Thread: The world of Mohsin Naqvi

Hey all ,

Lets share the poetry of mohsin naqvi here !!

Haseen Lagta Thaa Hum Ne Jinn Dinno Mein Uss Ko Dekha Thaa
Basanti Mausmon Beegti Ruton Mein Uss Ko Dekha Thaa

Ussi Ke Aks Ne Aankhain Khumar-e-Khawab Se Bhar Dein
Chamakte Chaand Jaise Aainon Mein Uss Ko Dekha Thaa

Jisse Abb Rait Ke Kache Gharondon Se Muhabbat Hai
Samandar Ke Sunehre Paniyon Mein Uss Ko Dekha Thaa

Jo Tanhai Kii Chaadar Ohrr Ke Sota Hai Raston Mein
Kabhi Iss Shehar Kii Sabb Mehflon Mein Uss Ko Dekha Thaa

Bagolon Ko Pehan Ke Abb Jo Sehra Mein Bhatkta Hai
Gulabo Yasmin Ke Janglon Mein Uss Ko Dekha Thaa

Jo Apne Qarya-e-Dil Kii Udaasi Se Behalta Hai
Ghataon Se Ghiri Gum Bastiyon Mein Uss Ko Dekha Thaa

Zaroot Hai Jisse Abb Dhoop Ka Ujla Kafan Mohsin`
Badan Par Barf Ohre Parbaton Mein Uss Ko Dekha Thaa

Resham Zulfon Neelam Aankhon Wale Ache Lagte Hain
Main Shair Hoon Mujh Ko Ujle Chehre Ache Lagte Hain

Tum Khud Soocho Aadhi Raat Ko Thande Chaand Kii Chaaon Mein
Tanha Raahon Par Hum Dono(n) Kitne Ache Lagte Hain

Aakhir Aakhir Sache Kaul Bhii Chubhte Hain Dil Walon Ko
Pehle Pehle Payar Ke Jhoote Vaade Ache Lagte Hain

Kaali Raat Mein Jagmag Karte Taare Kaun Bhujata Hai
Iss Dulhan Ko Yeh Moti Yeh Gehne Ache Lagte Hain

Jab Se Woh Pardes Gaya Hai Shehar Kii Raunaq Rooth Gaee
Abb Tau Apne Ghar Ke Band Dareeche Ache Lagte Hain

Kal Uss Roothe Roothe Yaar Ko Dekha Tau Mehsoos Hoa
Mohsin` Ujle Jism Pe Maile Kapre Ache Lagte Hain

Woh Bhee Kya Din The Ke Umer Bhar Kii Chahatain
Kar Diya Kartay The Hum Aik Harjaii Key Naam

Woh Bhee Kya Mausam The Jin Kii Nikhaton Ke Zaiqe
Likh Diya Kartay The Khal Khud Kii Raanaii Ke Naam

Woh Bhii Kya Subhain Thein Jin Kii Muskurahat Ka Fasoon
Waqf Thaa Ehl-e-Bazn Kii Raanaii Ke Naam

Woh Bhii Kya Shaamain Thein Jin Kii Shohratain Mansoob Thein
Besabab Khulte Hoey Baalon Kii Ruswaii Ke Naam

Abb Ke Woh Rutt Hai Ke Harr Taaza Qayamatt Ka Azaab
Apne Dil Mein Jaagte Zakhmon Kii Gehraii Ke Naam

Abb Ke Apne Aansuoon Ke Sabb Shakista Aaiine
Kuch Zamane Ke Liye Kuch Apni Tanhai Ke Naam

Khud Apne Dil Mein Kharashain Utaarna Hon Gii
Abhi Tau Jaag Ke Raatain Guzaarna Hon Gii

Tere Liye Mujhe Hans Hans Ke Bolna Ho Ga
Mere Liye Tujhe Zulfain Sanwarna Hon Gii

Teri Sada Se TujHii Ko Taraashna Ho Ga
Hawa Kii Chaap Se Shaklain Ubhaarnna Hon Gii

Abhi Tau Teri Tabiyatt Kau Jeetne Ke Liye
Dil o Nigah Kii Shartain Bhee Haarna Hon Gii

Tere Wisaal Kii Khawaish Ke Tezz Rangon Se
Tere Firaq Kii Subhain Nikhaarna Hon Gii

Yeh Shairi Yeh Kitaabain Yeh Aayatain Dil Kii
Nishaniyaan Yeh Sabhii Tujj Pe Waarna Hon Gii

Kabhi Yaad Aao Tau Iss Tarha
Keh Lahoo Ki Saari Tamazatein
Tumhey Dhoop Dhoop Samait Lain
Tumhey Rang Rang Nikhar Dein
Tumhey Harf Harf Mein Soch Lain
Tumhey Dekhnay Ka Jo Shauq Ho
Tu Dyar-e-Hijr Ki Teergi
Koh Michgaa'n Say Noch Lain!!

Kabhi Yaad Aao Tau Is Tarha
Kay Dil-O-Nazar Mein Uter Sako
Kabhi Had Say Habs-e-Junoo Barhey
Tau Hawas Ban Kay Bikher Sako
Kabhi Khul Sako Shab-e-Wasal Mein
Kabhi Khoon-e-Dil Mein Sanwar Sako
Sarr-e-Rahguzar Jo Milo-------Kabhi
Na Theher Sako-------Na Guzar Sako!

Mera Dard Phir Say Ghazal Buney
Kabhi Gungunao Tau Iss Tarha
Merey Saarey Zakhm Phir Say Gulaab Hon
Kabhi Muskurao Tau Iss Tarha
Meri Dharkanein Bhi Larzz Uthein
Kabhi Chot Kaho Tau Iss Tarha

Jo Nahi Tu Phir Barey Shauq Say
Sabhi Raabtye Sabhi Zaabtey
Kabhi Dhoop Chaoon Main Tor Do
Na Shikast-e-Dil Ka Sitam Saho
Na Suno Kissi Ka Aazab-e-Jaan
Na Kisi Say Apni Khalish Kaho
Yuhni Khush Phiro Yunhi Khush Raho'

Na Ujar Sakein Na Sanwar Sakein
Kabhi Dik Dukhao Tau Iss Tarha
Na Simat Sakein Na Bikher Sakein
Kabhi Bhool Jao Tau Iss Tarha
Kisi Taur Jaa'n Say Guzar Sakein
Kabhi Yaad Aao Tau Iss Tarha............

Tere Milne Ka Ikk Lamha
Buss Ikk Lamha Sahi------------- Lakin
Bikhar Jaey Tau Mausam Hai
Wafa Ka Bekiraan Mausam!
Azal Se Mehrban Mausam!
Yeh Mausam Aankh Mein Utre
Tau Rangon Dehaktii Roshni Ka
Aks Kehlaey!!
Yeh Mausam Dil Mein Tehre Tau
Sunehri, Sochti Sadiyon Ka
Gehra Naqsh Bann Jaey!!

Tere Milne Ka Ikk Lamha----------------
Muqaddarr Kii Lakiron Mein
Dhanak Bharne Ka Mausam Hai!

Yeh Mausam Khoosurat Shairi Kerne Ka Mausam Hai!!!

Bharkayen Meri Piyaas Ko Aksar Teri Aankhain
Sehra Mera Chehra Hai Samander Teri Aankhain

Phir Kaun Bhala Daad-e-Tabassum Unhein De Ga
Rooyen Gi Buhat Mujh Se Bicher Ker Teri Aankhain

Bojhal Nazar Aati Hain Bazahir Mujhe Laikin
Khulti Hein Buhat Dil Mein Utar Ker Teri Aankhain

Abb Tak Meri Yadoon Se Mitaye Nahi Mit'ta
Bheegi Hui Ikk Sham Ka Manzar, Teri Aankhain

Mumkin Ho To Ik Taza Ghazal Aur Bhi Keh Loon
Phir Aurrh Na Lein Khuab Ki Chader Teri Aankhain

Yun Dekhtey Rehna Ussay Achaa Nahi Mohsin`
Woh Kaanch Ka Paiker Hey To Pather Teri Aankhain!!

Baatain Teri Ilhaam Hain, Jaadu Teri Awaaz
Ragg Ragg Mein Utarti Hoee Kushboo Teri Awaaz

Behte Chale Jaate Hain Teh-e-Aab Sitaare
Jaise Kahin Utri Ho Lab-e-juu Teri Awaaz

Paband-e-Shab-e-Kunj-e-Kafas Main, Mera Ehsaas
Umeed Kii Dhundli Sii Kiran Tu, Teri Awaaz

Main Shaam-e-Gharibaan Kii Udaasi Ka Musafirr
Sehraon Mein Jaise Koi Jugnuu Teri Awaaz

Lafzon Mein Chupaey Hoey Berabtt Dilase
Chuntii Rahi Shabb Bhar Mere Aansuu Teri Awaaz

Buss Aik Mere Shauk Kii Taskiin Kii Khatir
Kya Kya Na Badalti Rahi Pehlu Teri Awaaz

Yeh Hijr Kii Shabb Bheeg Chali Hai Keh Mere Baad
Roti Hai Kahin Khol Ke Gaisuu Teri Awaaz

Dekhoon Tau Wohi Main, Wohi Chup Chaap Dar O Baam
Sochoon Tar Herr Ikk Suu Bikhar Jaey Teri Awaaz

Mohsin` Ke Ghayalon Mein Uterti Hai Sar-e-Shaam
Rim Jhim Kii Tarha Bhaand Ke Gungruu Teri Awaaz

Tu Mera Naam Na Poocha Ker!
Main Teri Zaat Ka Hissa Hoon
Main Teri Soch Main Shamil Hoon
Main Teri Neend Ka Qissa Hoon
Main Tery Khawab Ka Haasil Hoon
Main Teri Yaad Ka Mehver Hoon
Main Teri Saans Ka Jhonka Hoon
Tu Manzar,Main Pas-Manzar Hoon
Main Lamha Hoon,Main Jazba Hoon
Jazby Ka Koi Naam Nahi..
Tu Mera Naam Na Poocha Ker!!!!

Kahaan Tha Itna Azaab Aashna Mera Chehra ?
Jale Charaag Tau Bujhne Laga Mera Chehra !

Woh Tere Hijar Ke Din Wo Safeer Sadyoon Ke
Tu Unn Dinoon Men Kabhi Dekhta Mera Chehra

Judaiyyon Ke Safar Mein Rahe Hain Saath Sada
Teri Talaash, Zamaaney, Hawaa, Mera Chehra

Mere Siwaa Koi Itnaa Udaas Bhi Tau Naa Thaa
Khizaan Ke Chaand Ko Accha Laga Mera Chehra

Kitaab Khool Rahaa Thaa Woh Apney Maazi Ki
Waraq Waraq Pe Bikhartaa Gayaa Mera Chehra

Sehar Ke Noor Se Dhulti Hoi Teri Aankheen
Safar Ki Gard Men Lipta Huwa Mera Chehraa

Hawa Ka Aakhri Bousa Tha Ya Qayamat Thi ?
Badan Ki Shakh Se Phir Gir Para Mera Chehra

Jisse Bujhaa Ke Hawaa Sogawaar Phirti Hai
Woh Sham-e-Shaam-e-Safar Thii Ke Thaa Mera Chehra

Yeh Loog Kion Mujhe Pehchantay Nahi Mohsin`
Main Souchta Hoon Kahaan Reh Gaya Mera Chehra

Maine Iss Taur Se Chaha Tujhe Aksar Jaana!
Jaise Mehtaab Ko Beantt Samandar Chahay
Jaise Suraj Ki Kiran Seep Ke Dil Mein Utray
Jaise Kushbuu Ko Hawa Rang Se Hatt Kar Chahay

Jaise Pathar Ke Kalaije Se Kiran Poothtii Hai
Jaise Gunche Khile Mausam Se Hina Mangte Hain
Jaise Khawabon Mein Khayalon Ki Kaman Toot.Tii Hai
Jaise Bearish Kii Dua Ablaapaa Mangte Hain

Khawahish-E-Deed Ka Mausam Kabhi Dhundla Jo Howa
Noch Daalii Hain Zamane Kii Naqabain Maine
Teri Palkon Pe Utertii Huii Su Ke Liye
Torr Dalii Hain Sitaaron Kii Tanabain Maine

Mera Herr Khawab Mere Sach Kii Gawahi De Ga
Wusatt-E-Deed Ne Tujh Se Teri Khawhish Kii Hai
Meri Sochon Mein Kabhi Daikh Sarapa Apna
Maine Dunya Se Alag Terii Parastish Kii Hai

Te Tau Yeh Paaya Thaa Sajataa Rahe Lafzon Ke Kanwal
Mere Khamosh Khayalon Mein Takalum Tera
Raqs Karta Rahe, Bharta Rahe Kushbuu Ka Khumaar
Meri Khawhish Ke Jazeeron Mein Tabassum Tera

Tu Magar Ajnabi Mahol Kii Parwarda Kiran
Meri Bhujti Huii Raaton Ko Sahar Kar Na Saki
Teri Aankhon Mein Masihaii Thii Laikin Tuu Bhii
Chaara-E-Zakhm-E-Gham-E-Deeda-E-Tarr Kar Na Saki

Tujh Ko Ehsaas Hii Kabb Hai Ke Kissi Dard Ka Daagh
Aaankh Se Dil Mein Uter Jaey Tau Kya Hota Hai
Tu Ke Simaab Tabiyat Hai Tujhe Kya Maloom
Mausam-E-Hijrr Tehar Jaey Tau Kya Hota Hai!!!

Tune Uss Mor Pe Tora Hai Talluk Ke Jahan
Dekh Sakta Nahi Koi Bhee Palat Kar Jaana
Abb Yeh Aalam Hai Keh Aankhain Jo Khulain Kii Apni
Yaad Aaey Ga Teri Deed Ka Manzar Jaana
Mujh Se Maange Gat mere Ehad-e-Mohabbat Ka Hisaab
Tere Hijran Ka Dehakta Hua Mehshar Jaana
Yunn Mere Dil Ke Baraber Tera Ghum Aaya Hai
Jaise Sheeshe Ke Muqabil Koi Pathar Jaana
Jaise Mehtaab Ko Beannt Samandar Chahay
Maine Iss Taur Se Chaha Tujhe Aksar Jaana

Abb Ke Uss Ki Aankhon Mein
Besabab Udaasi Thi
Abb Ke Uss Ke Chehray Per
Dukh Tha...Behawasi Thi

Abb Ke Yun Mila Mujh Se
Yun Ghazal Suni...Jese
Mein Bhi Na_Shanasa Hoon
Wo Bhi Ajnabi Jaise

Zard Khaal O Khad Uss Ke
Sogawar Daman Tha
Abh Ke Uss Ke Lahjay Mein
Kitna Khurdara Pan Tha

Wos Ke Umer Bhar Jiss Ne
Shahr Bhar Ke Loogon Mein
Mujh Ko Hum Sukhan Jana
Khud Se Mehrban Samjha
Mujh Ko "Dilruba" Likha

Abb Ke Sada Kaghaz Per
Surkh Roshnai Se
Uss Ne Talkh Lahjay Mein
Mere Naam Se Pehle!
Sirf "Bewafa" Likha

Safar Tanha Nahi Kartay.....
Suno! Aisa Nahi Kartay.....
Jissay Shaffaf Rakhna Ho.....
Ussay Maila Nahi Kartay.....
Teri Aankhain Ijazat Dain.....
Tau Hum Kya Kya Nahi Kartay.....
Bohat Ujday Huay Ghar Per.....
Bohat Socha Nahi Kartay.....
Safar Jiss Ka Mukaddar Ho.....
Ussay Roka Nahi Kartay.....
Jo Mil Ker Khud Se Kho Jaey.....
Ussay Rusva Nahi Kartay.....
Chalo Tum Raaz Ho Apna.....
Tumhain Afshan Nahi Kartay.....
Yeh Oonchay Paid Kaise Hain.....
Kahin Saya Nahi Kartay.....
Jo Dhun Ho Kar Guzarne Ki.....
To Phir Socha Nahi Kartay.....
Kabhi Hansne Se Dartay Hain.....
Kabhi Roya Nahi Karte.....
Seher Se Pooch Lo Mohsin.....
Ke Hum Soya Nahi Karte....

Zikr-e-Shab-e-Firaq Se Wehshat Ussay Bhi Thi
Meri Tarah Kissi Se Muhabbat Ussay Bhi Thi..

Mujhko Bhi Shouq Tha Naye Chehroon Ki Deed Ka
Rasta Badal K Chalne Ki Aadat Ussay Bhi Thi..

Uss Raat Der Tak Woh Raha Mehv-e-GuftaGu
Masroof Mein Bhi Kamm Tha Faragat Ussay Bhi Thi..

Sunata Tha Woh Bhi Subse Purani Kahaniyan
Taaza Rafaqatoon Ki Zaroorat Ussay Bhi Thi..

Mujh Se Bichar Ke Shehar Mein Ghul Mil Gaya Woh Shaks
Halankay Shehar Bhar Se Adavatt Ussay Bhi Thi..

Woh Mujh Se Barh Ke Zabt Ka Aadi Tha Jii Geyya
Warna Har Aik Saans Qayamat Ussay Bhi Thi..

Nai Tarhan Se Nibhane Ki Dil Nay Thaani Hai
Wagarna Uss Se Muhabbat Bari Purani Hai

Khuda Woh Din Na Dikhaye Kay Main Kissi Se Suno
Kay Tu Nay Bhee Gham-E-Duniyaa Se Haar Maani Hai

Zameen Par Reh Kar Sitare Shikaar Karte Hain
Mizaj Ahl-E-Muhabbat Ka Aasmani Hai.....!!!

Humien Aziz Ho Naa Kionkar Shaam-E-Gham Kay Yehi
Bicharne Walay,Teri Aakhri Nishani Hai

Uttar Paray Ho Tau Daryaa Se Poochna Kaisa?
Kay Saahilon Se Udhar Kitna Tez Paani Hai

Bohat Dino Mien Teri Yaad Aorh Kar Utri
Yeh Shaam Kitni Sunehri ,Kaya Suhani Hai

Main Kitni Der Usse Sochta Rahoon Mohsin
Kay Jaise Uss Ka Badan Bhee Koi Kahani Hai......

Shakal Iss Ki Thi Dilbaro Jaisi,
Khoo Thi Lakin Sitamgaron Jaisi,

Us Ke Lab Thay Sakoot Ke Darya,
Us Ki Aankhien Sukhanwaron Jaisi,

Meri Perwaz Jaan Me Haail Hai,
Saans Tootay Hoe Paron Jaisi,

Dil Ki Basti Mein Ronakien Hain Magar,
Chand Ujre Hoey Gharon Jaisi,

Kon Dekhe Ga Abb Saleebo Pe,
Suratien Woh Payambaron Jaisi,

Meri Dunya K Baadshahon Ki,
Aadatien Hain Gadagaron Jaisi,

Rukh Ke Sehra Hain Pyaas Ke Mohsin,
Dil Mein Lehrien Sumandaron Jaisi!!

Chahat Mein Kiya Duniya Dari Ishq Mein Kaisi Majbori
Logon Ka Kiya, Samjha'ne Do Inn Ki Apni Majbori,

Main Ney Dil Ki Baat Rakhi Aur Tu Ney Duniya Walon Ki
Meri Garz Bhi Majboori Thee Unn Ka Huqam Bhi Majboori,

Rok Sakho Tau Pahli Barish Ki Bondo Ko Tum Rokho
Kachi Mitti Tau Mehkey Gee, Hai Mitti Ki Majboori,

Jabb Tak Hunsta Gata Mausam Apna Hai,Sabb Apney Hain
Wakht Parey Tau Yaad Ajati Hai Masnooee Majboori,

Aik Awara Badal Say Kyun Main Ney Saaya Maanga Thaa
Meri Bhi Yeh Nadani Thee, Uss Ki Bhi Thee Majboori,

Muddat Guzri Aik Wadey Per Ajj Bhi Qayam Hai Mohsin`
Hum Ney Sari Umer Nibhaye, Apni Pehli Majboori ~!!

Great additions after long time aman TFS

reet par likh k mera naam miktaya na karo
ankhain sach bolti hain pyaar chupaya na karo

loog har baat ka afsana bana lay tay hain
sab ko halat ki rudaad sunaya na karo

yeh zarori nahin har shaks masiha hi ho
pyaark zakham amanat hain dekhaya na karo

shehar_e_ahsaas main pathrao bohat hain MOHSIN
dil ko shishey k jharokhon main sajaya na karo