Thread: Interview Of .:. Ainny .:.

Assalaam O Alequm
MEMBERS

Intezaar ki ghariyan Khatam hoven

Ab Sweetest Ainny ka Interview Start karti hon







[Only registered and activated users can see links. ]
Member
[Only registered and activated users can see links. ]

Status: Double Centurion
Join Date: Oct 2009
Location: Dubai
Posts: 2,068
Thanks: 77
Thanked 285 Times in 167 Posts
Gender: Country:
Rep Power: 3
Points: 8,030, Level: 38
Level up: 39%, 220 Points needed
Activity: 100%

today im starting a interview

yahan hum guest of member sy Questions karin gay

un k bary mein jaany gay

active bhi hein

Ab ya SENIOR HAIN MF PAR ZADA sy zayada MEMBERS INHAI JANTAy HAIN

INKI POSTING speed Bohat achi Hai

OR BAKI SArry SECTIONS MAI BHI NAZAR AATI reHti HAIN,

SO PLZZ WELCOME

A I N N Y

so Ainny r u ready?

And here are questions ...


1) Aap ka Full name kiya hai aur kis ne rakha tha ??

2) Aap ki date of birth with place of birth ?

3) Qualification kitni hai aur future plans kiya hain ?

4) Ghar mei kitnay afraad hain aur aap un mei kis number pe hain ? aur aap ki kis se sab se ziayaada dosti hai ?

5) Abu se ziayaada attach hai ya ammi se ?? agar abu se hain tu kyon hain un ki kuon si baat pasand hai same question if ur answer is mother too ...

6) Agar aap ko name change karnay ka kaha jaaye tu kiya rakho gay?? aur nick change karnay ka kahaa jaaye tu kiya rakho gay aur Mf par aap ka fav nick kuon sa hai??

7) Bachpan mei aap keisay thei means ke sharaarti thei ya sanjeeda aur koye yaad gaar wakiyaa sunaao bachpan ka...

8) Koye esii baat jis ka aaj tak pachtaawa ho?? if hai tu bataana chaahoo tu zaroor bataanaa wo baat .

9) Love marriage karo gay ya arrange marriage ?? aur kis marriage k haq mei ho ..i mean to say k aap k mutabik kuon si marriage kamyaab hoti hai..Shaadi k kab tak iraaday hain

10) Ideal banaaya hai about ur life partner if yes to explain it

11) Koye esaa doost jis ke bagair aap khud ko adhoora samajhtay hoon??

12) Jab udaas ya preshaan hotay ho tu kiya kartay ho aur jab khush hotay ho tu kiya kartay ho ?

13) Koye esi khuwaahish jo poori na hui ho ab tak ?? aur whts ur aim in life ...

14) Larkiyoon ki kuon si esi baat hai jo aap ko achi lagti hai aur kuon si buri .... tell 3 qualities and 3 worst qualities of girls

15) Apni zindagi ka khush gawaar waakiya batau aur na khush gawaar bhii..aur ye bhi bataana k kab paish aaye thei i mean kis age mei ..

16) Agar aap ko desert mei bheij diya jaaye aur kaha jaaye ke siraf aik banday ko le jaa saktay ho saath tu aap kisay le jaana chaahoo gay ??

17) MF ka kis ne bataaya tha aur aap keisa feel kartay ho MF gupshup pe aakar ??

18) MF pe sab se pehla frnd kuon bana tha ?MF ke kis member se milnay ka dil chaahta hai ?

19) MF ke kis member se nahi banti ?? aur kyon ? aur kis kis se achi frndship hai ?

20) Agar aap ko MF se 1 week k liye ban kar diya jaaye tu whts ur feelings ??

21) Agar aap ko koye jin mil jaaye aur aap se kahay ke 3 wishes kar saktay ho tu aap kiya wishes karo gay ?

22) Ager aap ko kisi dosri country jaanay ka mooka milay tu aap jaana pasand karo gay?? aur aap kis kis countries ko deikhna chaahtay ho?

23) Koye fav movie batau with actor and actoress and song... aur kyon pasand aaye ??

24) Agar aap ko aik din ka prime minister bana diya jaaye tu kuon say 3 kaam karna pasand karo gay ?

25) Agar aap ka 100000 inaam lag jaaye tu aap in paiso ka kiya karo gay ?

26) Koye khuwaab jo sach saabit huwa ho ?? bataana chaahain tu zaroor bataayeye ga.

27) Islam se kis had tak lagaao hai?

28.Interview deina keisaa lag raha hai aur ye segment keisaa lagta hai ?

29.Ab tak jitnay question poochay us mei sab se mushkil kuon sa laga ?

30.Koye baat jo aap MF members se kehna chaahtay hoon ? ya any message ?

BeST Of LucK[Only registered and activated users can see links. ]



Note : Members please aese questions na pochien jis se Koi hurt hon !

THANKS

REGARDS
~SmilingDoll~

1) Aap ka Full name kiya hai aur kis ne rakha tha ??

Mera Full name hai Quratulain Abid aur ye meri dadi ne rakha tha.iss ka matlab hai (Ankhoon ki thandak)lekin bachpan se hi ghar mai sab ainny hi kahte hain iss liye kabhi kabhi to mujhe lagta hai Quratulain nic hai aur ainny Asli naam.waise mujhe ainny hi acha lagta hai.

2) Aap ki date of birth with place of birth ?

12 march 1987 peshawer mai paida hoi

3) Qualification kitni hai aur future plans kiya hain ?

B.A kiya hai next year pakistan jaon gi to M.A islamiyat ka exam dongi (inshallah) baqi kisi ko janna ho to yahan deekh ly
[Only registered and activated users can see links. ]

4) Ghar mei kitnay afraad hain aur aap un mei kis number pe hain ? aur aap ki kis se sab se ziayaada dosti hai ?

Mere sasural mai to mashallah mujh sameet 10 afraad hain lekin mere ghar mai hum 5 log hain .Maa,Papa ,mai ,anu(Anosh) aur Biya(Umair my brother).mai bahan bhaiyon mai sab se bari hoon mujh se 2 saal choti anu ha aur uss se 2 saal choota biya hai.meri waise to maa ,anu biya tinoon se dosti hai lekin mai Anu k sath zyada comfortable hoti hoon apni battien share karne k liye

5) Abu se ziayaada attach hai ya ammi se ?? agar abu se hain tu kyon hain un ki kuon si baat pasand hai same question if ur answer is mother too ...

Meri baaton se sab ko andaza to ho gaya ho ga k mai apni maa se bohat zyada attach hoon .Papa ko lagta hai k mai unhen nahi samjah sakti aur muhe lagta hai k papa mujhe nahi samajh sakte.maa se attachment ki ek nahikahi ek wajoohat hain meri maa meri padaish se pahle sehi job kar rahi hain..bohat samjhdar ,parhi likhi,well behaved hain .maine apni maa ko hameesha bohat mehnat karte deekha hai office mai boss ki battien suno ,ghar mai shohar k tanny suno,ghar aa kar bache sambhaloo (hum ne kabhi bhi tution nahi parhi hum sab ko maa ne hi parhaya hai)phir bhi meri maa k matthe par kabhi shikan nahi aai .papa itne parhe likhe nahi hain aur itna kamate bhi nahi thy wohameesha maa se kahte thy k larkiyon ko parhane ki kya zaroorat hai lekin meri maa ne din raat mehnat ki apni khwahishat ko maara lekin humari parhai par kabhi farq nahi parhne diya ....i am getting emotional ....i think itna kafi hai warna interview adhoora rah jaye ga aur ainny ji roona dhuru kar dain gi

6) Agar aap ko name change karnay ka kaha jaaye tu kiya rakho gay?? aur nick change karnay ka kahaa jaaye tu kiya rakho gay aur Mf par aap ka fav nick kuon sa hai??
Mai na to kabhi apan naam change karna chahoon gi na hi apna nick .mera naam hi meri pehchan hai maine ajj tak apne naam k sath apne husband ka naam nahi likha hameesha Ainny abid hi likha hai..aur mai hamesha apne naam se hi pehchani jana chahti hoon..Mf par sab se acha nick hai Prince of Darkness

7) Bachpan mei aap keisay thei means ke sharaarti thei ya sanjeeda aur koye yaad gaar wakiyaa sunaao bachpan ka...

apne ta'aruf k liye bas itna hi kafi hai
Badal daite hain wo rasta jo aam ho jaye

Mai bachpan se aisi hi hoon har wo kaam karti thi jo dosre kam hi akrte hoon.Mai bohat zyada shararti nahi thi ..haan hans mukh thi ,masti karti thi,uchalna kodhna waghaira karti thi,bohat daarpook thi apna haqq mangne se bhi darti thi lekin abb maien ye jan liya hai k jo jitna dabta hai dunya usse uttna hi dabati hai iss liye abb mai kisi se nahi darti aur haan sab se main baat jo ajj bhi koi sunnta hai to hairaan hota hai meri dosti apni age k bachon se kabhi nahi thi ..mere dostoon mai humari colony mai sabzi bechne wala uncle shamil tha ,ek uncle toffees bechta tha..aur issi type k logon se thi koi kaam karne wali aunty etc ...sab hairan hote thy k ye kya pagal larki hai aur mai kahti thi jin se sab dosti karte hain mai un se kyon karon mai to un se baat karon gi jin se koi pyar se baat nahi karta aur ye aadat bhi mujh mai meri Maa ki taraf se aai hai. Ek baar islamabad se humare ghar maa k kuch relatives aaye thy wo pahli baar humary ghar aaye thy ,un becharoon ko ghar ka pata nahi chal raha tha .unhon ne kisi se address pochne k liye maa ka naam bataya ,papa ka bataya kisi ko samjh na aaya to unhon ne aise hi kah diya k un ki beti ka naam Ainny hai .aur toffees bechne wala uncle un ko humare ghar tak chor kar gaya .baad mai sab bohat hans rahy thy k ainny ji to aise logon ma famous ho gai hain.

8) Koye esii baat jis ka aaj tak pachtaawa ho?? if hai tu bataana chaahoo tu zaroor bataanaa wo baat .

mai har kisi ko acha samjhti hoon ,samajhti hoon k agar mai kisi ka bura nahi karti to koi mere sath bhi bura nahi kary g ..lekin aisa hota nahi hai ..meri zindagi ka sab se bara pachtawa ye hi hai k maine hameesha logon ko pehchanne mai ghalti ki hai aur logon ne meri achai ka faida utthaya hi ...maine apni naadani ai apne maa baap ko bohat dukh diye hain ...maine un dukhon ko kaam karne k liye un se bhi kahi zyada khushiyan apne parents ko deen meri maa manti hai k ainny n jitni khushiyan hum ko di hain humara koi bacha kabhi nahi dy sakta lekin mere dil se wo ahsaas e sharmindagi nahi jata k...maine logon ki baaton mai aa kar apne maa baap ko dukh diya

9) Love marriage karo gay ya arrange marriage ?? aur kis marriage k haq mei ho ..i mean to say k aap k mutabik kuon si marriage kamyaab hoti hai..Shaadi k kab tak iraaday hain

Mai already 7 saal se maaried hon.meri shadi meri taraf se to arrange hi thi lekin mere husband mujhe pasand karte thy .Wo mere cousin hain aur maine shadi se pehle unhen ek hi baar deekha tha jab wo pehli baar pakistan aaye thy kyon k mei aur un ki age mai 10 saal ka farq hai to shadi k 2 din baad bhi mai unhen taimoor bhai kah kar pukarti thi ,ahista ahista aadat chutti bhai kahne ki...hahahha...Mujeh lagat hai shadi zindagi mai ek baar hoti hai insaan ko ussise shadi karni chahiye jis se wo pyar karta h warna yeh zakhm zindagi bhar app k sath rahta hai.kamyabbi ki guarantee to koi nahi ly sakta aksar love marriges bhi nakaam ho jati hain lekin agar shadi app ki marzi ki ho gi to kam az kam dil mai koi khalish to nahi rahy gi..apni zaat mai koi kami to nahi mehsoos ho gi na.

10) Ideal banaaya hai about ur life partner if yes to explain it

yaar mujhe ye bataoo kon si larki hai jo ideal nahi banati..aur mai to kuch zyada hi khwaboon ki dunya mai rehne wali larki hoon ...abb kya bataoon chalo ek shair likhti hoon khud hi samajh jao
Aisa nahi k hum ko Muhabbat nahi mili
Hum jaisi chahte thy wo qurbat nahi mili
har shahks zindagi mai bohat dair se mila
koi bhi cheez hassb e zarrorat nahi mili

abi tk to sb rply buhat awesome rahe

jaldi se inn Qus ka Ans do

fr mai ne b pochne hain

Bahot acha laga aapke barein me jaan kar Ainny...main apne comments & Qs agey dunga jab aap baki k sawal k jawab de do ge.

11) Koye esaa doost jis ke bagair aap khud ko adhoora samajhtay hoon??
Meri dost tasbiya aur Hasnain...Meri zindagi mai ek time aisa aaya tha jab mere apnon ne mera sath chor diya tha,mere apnoon ko mujh par bharoosa nahi tha uss mushkil waqt mai jab meri apni maa tak mere sath nahi thi srf ek Tasbiya thi jis ne har ghari mera sath diya meri har baat par ankh band kar k bharoosa kiya Allah ka shukar hai wo waqt to jald hi tal gaya lekin mai ajj tak tasbiya hi ahsaan mand hoon .mai jab bhi uss k bary mai sochti hoon uss se milti hoon hameesha mre dil se uss k liye dua nikli hai k Allah usse zingadi ki har khushi se nawaze aur uss par aane wali har musibat ko door kar dy(Ameen)..
Aur hasnain mera aisa dost hai jis se baat kar k meri bari se bari pareeshani bhi door ho jati hi .mai jab mf mai aai thi to sab se pehle meri baat Hasnain aur Sd se hoi thi tab mujhe hasnain bilkul acha nahi lagta tah mai isse avoid karti thi(Hasnain ye baat jannta hai)Lekin phir ek din hum ne baat ki aur phir rooz baat karne lagy mujhe aisa nahi lagta k meri aur hasnain ki dosti ko 1 maheena howa hai mujhe lagat hi hum pata nahi kab se ek dosre k dost hai mai uss se ghantoon baat kar k bhi bore nahi hoti.He is a very very very Good friend .Mere in donon doston k liye bass mai itna kahon gi

Meri takmeel mai hissa hai tumhara bhi aye Dost
Mai agar tum se na milti to adhoori hoti

12) Jab udaas ya preshaan hotay ho tu kiya kartay ho aur jab khush hotay ho tu kiya kartay ho ?

jab udaas ya pareeshan hoon to make up karti hon.mai apne app ko bohat pasand karti hoon .apni battien,apni shkal apna nature mujhe apni har cheez se pyar hai iss liye pareeshani mai bhi mai khud se baattien karti hoon ..Make up kar k acha dikhti hoon aur phir thori dair mai tesion khatam hony lagti hai
aur jab khush hoon to apni khushi ko khoob enjoy karti hoon nachti hoon ,uchallti hoon,bachoon jaisi harkattien karti hon ...mera ye manna hai k jo cheez humarey pass nahi hai hum uss ki tension zyada na karen jo cheez hai uss ka shukar aada karen aur hameesha khush rahen ...khushiyan pana mushkil nahi hai bass humen zindagi k har pehloo mai in khushiyon ko dhoondney ki zaroorat hai

13) Koye esi khuwaahish jo poori na hui ho ab tak ?? aur whts ur aim in life ...

Yaar kya poch liya
Hazaroon khwahishen aisi k har khwahish pe dam nikle
Bohat nikle mere armaan lekin phir bhi kam nikle
Insaan ki khwahishen kabhi bhi pori nahi ho saktien .ek pori ho to dosri jaag utthti hai...mai electrical engineering karna chahti thi lekin 9th mai hi shadi ho gai aur baqi studies privately karni parhi Allah ka shukar hai mai boaht logon se bohat achi hoon lekin bass yon hi kabhi kabhi dil mai aata hai k kash mai collage mai ja pati.but its ok with me mai har haal mai khush rehna janti hoon


14) Larkiyoon ki kuon si esi baat hai jo aap ko achi lagti hai aur kuon si buri .... tell 3 qualities and 3 worst qualities of girls
aahann
3 Qualities

1. Larkiyoon ka dil bohat pyar karne wala hota hai
2. larkiyaan mardoon ki nisbaat andar se zyada stronge hoti hain,sabar karne wali
3. Larkiyan apni dreesing ka bohat khyall rakhti hain

3 worst Qualities

1. Larkiyan ek number ki bewaqoofhoti hain mard ne thori si tareef kya kar di usse pyar samajhne lagti hain
2. jo larkiyan parda nahi kartin mujhe achi nahi lagten ..Aurat ka matlab hi hai chuppi hoi cheez ...
3. Larkiyoon ka bina kisi Zaroorat k job karna

15) Apni zindagi ka khush gawaar waakiya batau aur na khush gawaar bhii..aur ye bhi bataana k kab paish aaye thei i mean kis age mei ..
Khush gawaar waqiya to wo hai jab mai ajj se 2 saal pehle pakistan gai thi aur maine apne bahan bhai k sath mil kar Maa ki surprise birthdy manai thi ..ye 2nd august ka din tha aur humare pass tayari k liye sirf subha 7 se dopahar 2 bajy tak ka time tha kyon k 2 bajy maa kaam se ghar aa jati hai.issi time mai main aur biya market se decoration ka saaman bhi laye maa k liye gift bhi maine 2 ghannte dhoop mai khara ho kar pore sahan ko sajaya kyon k party hum sham ko karne waly thy...uss waqt to mai hero ban gai lekin baad mai mere sar mai jo dard howa wo jan nikalne wala tha..issi time mai maine maa k liye full chinese Food bhi pakkaya....pora ghar aise sajaya jaise kisi ki shadi ho aur maa ki khushi ka to koi thikana nahi tha maine apne pore saal ki pocket money se apni maa ki birthday ka kharcha kiya lekin meri maa khush ho gai to hum apni sari thakan bhool gaye ..maa ne kaah k itni dhoom dham se aj tak kisi ne meri khushi nahi manaii....
Na khushgawaar waqiyaat boha se hain
Zindagi ko Bohat aziz hoon mai
Dhoondh laite hain haadsaat mujhe
ye waqiya ajj se 4 saal pahle ka hai jin dinoon mai swimming seekh rahi thi ek din jab mai swimming k baad nahane gai to maine ghalti se garam pani ka Tap khool diya.Abb swimming center k washrooms itne chote thy k agar kisi ko nikalna hai to usse lazam shower k neeche se guzarna parey ga aur shower ka pani tha boiled.mujhe kuch samajh nahi a rahi thi .thori dair baad sare pool mai dhoowan pheelne laga.tab humari instructor aai uss ne mujhe kha k mai door k peech khari ho kar door open kar don maine aise hi kiya.meri instructor ne wiper ki stick se tap ghoomana shuru kiya lekin tap ka handle toot gayatab mujhe laga k mai shayad nahi bach paon .uss ek lamhe mai shuru se akhir tak meri life meri ankhon k sammne ghoomne lagi.maine kalma tak parh liya ,maine moot ko apne qareeb mahsoos kiya uss pani ki garmi se mera sansband hone laga aur shayad thori dair mai mai be-hosh ho jati lekin pata nahi kaise meri instructor ne bari mushkil k sath uss toote hoye nalke ko band kiya mai jab bahir nikli to har koi mere pass aa raha tha lekin mai kuch samajh nahi paa rahi thi.......lekin ghar ja kar mai phoot phoot kar roi aur allah se apne gunahoon ki maafi mangi
iss baat ko 4 saal ho gaye hain lekin abb bhi jab mai swimming center jati hoon to daar jati hoon.iss waqiye mai maine moot ko apne qareeb aate mahsoos kiya hai aur iss ne mujhe mere allah aur mri family k bohat qareeb kar diya
Theek hi kahte hain jo hota hai ache k liye hota hai

16) Agar aap ko desert mei bheij diya jaaye aur kaha jaaye ke siraf aik banday ko le jaa saktay ho saath tu aap kisay le jaana chaahoo gay ??
Tasbiya y hasnain ko kyon k in donon k sath mai kabhi bore nahi ho sakti

17) MF ka kis ne bataaya tha aur aap keisa feel kartay ho MF gupshup pe aakar ??
yon hi net surfing k dorran Mf aa gai aur yahan aa kar itne ache dost banye hain k app to ek din bhi Mf par aaye bina raha nahi jata

18) MF pe sab se pehla frnd kuon bana tha ?MF ke kis member se milnay ka dil chaahta hai ?
Sab se PAhle to sd se Friendship hoi thi lekin Hasnain se milne ko bohat dil karta hai

19) MF ke kis member se nahi banti ?? aur kyon ? aur kis kis se achi frndship hai ?
Meri to sab hi k sath achi khassi bannti hai aur mere sab se achi friendship hasnain k sath haiye to sab hi jannte hain

20) Agar aap ko MF se 1 week k liye ban kar diya jaaye tu whts ur feelings ??
mai Adhi Pagal ho jaon gi Mf k bary mai soch soch kar...Allah ji plzzzzzz kabhi ainny k sath ye zulm mat hone daina(Ameen)

21) Agar aap ko koye jin mil jaaye aur aap se kahay ke 3 wishes kar saktay ho tu aap kiya wishes karo gay ?

1. Mujhe ek aisi power dy do k mai jab chahoon pakistan aa ja sakon
2. Mujhe sab Mf members se milwa do
3. Mere Bahan bhai k dil ki har khwahish pori kar do

22) Ager aap ko kisi dosri country jaanay ka mooka milay tu aap jaana pasand karo gay?? aur aap kis kis countries ko deikhna chaahtay ho?
Mai koi country nahi dekhan chahti bass pakistan mai Kaghan Valley dekhna chahti hoon



23) Koye fav movie batau with actor and actoress and song... aur kyon pasand aaye ??

Jab we Met & Swades
actor actress jab chooti thi tab pasad thy abb koi khass nahi Jab we met mujhe iss liye pasand hai kyon k iss mai jo character hai GEET wo bilkul mere jaisi hai uss ka naam GEET anhi AINNY hona chahiye tha aur swades dekh kar mujhe meri country yaad aati hai

Songs :

1. tujh se naraz nahi zindagi hairan hon mai(Masoom)
2. Aao gy jab tum oo sajna(Jab we met)
3. Meri Maa(Tarre zameen par)

24) Agar aap ko aik din ka prime minister bana diya jaaye tu kuon say 3 kaam karna pasand karo gay ?

i hate politics iss liye mai iss bary mai kuch nahi kahna chahti







25) Agar aap ka 100000 inaam lag jaaye tu aap in paiso ka kiya karo gay ?



1 lakh k apni maa ko don gi baqi apne husband ko dy don gi



26) Koye khuwaab jo sach saabit huwa ho ?? bataana chaahain tu zaroor bataayeye ga.





khwaab hameesha khwaab hi hote hain aur mera to ajj tak koi khwaab sach nhi howa





27) Islam se kis had tak lagaao hai?



yaar iss ka answer mai bilkul alag se detail mai don gi



28.Interview deina keisaa lag raha hai aur ye segment keisaa lagta hai ?



ek dam mast segment hai aur mujhe hadh se zyada maza aa raha hai .i love that k koi mere bary mai janne



29.Ab tak jitnay question poochay us mei sab se mushkil kuon sa laga ?



koi nahi aur agey jitne pochy jaen gy wo bhi ia m 100% sure mujhe mushkil nahi lagen gy



30.Koye baat jo aap MF members se kehna chaahtay hoon ? ya any message ?



Yaar mai kon hoti hoon message dainy wali

bass ek baat share karna chahti hoon jo may be app sab k liye helpful ho

Mai apne har masle har mushkil ka hal sirf ek cheez ko mannti hon.....Allah k sath apne rishte ko mehsoos karenaur isse mazboot se mazboot tar banaen..Apne Allah ko pna dost banen..uss se har baat share karen ..app khud mehsoos karo gy k wo ek mohsin aur mukhlis dost ki tarhan app ki har mushkil ka haal app ko khud bataye ga,usse hal kar dy ga.Believe me or not amgar ye baat meri aazmai hoi hai.apne aur uss k darmiyan kisi ko wasila na banayenuss ki hasti par kamil imman rakhen aur wo app ko hr musibat seiss tarhan nikaly ga k app ki akal dangg rah jaye gi

Aur iss imaan k sath sath hameesha apni soch ko positive rakhen to Bohat si pareesaniyan aur masail khud ba khud khtam ho jayen gy

Ainny aap ko interview parh kar bohat bohat acha laga

Thx PAri app ko kuch pochna ho to be jhijak poch laina Ainny kisi sawaal se nahi ghabrati

Originally Posted by gorgeous nado

abi tk to sb rply buhat awesome rahe

jaldi se inn Qus ka Ans do

fr mai ne b pochne hain

Originally Posted by samaffu

Bahot acha laga aapke barein me jaan kar Ainny...main apne comments & Qs agey dunga jab aap baki k sawal k jawab de do ge.

Thanks to Both f You mai tayyar hoon har question k liye maine issi liye ek hi dinmai interview complete kar liya takke app sab ko question karne k liye wait na karna parhy

vry nice ainny

app ki sochto buhat hi achi hai

buhat khushi hui hai app se mil k

Masha'ALLAH

Masah'ALLAH


Aap ki baatein bata rahi hein aap bohat cute n sweet ho

ALLAH pak aap ko dunya o jahan ki har khushi day Ameen



., Ab sub shoro ho jao...........question list day do Ainny ko

Ainny....ur answers are full of emotions & thoughts. Kafi kashmakash se guzrii hongi aap in sawalo ka jawab dete waqt.

Mujhe thoda waqt de...main India pahoch kar aapse sawal karunga. Till then wait for my Qs

Originally Posted by Zohaib

Ainny mujhe anu ne batay k tera interview aaya hai mai sirf issi liye aaya hon warna mai to parhai mai bohat busy tha
mujhe bohat acha laga sab parh kar tujh se ek Question pochna hai mai tujhe bachpan se jannta hon lekin ajj tak nahi jan paya k teri weekness kya hai???kya cheez ya kya baat tujhe kamzoor kar sakti hai maine ajj tak tujhe hamesha stronge hi dekha hy ....lekin har insaan ki koi na koi weakness to hoti hi hy...teri weaknss kya hy?

Thx bro tu mere liye aaya.tu na sahi kaha hai har insaan ki koi na koi weakness hoti hai ..koi na koi cheez insaan ki zindagi mai aisi zarror hoti hai jo usse kamzoor bana sakti hai.waise bro apni kamzooriyan insaan dosron ko nahi batata lekin mai kyon k yahan kisi ko Dosra nahi samajhti balke apni family hi samajhti hoon to mujhe apni kamzoori batane mai koi prblem nahi
Meri kamzori hai mohabbat ...mai jis se bhi pyar karti hoon bohat shiddat se karti hoon aur uss pyar k liye kuch bhi kar sakti hoon...phir wo pyar apni family se ho ya kisighair insaan se..ye pyar mujhe hameesha kamzoor bana daita hai Lekin iss se bhi bari balke sach kahon to meri sab se bari kamzoori mere bahan bhai hain.anu aur Biya ...unki ek halki si muskurahat k liye mai apni har khushi lutta sakti hoon...un ki zara si takleef par mera dil rota hai..kitni hi baar anu aur biya k liye maine apne maa papa tak se jhagrah kiya hai...wo mere bahan bhai nahi mere bacche hain..mujhe aise hi un ki fikar aur un se pyar hai jaise ek maa ko apne bachon se hota hai...anu biya mai meri jan basti hai.Anu biya k bghair ainny ka koi wajood nhi hai

Ainny,
1st of all sorry k mujhy sub se pehly interview parh k reply karna chaheay tha but der se aya hon.
mujhy tumara interview parh k bahut acha laga. aur tum ne mujhy apny han itna valueable samjha, mujhy haqeqat mein bahut khushi hoi but mein is k leay tumein THANKS nai bolon ga q k ....
frnds mein THANKS to nai banta na...???
aur mujhy new bat ye bat pata lagi k tum swimmer b ho.
that is really very nice. tum haqeqat mein aik strong aur bahut hi alag c ho.
mujhy pata hy tum zindagi mein kin kin mushkalat se guzri ho.

mera aik sawal ye hy k ...

agar tumein khud se dobara anpni zindagi guzarny aur re-arrange karny ka chance dia jaey tu tum apni zindagi ko kaisy, kin k sath aur kis tareqy se guzaro gi...???

Ainny pahle ap inn k Qus ka rply kr do

fr mai ne b ppochne hain

Originally Posted by 5115468

mera aik sawal ye hy k ...

agar tumein khud se dobara anpni zindagi guzarny aur re-arrange karny ka chance dia jaey tu tum apni zindagi ko kaisy, kin k sath aur kis tareqy se guzaro gi...???

Sach kahon to pichly sare Questions mujhe bht aasan lagy lekin iss ka answer dainy k liye mujhe bht sochna parah....kyon k kahi aisi cheezen hain jo mai apni life mai change karna chahti hoon lekin agar baat ek ki ki jaye to agar mujhe chance mile to mai kabhi bhi dobara chooti umer mai shadi nahi karon gi...jab ek larki ki shadi hoti hai na to uss ka kahi logon se rishta jurh jata hai aur har rishte ki uss se kuch expectations hoti hain...ek saas apni bahu ko perfect dekhna chahti hai...ek shohar ko apni biwi perfect chahiye jo sirf aur sirf ussi k bary mai soche jis k liye apni khwahishat se barh kar shohar ki khushi ho...maa baap bhi apni beti se ye tawaqoo karne lagte hain k ye koi aisa kaam nahi kary gi jis se un ki tarbiyat par unglii utthy ...apni apni expectation mai sab ye bhool jate hain k larki ki umer chooti hai shadi k baad ek 15 saal ki bachi se 30 saal ki Ouraat k kaam karne ki tawaqoo ki jatti hai...aise mai kuch to manage kar laiti hain aur kuch har kisi ko khush karne k chakkar mai appne app ko bhola daiti hain...maine bhi sab ko to shayad khush kar diya hai lekin mai khud kitna toot chukki hoon iss ka koi andaza bhi nahi laga sakta ....but any ways abb to aadat si hai mujh ko aise jeene mai....abb maine chooti cotti baton mai khushiyan dhoondna seekh liya hai ..abb maine dil mai hazaroon dukh hote hoye bhi ar dam hasna aur dosron ko hansana seekh liya hai...lekin agar phir bhi mujhe dobara chance mila to mai pahle ki tarhan daarpook nahi rahon gi...mai dosron ki khushiyon k liye apni zaat nahi mitaon gi....mai kabhi bhi kisi bhi aise insaan se shadi nahi karon gi jo meri Rooh ko na cho paye..mai apni zindagi apne andaaz mai Bindass jiyon gi...lekin life mai 2nd chance nahi mila karte na!!!

hmmm, thank you so much ainny.
chalo acha hua k mery is sawal ki waja se tumein kuch sochna tu para worna tu saray kam tum dil se karti ho.
aur tum ne bahut acha aur khobsurat jawab dia hy aur mein tum se agree karta hon k choti umar mein shadi nai honi chaheay.
Allah tumein bahut sari khushiyan day. Ameen...!!!

Ainny Dear aap ne Kafi deep Anwer diya hai

ALLAH pak aap ko khush rakhy