والے جسٹس خواجہ شریف نے میڈیا سے مختصر بات کی اور کہا کہ عدلیہ پر اس فیصلہ کے مثبت اثرات مرتب ہونگے۔ملک کے دیگر شہروں کی طرح پشاور سمیت صوبہ سرحد کے مختلف علاقوں میں معزول ججوں کی بحالی کے اعلان پر وکلاء اور سیاسی جماعتوں کے کارکنوں نے جشن منایا اور ڈھول کے تھاپ پر رقص کیا۔ پشاور سے رفعت اللہ اورکزئی نے بتایا ہے کہ صبح ہی سے وکلاء اور سیاسی جماعتوں کے کارکن ٹولیوں کی شکل میں پشاور ہائی کورٹ پہنچنا شروع ہوئے اور دن گیارہ بجے تک وہاں وکلاء کی ایک بڑی تعداد جمع ہوگئی تھی۔
اس موقع پر وکلاء نے ' زندہ ہیں وکلاء زندہ ہیں، آئین کی خاطر زندہ ہیں‘ اور 'گو زرداری گو‘ کے نعرے بھی لگائے۔
اس دوران جماعت اسلامی اور تحریک انصاف کے صوبائی عہدیداران کی قیادت میں چھوٹے چھوٹے جلوس پشاور ہائی کورٹ پہنچتے رہے جہاں بعد ازاں ایک جلسہ بھی منعقد ہوا جس سے وکلاء اور سیاسی جاعتوں کے رہنماؤں نے مختصر خطاب کرتے ہوئے معزول ججوں کی بحالی کو عدلیہ اور انصاف کی فتح قرار دیا۔اس سے قبل پشار ہائی کورٹ کے احاطے میں صحافیوں سے مختصر گفتگو کرتے ہوئے پشاور ہائی کورٹ کے چیف جسٹس طارق پرویز خان نے کہا کہ آج حقیقی معنوں میں معزول ججوں کی بحالی سے عدلیہ آزاد ہوگئی اور وکلاء کی تحریک رنگ لائی ہے ۔ انہوں نے کہا کہ وزیراعظیم یوسف رضا گیلانی کے اعلان کے بعد عدلیہ کی ساکھ بحال ہوجائے گی اور نظریہ ضرورت بھی ختم ہوجائے گا۔

گزشتہ ایک سال میں پی سی او اور ججز کی تقرری کے ذریعے عدلیہ کو آلودہ کیا گیا ہے اس لیے وکلاء مکمل طور پر خوش نہیں ہیں۔ جب تک یہ آلودگی ختم نہیں ہوتی سفارشی ججز واپس نہیں جاتے ہیں وکلاء کی جدوجہد جاری رہے گی۔

رشید رضوی


کوئٹہ میں جسٹس افتخار محمد چوہدری اور دیگر ججوں کی بحالی کے بعد جشن کا سماں تھا جہاں مختلف سیاسی جماعتوں اور تنظیموں کی جانب سے جلوس نکالے گئے جلسے منعقد ہوئے اور ڈھول کی تھاپ پر رقص کیےگئے۔
نامہ نگار عزیز اللہ خان کے مطابق کوئٹہ میں جناح روڈ، شارع اقبال، قندھاری بازار، میزان چوک اور منان چوک پر مختلف سیاسی جماعتوں اور مزدور تظیموں نے جلوس نکالے۔ پشتونخواہ ملی عوامی پارٹی نے سب سے بڑی ریلی نکالی اور اس کے کارکن ڈھول کی تھاپ پر مختلف مقامات پر رقص کرتے رہے اور بعد میں میزان چوک پر قائدین نے جلسے سے خطاب کیا ہے۔ جماعت کے قائدین نے چیف جسٹس افتخار محمد چوہدری اور دیگر ججوں کی بحالی کے فیصلے کو سراہا ہے اور کہا ہے کہ اس فیصلے سے عدلیہ کا بول بالا ہوا ہے۔پنجاب میں سپریم کورٹ کے چیف جسٹس افتخار محمد چودھری سمیت دیگر تمام معزول ججوں کی بحالی کے اعلان پر وکیلوں اور سیاسی جماعتوں کے کارکنوں نے جشن منایا اور میٹھایاں تقسیم کیں۔






__________________________________________________ _________________________________

سنگھ از کنگ


عامر احمد خان
بی بی سی اردو ڈاٹ کام، لندن







پاکستان کے سابق فوجی صدر پرویز مشرف کی طرف سے نو مارچ سن دو ہزارسات میں چیف جسٹس کی معذولی اور ان کے ساتھ اپنے عہدوں سے مستعفی ہونے والے ججوں کی بحالی کے لیے دو سال سے جاری وکلاء تحریک کی بلآخر کامیابی کے بعد ملک میں پیدا ہونے والی سیاسی صورت حال پر بی بی سی اردو سروس کے مدیر عامر احمد خان کا تجزیہ۔ یہ تجزیہ تین اقساط میں شائع کیا جارہا ہے۔ اس سلسلے کی پہلی قسط ملاحظہ ہو:
ستمبر دو ہزار سات میں میاں نواز شریف لندن کے ہیتھرو ائیر پورٹ سے حکمرانِ وقت جنرل پرویز مشرف کے خلاف علم بغاوت تھامے جب پی آئی اے کے طیارے میں سوار ہوئے تو شاید ہی کوئی یقین سے کہہ سکتا تھا کہ وہ پاکستانی سیاست میں اپنے کھوئے ہوئے وقار کو بحال کرنے میں کامیاب ہو پائیں گے۔
ان کے سر پر دسمبر دو ہزار میں جنرل پرویز مشرف سے کی گئی سیاسی ڈیل کی تلوار لٹک رہی تھی۔ ان کی پارٹی آٹھ سال کی سیاسی لاوارثی سے نڈھال تھی اور ان کی سیاست کے منہ پر ایک فوجی حکمران کے ظلم سے گھبرا کر ملک چھوڑ دینے کی کالک ملی تھی۔
مشرف حکومت نے ان کے جہاز کے اسلام آباد اترنے کے چند گھنٹے بعد ہی با آسانی انہیں ایک دفعہ پھر ملک بدر کر دیا اور پورے ملک میں ان کی دوسری جلا وطنی کی مخالفت میں چند لوگ بھی گھروں سے باہر نہ نکلے۔ ایسے میں کوئی تصور بھی نہیں کر سکتا تھا کہ نہ صرف وہ بطور ایک فعال سیاستدان اپنا کیرئیر جاری رکھ سکیں گے بلکہ دو سال کے اندر اندر ملکی سیاست کے طاقتور ترین کھلاڑی کا روپ دھار لیں گے۔
اس وقت ان کے ہمسفروں میں درجنوں دیگر صحافیوں کی طرح بی بی سی اردو سروس کے نگرانِ وقت محمد حنیف بھی شامل تھے۔ انہوں نے میاں نواز شریف کی وطن واپسی کی اس ناکام کوشش پر اپنے تجزیے کو یوں سمیٹا: 'اس سارے شور شرابے اور دھکم پیل کے درمیان نواز شریف کے چہرے پر پہلی دفعہ مکمل سکون تھا۔ اس شخص کا سکون جس کے بدترین خدشات درست ثابت ہوئے ہوں۔

بچپن سے ہی مہنگے امپورٹڈ بلوں سے کرکٹ کھیلنے والا یہ نوجوان اپنے باپ کی انتھک محنت کے سر پر جب بلا کوشش و خواہش پہلے پنجاب کا وزیر خزانہ، پھر وزیر اعلٰی اور آخر کار ملک کا وزیر اعظم بن بیٹھا تو اس کے لیے یہ سمجھنا ایک فطری عمل تھا کہ وہ قدرت کا لاڈلا ہے۔

سولہ مارچ دو ہزار نو کو ہونے والے چیف جسٹس افتخار محمد چودھری کی بحالی کے اعلان کے بعد کی صورتحال کو دیکھیں تو محمد حنیف کے یہ الفاظ الہامی معلوم ہوتے ہیں۔ سن دو ہزار میں سیاسی تکالیف سے منہ پھیر لینے والا نواز شریف آج ایک ایسے سیاستدان میں بدل گیا ہے جو اپنے بدترین خدشات کو حقیقت بنتے ہوئے دیکھ چکا ہے، اس تلخ حقیقت سے نمٹ چکا ہے اور اب دن بدن نئی سمتوں کی جانب بڑھ رہا ہے۔
ایسا کرنا میاں نواز شریف کے لیے کتنا مشکل تھا، اس کا اندازہ ان کے اپنے ماضی سے لگایا جا سکتا ہے۔
بچپن سے ہی مہنگے امپورٹڈ بلوں سے کرکٹ کھیلنے والا یہ نوجوان اپنے باپ کی انتھک محنت کے سر پر جب بلا کوشش و خواہش پہلے پنجاب کا وزیر خزانہ، پھر وزیر اعلٰی اور آخر کار ملک کا وزیر اعظم بن بیٹھا تو اس کے لیے یہ سمجھنا ایک فطری عمل تھا کہ وہ قدرت کا لاڈلا ہے۔ وہ انوکھا لاڈلا جسے یہ یقین تھا کہ وہ کھیلن کو چاند بھی مانگے گا تو اسے ملے گا۔
اسی لیے اقتدار میں آنے کے دو ہی سال بعد وہ ایک طاقتور صدر سے بھڑ بیٹھا۔ قسمت کا لاڈلا تھا اس لیے حکومت گنوانے کے باوجود وہ صدر کو بھی لے بیٹھا اور یوں جنرل ضیاالحق کے اندھیروں کے تسلسل میں امید کی ایک نئی کرن پھوٹی۔
دوبارہ اقتدار میں آیا تو پہلے صدر، پھر چیف جسٹس اور پھر آرمی چیف کو چلتا کر دیا۔ یہ تمام اقدامات ایسے تھے جنہیں اٹھانے کی ہمت ذوالفقار علی بھٹو کے بعد کسی غیر فوجی حکمران کو نہیں ہوئی۔ تو پھر کیا عجب کہ انہوں نے ایک آئینی ترمیم کے ذریعے خود کو امیر المومنین اور پاکستان کو ایک مذہبی آمریت بنانے کا بھی خواب دیکھا۔
یہ درست ہے کہ قدرت نے ان کی اس خواہش کو رد کیا لیکن اس کے ساتھ ہی شاید یہ بھی قدرت کے لاڈ پیار کی ایک مثال تھی کہ وہ ایک بددماغ فوجی سربراہ کو دو گھنٹے ہوا میں لٹکائے رہنے کے باوجود بھی پاکستان سے زندہ بچ کر نکل گئے۔
اس نوعیت کی سیاسی تاریخ کے پیش نظر ظاہر ہے کہ ان کی وطن واپسی کے بعد کسی کے لیے بھی ان کے تابناک سیاسی مستقبل کی پیشن گوئی کرنا نا ممکن تھا۔ عام توقعات یہی تھیں کہ وہ کچھ عرصہ تو صدر سے اپنے بدلے چکانے کی کوششوں میں مصروف رہیں گے اور پھر اقتدار کی مار دھاڑ میں غرق ہو کر ایک محدود سیاسی دھڑے کے سربراہ کے طور پر گجرات کے چوہدریوں کی طرح زیادہ سے زیادہ لاہور کے چودھری بن بیٹھیں گے۔

قدرت بھی ایک بار پھر اپنے اس لاڈلے پر مسکرائی اور میاں نواز شریف کو ایک نئی زندگی یوں دی کہ پاکستان پیپلز پارٹی کی سربراہ بینظیر بھٹو قتل ہوئیں۔ ان کے قتل سے پیدا ہونے والے سیاسی خلاء نے جیسے راتوں رات ان کے منہ سے ان کے ماضی کی کالک دھو ڈالی۔

لیکن میاں نواز شریف نے وطن واپسی کے پہلے دن سے ہی اپنے سیاسی تدبر سے مبصرین کو حیران کر ڈالا۔ انہوں نے سب سے پہلے تو بینظیر بھٹو سے ایسی گاڑھی سیاسی یاری لگائی کہ دونوں دن میں چھ چھ دفعہ ایک دوسرے سے بات کرتے، ہر مشکل موڑ پر ایک دوسرے سے مشورہ کرتے اور ایک دوسرے کو بھائی بہن کہتے نہ تھکتے۔
اس کے ساتھ ہی میاں نواز شریف نے صدر پر تو کڑی تنقید جاری رکھی لیکن اپنی ذاتی انا یا خواہشات کو سیاسی عمل میں خلل ڈالنے کا موقع نہ دیا۔ انہیں صدر مشرف کے تجویز کردہ سیاسی نظام سے نفرت تھی لیکن انہوں نے بینظیر بھٹو کے کہنے پر عام انتخابات کا بائیکاٹ نہ کرنے کا فیصلہ کیا۔ وہ آٹھ سال تک اقتدار سے باہر رہ چکے تھے لیکن وطن واپسی کے بعد حصول اقتدار کی بجائے انہوں نے معزول ججوں کی بحالی کو اپنا منشور بنایا۔ اس دوران جسے بھی ملے، اسے اپنی سوچ اور فکر کے ٹھہراؤ سے متاثر کیا۔ ایک ایک کر کے بہت سے لوگ یہ کہنے پر مجبور ہوئے کہ یہ شاید وہ نواز شریف نہیں جو آٹھ سال پہلے سب کچھ چھوڑ کر اپنی جان بچا کر چلا گیا تھا۔
قدرت بھی ایک بار پھر اپنے اس لاڈلے پر مسکرائی اور میاں نواز شریف کو ایک نئی زندگی یوں دی کہ پاکستان پیپلز پارٹی کی سربراہ بینظیر بھٹو قتل ہوئیں۔ ان کے قتل سے پیدا ہونے والے سیاسی خلاء نے جیسے راتوں رات ان کے منہ سے ان کے ماضی کی کالک دھو ڈالی۔
یہ میاں نواز شریف کے لیے ایک مشکل وقت تھا۔ پنجاب کے عوام آصف علی زرداری کی قیادت کو رد کرتے ہوئے میاں نواز شریف کی جانب واپس لوٹے اور ان کی جماعت کو ماضی کی طرح ایک بھرپور مینڈیٹ دیا۔ ماضی کے تجربات کی روشنی میں اس مرحلے پر کوئی وجہ ایسی نہ تھی کہ ان کے قدم نہ چوکتے۔ وہ عدلیہ کے مسائل بھلا کر اقتدار کی جنگ میں کود سکتے تھے، پاکستان پیپلز پارٹی کی حکومت سازی کی کوششوں میں رکاوٹ ڈال سکتے تھے یا پھر اس کی حمایت کے بدلے پنجاب کے علاوہ وفاق میں بھی اقتدار کا ایک بڑا حصہ اینٹھ سکتے تھے۔
لیکن انہوں نہ اپنا قبلہ درست رکھا۔ صرف ججوں کی بحالی کی بات کی، پیپلز پارٹی کو وفاق میں حکومت بنانے کے لیے مدد دینے میں ججوں کی بحالی کے سوا کوئی شرط نہ رکھی، نواز لیگ وزراء کو کالی پٹی باندھنے کی شرط پر صدر مشرف سے حلف لینے کی بھی اجازت دے دی۔ پھر ججوں کے معاملے پر وفاقی کابینہ سے اپنے وزیر اٹھائے لیکن حکومت کو غیر مستحکم کرنے کی کوئی کوشش نہ کی۔ وکلاء تحریک کی حمایت جاری رکھی لیکن دھرنا دینے پر اس وقت تک آمادہ نہ ہوئے جب تک آصف علی زرداری کی دروغ گوئی لا ریب فی نہ ہو گئی۔
اور پھر جب دھرنے کا وقت آیا تو پنجاب میں ان کی حکومت گر چکی تھی۔ لیکن انہوں نے اپنی حکومت کی بحالی کی بجائے ججوں کی بحالی کو ہی ہدف رکھا۔ وزارت داخلہ کی تمام تر کوششوں اور تمام تر ہتھکنڈوں کے باوجود ہزاروں کا جلوس نکالا جس کے سیاسی جوش اور طاقت کے سامنے صدر آصف علی زرداری کی ضد پانی کی طرح بہہ گئی۔
سب سے اہم یہ کہ ججوں کی بحالی کا اعلان ہوتے ساتھ ہی لانگ مارچ کے خاتمے کا اعلان کیا نہ کہ اپنی سیاسی طاقت کے اس شو کے بل بوتے پر اپنی حکومت کی بحالی کا مطالبہ۔ نتیجتاً وہ مفاہمتی فضا جو صدر زرداری کی مسلسل وعدہ خلافی اور پنجاب حکومت کی برطرفی کے بعد دم توڑ رہی تھی ایک بار پھر بہار دکھلانے لگی۔
کیا آج سے دو سال قبل کوئی سوچ سکتا تھا کہ مہنگے بلوں، رومانوی گانوں اور مرغن کھانوں کا شوقین، قدرت کا یہ لاڈلا سالہا سال تک اپنی ذات کی سیاست کرنے کے بعد پاکستان میں اصولی سیاست کی ضمانت کے طور پر ابھرے گا؟
میاں نواز شریف نے ججوں سے متعلق ایک سوال پر پچھلے سال از راہ مذاق صحافیوں سے کہا تھا کہ زبان کے معاملے میں وہ ’سکھ‘ ہیں۔ موجودہ حالات میں ان کے کڑے سے کڑے ناقدین بھی یہ ماننے پر مجبور ہیں کہ بعد میں جو بھی ہو لیکن فی الوقت چار سو ایک ہی آواز ہے اور وہ یہ کہ سنگھ از کنگ، سنگھ از کنگ، سنگھ از کنگ۔





__________________________________________________ _______________________________

Bohat afsos ki baat hai

ALLAH Reham kary