1) Aap ka Full name kiya hai aur kis ne rakha tha ??
2) Aap ki date of birth with place of birth ?
3) Qualification kitni hai aur future plans kiya hain ?
4) Ghar mei kitnay afraad hain aur aap un mei kis number pe hain ? aur aap ki kis se sab se ziayaada dosti hai ?
5) Abu se ziayaada attach hai ya ammi se ?? agar abu se hain tu kyon hain un ki kuon si baat pasand hai same question if ur answer is mother too ...
6) Agar aap ko name change karnay ka kaha jaaye tu kiya rakho gay?? aur nick change karnay ka kahaa jaaye tu kiya rakho gay aur Mf par aap ka fav nick kuon sa hai??
7) Bachpan mei aap keisay thei means ke sharaarti thei ya sanjeeda aur koye yaad gaar wakiyaa sunaao bachpan ka...
8) Koye esii baat jis ka aaj tak pachtaawa ho?? if hai tu bataana chaahoo tu zaroor bataanaa wo baat .
9) Love marriage karo gay ya arrange marriage ?? aur kis marriage k haq mei ho ..i mean to say k aap k mutabik kuon si marriage kamyaab hoti hai..Shaadi k kab tak iraaday hain
10) Ideal banaaya hai about ur life partner if yes to explain it
11) Koye esaa doost jis ke bagair aap khud ko adhoora samajhtay hoon??
12) Jab udaas ya preshaan hotay ho tu kiya kartay ho aur jab khush hotay ho tu kiya kartay ho ?
13) Koye esi khuwaahish jo poori na hui ho ab tak ?? aur whts ur aim in life ...
14) Larkiyoon ki kuon si esi baat hai jo aap ko achi lagti hai aur kuon si buri .... tell 3 qualities and 3 worst qualities of girls
15) Apni zindagi ka khush gawaar waakiya batau aur na khush gawaar bhii..aur ye bhi bataana k kab paish aaye thei i mean kis age mei ..
16) Agar aap ko desert mei bheij diya jaaye aur kaha jaaye ke siraf aik banday ko le jaa saktay ho saath tu aap kisay le jaana chaahoo gay ??
17) MF ka kis ne bataaya tha aur aap keisa feel kartay ho MF gupshup pe aakar ??
18) MF pe sab se pehla frnd kuon bana tha ?MF ke kis member se milnay ka dil chaahta hai ?
19) MF ke kis member se nahi banti ?? aur kyon ? aur kis kis se achi frndship hai ?
20) Agar aap ko MF se 1 week k liye ban kar diya jaaye tu whts ur feelings ??
21) Agar aap ko koye jin mil jaaye aur aap se kahay ke 3 wishes kar saktay ho tu aap kiya wishes karo gay ?
22) Ager aap ko kisi dosri country jaanay ka mooka milay tu aap jaana pasand karo gay?? aur aap kis kis countries ko deikhna chaahtay ho?
23) Koye fav movie batau with actor and actoress and song... aur kyon pasand aaye ??
24) Agar aap ko aik din ka prime minister bana diya jaaye tu kuon say 3 kaam karna pasand karo gay ?
25) Agar aap ka 100000 inaam lag jaaye tu aap in paiso ka kiya karo gay ?
26) Koye khuwaab jo sach saabit huwa ho ?? bataana chaahain tu zaroor bataayeye ga.
27) Islam se kis had tak lagaao hai?
28.Interview deina keisaa lag raha hai aur ye segment keisaa lagta hai ?
29.Ab tak jitnay question poochay us mei sab se mushkil kuon sa laga ?
30.Koye baat jo aap MF members se kehna chaahtay hoon ? ya any message ?
BeST Of LucK[Only registered and activated users can see links. ]
Note : Members please aese questions na pochien jis se Koi hurt hon !
THANKS
REGARDS ~SmilingDoll~
Last edited by ~SmilingDoll~; 20-07-2009 at 12:19 PM.
Bikney Waly Aur Hein Ja Kar Khareed Lo, Hum Log Qeemat Se Nhn Qismat Se Mila Karty Hein.
1) Aap ka Full name kiya hai aur kis ne rakha tha ?? Hasanin Raza Khan, abu ne rakha tha. ham sub behn bhaiyon k nam abu ne hi rakhy thay. 2) Aap ki date of birth with place of birth ? 28 sep. Lilla (Jhelum, Punjab) 3) Qualification kitni hai aur future plans kiya hain ? abi B.A k parperz deay hain. mobile hardware software ka course kia hay, aik professional course kia hay. aur future ye k ab to futur ban'na tha bun chuka. i m at a orginazatioin since 8 yrs. 4) Ghar mei kitnay afraad hain aur aap un mei kis number pe hain ? aur aap ki kis se sab se ziayaada dosti hai ? ghar mein ham Masha Allah se joint family rehty hain. ham 15 log hain, me+my family(4 persons), my two bro+family (7 persons), ammi abu, 2 (unmarried) brothers and 1 sister. aur dosti ziyada meri sister se hay, balke us ki sub se ziyada dosti mujh se hay. 5) Abu se ziayaada attach hai ya ammi se ?? agar abu se hain tu kyon hain un ki kuon si baat pasand hai same question if ur answer is mother too ... abu se ziyada hon, kisi had tak abu se dosti b hay. pata nai q ziyada attach hon. un ki bahut c batein pasand hain. i.e he is poet, muqarrar hain, hakeem hain. hamdard hain sub k. caring hain sub k leay. ham aik jaga abu log 3 bhai (aur un ki familiez b) mil k rehty hain to sub se alag alag ja k khariyat pochty rehty hain. 6) Agar aap ko name change karnay ka kaha jaaye tu kiya rakho gay?? aur nick change karnay ka kahaa jaaye tu kiya rakho gay aur Mf par aap ka fav nick kuon sa hai?? mein phir b apna name Hasnain aur nick Hassan/Raza/Nain hi rakhon ga aur mf pe bahut se favorite nik hain like muskurahat, khamosh, nado etc. 7) Bachpan mei aap keisay thei means ke sharaarti thei ya sanjeeda aur koye yaad gaar wakiyaa sunaao bachpan ka... g bilkul shararti nai tha. bahut masoom aur bhola bhala tha, abu ne mujhy school late admission karwaya k ye masoom sa hay, kaisy school jaey ga. bahut se waqeyat hain, aik ye hay k ... aik dafa ami ghar ki safaiyan kar rahi thien, sara saman bikhra para tha, us mein aik abu ka hand bag para tha, mein ne wo utha k khola k us mein se koi kam ki chez mil jeay (paisy wagera). laikan us k andar aik blade without wraper k para tha, jab mein ne andar hath dala to mera hat us blad se cut gia . ami pas hi khari thein, but mein ne ami ko nai bataya mein apni choti c cycle lay k abu k pas shop pe chala gia aur un ko ja k hath dikhaya. 8) Koye esii baat jis ka aaj tak pachtaawa ho?? if hai tu bataana chaahoo tu zaroor bataanaa wo baat . mery abu mujhy yad nai k bachpan mein ya ab b kabi bahut ziyada gussa hoay hon aur mein b apny sub behn bhaiyon mein apny parents k obedient hon. abu agar kabi gussa hon b mujhy nai yad k mein ne aj tak kabi un se nazar b mila k narazgi ka izhar kia ho. aik dafa.... abu ami ki larai ho rahi thi tu us waqt mein ne bahut gussy mein abu ki taraf dekh k kuch kaha tha, wo lamha meri zindagi ka sub se bara pichtawa hay k mein ne aisa q kia tha. mein ne abu se sorry to nai ki thi ba'ad mein but.. aj tak wo bat mery dil mein bethi hay aur mein soch soch k kurhta rehta hon. es k elawa koi life mein aisi bat nai jis pe pichtawa ho. 9) Love marriage karo gay ya arrange marriage ?? aur kis marriage k haq mei ho ..i mean to say k aap k mutabik kuon si marriage kamyaab hoti hai..Shaadi k kab tak iraaday hain wo ho chuki hay, arrange hi hoi thi aur usi k haq mein hon. 10) Ideal banaaya hai about ur life partner if yes to explain it mein bahut realistic hon g. 11) Koye esaa doost jis ke bagair aap khud ko adhoora samajhtay hoon?? dost k beghair banda adhora hi hota hay. 12) Jab udaas ya preshaan hotay ho tu kiya kartay ho aur jab khush hotay ho tu kiya kartay ho ? udasi yar preshani mein bilkul khamosh ho jata hon, kisi se bat nai karta. aur jub khush hota hon to kuch khas nai karta bus body language se pata chal jata hay. 13) Koye esi khuwaahish jo poori na hui ho ab tak ?? aur whts ur aim in life ... khawashien ziyada palta nai hon. aur aim ab apni zat k hawaly se to nia hay. ab to apny kidz k hawalay se hi hay. 14) Larkiyoon ki kuon si esi baat hai jo aap ko achi lagti hai aur kuon si buri .... tell 3 qualities and 3 worst qualities of girls 3 qualities... 1. wo dil se mohabbat karti hay, (agar kar lay to...) 2. wo agar beti ho to hamesha beti hi rehti hay, chahy wo maan hi q na ban jaey. 3. mard ki life ko mukamal banati hay.
3 worst qualities... 1. kahein jana ho to der se tiyar hona. 2. duniya mein chahy aag lagi ho in ko apni shoping, kapron aru jewellery ki pari hoti hay.. 3. male jo kuch kehna chahy us ko bat ko theik tarah se get na karna.
15) Apni zindagi ka khush gawaar waakiya batau aur na khush gawaar bhii..aur ye bhi bataana k kab paish aaye thei i mean kis age mei .. khush gawar to ye hi hay k jub meri beti is duniya mein aey thi, now she is 3yr old. na khush gawar waisy to ye bahut hi close frnd se share karny wala hay but mein thora sa bata don k.... mujhy meri life mein aik bandy ne chhor dia tha. is waqea ne mujhy udas to nai kia but... zahri tour pe ye na khush gawar hi tha. laikan mein is ko b ziyada na khush gwara nai kehta q k is ki buniyad pe meri zindagi mein aik bahut hi positive aur khushgawar tabdeli aey thi. 16) Agar aap ko desert mei bheij diya jaaye aur kaha jaaye ke siraf aik banday ko le jaa saktay ho saath tu aap kisay le jaana chaahoo gay ?? mein chonke aik mushkal ki taraf ja raha hon ga is leay kisi apny piyary bandy ko to nai lay jaon ga han kisi aisy bandy ko lay jaon ga jo baq logon k leay taklef ka ba'es ho ga. take baqi log aaram se reh sakein. 17) MF ka kis ne bataaya tha aur aap keisa feel kartay ho MF gupshup pe aakar ?? bus khud hi dhonda tha search karty hoay. aur is k beghair to din nai guzarta. SD aur Nado ko pata hay k is k beghair mera din kaisa guzarta hay, jub kuch din mein nai aa saka tha forum pe. is k beghair bahut hi bor guzarta hay din. 18) MF pe sab se pehla frnd kuon bana tha ?MF ke kis member se milnay ka dil chaahta hai ? sub se pehly mus frnd bani thi. aur... mus, khamosh, sami, chandu, aadi aur nado se milny ko dil karta hay. 19) MF ke kis member se nahi banti ?? aur kyon ? aur kis kis se achi frndship hai ? 2,3 log hain juns se nai banti mein un ka name nai lena chahta aur 1 se to is leay nia banti hay k koi personal reason to nai hay bus forum k hawaly se rulz and regulation k hawaly se ikhtilaf hay. aur 2 k sath kuch personal reasons hain. achi frndship to.... nado aur khamosh se hay, in k sath sath mus, sami, chandu aur aadi k beghair b nai reh sakta, ye log b mery achy frnd hain.
20) Agar aap ko MF se 1 week k liye ban kar diya jaaye tu whts ur feelings ?? in feelings ka dosra name ye ho ga k ap mery sans band kar dein.... 21) Agar aap ko koye jin mil jaaye aur aap se kahay ke 3 wishes kar saktay ho tu aap kiya wishes karo gay ? 1. pakistan ko jannat ka tukra bana day. 2. mery saray reletives ki jaez wishes pori kar day. 3. meri sister aur meri kidz ka future bahut hi bright ho. 22) Ager aap ko kisi dosri country jaanay ka mooka milay tu aap jaana pasand karo gay?? aur aap kis kis countries ko deikhna chaahtay ho? Jana to Dubai chahon ga, aru waisy India dekhny ka shoq hay. 23) Koye fav movie batau with actor and actoress and song... aur kyon pasand aaye ?? tery naam... salman ka style pasand aya tha aur actoress b cute thi. us k saongs to sary achy hain. 24) Agar aap ko aik din ka prime minister bana diya jaaye tu kuon say 3 kaam karna pasand karo gay ? 1. students aur working women k leay transport ka arrang karon ga jo students k leay free ho gi. 2. rozgar k mawaqey paida karon ga, factories aur millz banwa k. 3. government ki har qism ki fazool kharchiyan khatm kar don ga. 25) Agar aap ka 100000 inaam lag jaaye tu aap in paiso ka kiya karo gay ? sub se pehly apny zarorat mand reletives ko zarortein pori karon ga. parents ko hajj zahir hay karwaon ga. aur... apni mrs ko acha sa house banwa k don ga. (ghar is leay nai kaha q k ghar dilon se banty hain, dewaron se nai) 26) Koye khuwaab jo sach saabit huwa ho ?? bataana chaahain tu zaroor bataayeye ga. ye neend wala khawab to nia hay. but bachpan mein mujhy bike chalany ka itna shoq tha k bus, aur mein sochta tha k kia mein b kabi bike chalan sekh sakon ga.? phir jub meri beti paida hoi to us se 3 din pehly mein ne apna bike purchase kia tha. 27) Islam se kis had tak lagaao hai? namaz to nia parhta, rozy rakhta hon. laikan is se hatt k islam ne jo insan k hawaly se bandy pe jo faraez rakhy hain un ki care karta hon, logon ki help karta hon, kisi ko dhoka nai deta, kisi se larai nai karta. apna haq chor deta hon, kisi k sath jhot nai bolta etc. 28.Interview deina keisaa lag raha hai aur ye segment keisaa lagta hai ? acha hay k log meri posetive aur negetive batein jan laein gay. acha segment hay. 29.Ab tak jitnay question poochay us mei sab se mushkil kuon sa laga ? koi khas to nai bus khush gawar aur na khush gawar pe ziyada sochna para. 30.Koye baat jo aap MF members se kehna chaahtay hoon ? ya any message ? bus ye k apni appearance aur posting se ziyada se ziyada se forum ko active aur popular karien. aur jo kuch memberz sirf visit kar k chalay jaty hain un se kehna chahon ga k... plzz posts b kia karein...!!!
mein ne socha ap k sath apni childhood ki pic b share ki jaey... ; ; ; ; ; ; ; ; ; ; ; ; ; ; ; ; ; [Only registered and activated users can see links. ]
ur fav day time after 5 O'clock, jub mujhy office k ba'ad rest krny ka time milta hay.
ur fav city Islamabad (q k is shehr ne meri life mein bahut tabdeliyan lai hain )
ur fav MF member samaffu
ur fav thread here thread to roz nai banty rehty hain, waisy current mein se attendance wala fav hay.
n which word u mostly say thank you & sorry
wats ur habbit which is u hate susti.
wats ur habbit which is u like to say sorry & thanks
wat is ur views about life ye kia poch lia nado, bahut thaka deny wala kam hay, pul sirat pe chalna hay qasam se. aur muslim ki zindagi to aur b tuff hoti hay. ye aik bahut bari haqeqat hay ya dhoka hay, q k bari haqeqat to is k ba'ad hay to phir ye kia hay? kuch samajh nai ata? life to bus dosron ko dena hi dena aur duties ada karna hain, return to yahan nai mily ga, life to aik aisi zameen hay jahan ham apny hisy ki fasal bo rahy hain aur is k ba'ad katein gay. kabi kabi ehsas hota hay k ye life itni choti hay k bus, banda sochta hay itni c life mein ham kia karein. jub kuch karny k qabil hoty hain to life khatm hony ki taraf ja rahi hoti hay. khuda k kamon ko woi samjhy bus...!!!
ur fav day time after 5 O'clock, jub mujhy office k ba'ad rest krny ka time milta hay.
ur fav city Islamabad (q k is shehr ne meri life mein bahut tabdeliyan lai hain )
ur fav MF member samaffu
ur fav thread here thread to roz nai banty rehty hain, waisy current mein se attendance wala fav hay.
n which word u mostly say thank you & sorry
wats ur habbit which is u hate susti.
wats ur habbit which is u like to say sorry & thanks
wat is ur views about life ye kia poch lia nado, bahut thaka deny wala kam hay, pul sirat pe chalna hay qasam se. aur muslim ki zindagi to aur b tuff hoti hay. ye aik bahut bari haqeqat hay ya dhoka hay, q k bari haqeqat to is k ba'ad hay to phir ye kia hay? kuch samajh nai ata? life to bus dosron ko dena hi dena aur duties ada karna hain, return to yahan nai mily ga, life to aik aisi zameen hay jahan ham apny hisy ki fasal bo rahy hain aur is k ba'ad katein gay. kabi kabi ehsas hota hay k ye life itni choti hay k bus, banda sochta hay itni c life mein ham kia karein. jub kuch karny k qabil hoty hain to life khatm hony ki taraf ja rahi hoti hay. khuda k kamon ko woi samjhy bus...!!!
thankyou sooooooo much hussnain really me ap ka interview kr k buhat maza aya ap buhat achi baten krte hain
1) Tumhe kaise sawal pasand hai ???? mujhy har qism k sawal achy lagty hain. 2) Sawal kitne ya kis hadd tak kiye jaye tho ache lagte hai?? ap kisi k baray mein jan'ny k leay beshak be-intiha sawal kar lein but kisi ko agar preshan karna hay to phir aik sawal b na karein. 3) Sawal na ho tho tumhe kaisa lagega ??? mujhy bura lagay k kisi ko meri zaat mein interest nai hay. 4) Most imp......sawal kyu hone chahiye ?? sawal is leay hony chahein k jawab deny waly ki personality k baray mein jan sakein.
ab to tum socho gay k mein tum se b ziyada samart hon.... hay na???
LinkBack URL
About LinkBacks
.:. Interview Of Husnain .:.
H A S N A I N
Reply With Quote
.
Ek Larki Uljhi Suljhi si
Originally Posted by Khamosh awaz 
Bookmarks