Thread: __Samina Raja __

فضائے شہر محبت بدلنے والي ہے
دل تباہ کي قسمت بدلنے والي ہے

بدلنے والي ہے اب سے ردائے لالہ وگل
ہوائے دشت کي نيت بدلنے والي ہے

پھر ايک جلوہء صد رنگ کے تسلسل ميں
نگاہ آئينہ ، حيرت بدلنے والي ہے

بس ايک بار تجھے ہم قريب جاں ديکھيں
پلٹ کے ديکھ، يہ حسرت بدلنے والي ہے

کہيں پہ نيم اجالا، کہيں پہ تاريکي
شب ملال کي صورت بدلنے والي ہے

قمر نے ايک نئے برج ميں قدم رکھا
زميں پہ ہجر کي ساعت بدلنے والي ہے

فسون مرگ ميں ہے زندگي کئي دن سے
سو اپنا جامہء وحشت بدلنے والي ہے

ہميں تو عشق نے ہجرووصال ميں رکھا
سنا ہے وجہ رفاقت بدلنے والي ہے

خبر ہوئي کہ ہے دل ہي نگار خانہء حسن
نظر کي سمت مسافت بدلنے والي ہے

نئي صدي ہے اور اس کے نئے تقاضے ہيں
ہر آدمي کي ضرورت بدلنے والي ہے

چراغ بام توہو، شمع انتظار تو ہو
مگر ہميں ترے آنے کا اعتبار تو ہو

کسي کي ديد تو ہو،نيند کا سراب سہي
خدائے خواب! ہميں اتنا اختيار تو ہو

کھليں گے ہم بھي برنگ گل و بسان شرر
ترے نگر ميں چراغاں تو ہو، بہار تو ہو

وہ ابر ہے تو کسي خاکنائے پر برسے
جو خاک ہے، تو کسي راہ کا غبار تو ہو

ہوا کے ساتھ ھي آئے، ہوا کے ساتھ ہي جائے
پر ايک رشتہء جاں اس سے استوار تو ہو

جو زندگي کي طرح سامنے رہا ہر دم
وہ راز اپني نگاہوں پہ آشکار تو ہو

ہے جس کا ورد شب و روز کے وظيفے ميں
در وفا، تري تسبيح ميں شمار تو ہو

يہ کيا، وہ سامنے ہو اور دل يقيں نہ کرے
نگاہ شوق پہ تھوڑا سا اعتبار تو ہو

تمام عمر ستاروں کے ساتھ چلتے رہيں
فلک پہ ايسا کوئي خطّ رہگزار تو ہو

ہوائے ياد نے اتنے ستم کيے اس شب
ہم ايسے ہجر کے عادي بھي رو ديے اس شب

فلک سے بونديں ستاروں کي طرح گرتي ہوئي
بہک رہي تھي وہ شب جيسے بے پيے اس شب

بھڑکتے جاتے تھے منظر بناتے جاتے تھے
ہوا کے سامنے رکھے ہوئے ديے اس شب

عجب تھے ہم بھي کہ ديوار نا اميدي ميں
دريچہ کھول ديا تھا ترے ليے اس شب

چراح بام نہ تھے، شمع انتظار نہ تھے
مگر وہ دل کہ مسلسل جلا کيے اس شب

وہ چاک چاک تمنا،وہ زخم زخم بدن
تري نگاہ دلآرام نے سيے اس شب

خبر ہوئي کہ جلاتا ہے کس طرح پاني
وہ اشک شعلوں کے مانند ہي پيے اس شب

وہ شب کہ جس کے تصور سے جان جاتي تھي
نجانے صبح تلک کس طرح جيے اس شب

دشت ميں اک طلسم آب کے ساتھ
دور تک ہم گئے سراب کے ساتھ

پھر خزاں آئ اور خزاں کے بعد
خار کھلنے لگے گلاب کے ساتھ

رات بھر ٹوٹتي ہوئ نينديں
جڑ گئيں سحر ماہتاب کے ساتھ

ہم سدا کي بجھے ہوئے تھے
وہ تھا پہلي سي آب و تاب کے ساتھ

چھوٹي عمروں کي پہلي پہلي بات
کچھ تکلف سے کچھ حجاب کے ساتھ

اور پھر يہ نگاہ خيرہ بھي
ڈوب جائے گي آفتاب کے ساتھ

رات کي طشتري ميں رکھي ہيں
ميري آنکھيں کسي کے خواب کے ساتھ

اس گلي ميں نہ کيسے کوئي جائے
شام کو اس دل ِ خراب کے ساتھ

يہ فقط رسم ہي نہيں اے دوست
دل بھي شامل ہے انتساب کے ساتھ

جيسے يہ درد سے بني ہوئ تھي
شام اس طرح کاسني ہوئ تھي

رات کي اپني روشني تھي بہت
دھوپ کے جيسي چاندني ہوئ تھي

کوئ ذي روح دور دور نہ تھا
اور خموشي بہت گھني ہوئ تھي

کون تھا بن ميں بھيگنے والا
چادر ابر کيوں تني ہوئ تھي

گونجتي تھي ہر ايک سانس کے ساتھ
اک تمنا جو راگني ہوئ تھي

ايک مدت کے انتظار کے بعد
اس دريچے ميں روشني ہوئ تھي

آئينہ کيوں سياہ لگتا تھا؟
کيا اندھيرے سے ميں بني ہوئ تھي

رنگ آنے لگا ہے محفل پر
خامشي چھا رہي ہے اس دل پر

شام اتري ہے جل پري کي طرح
روشني ہو گئي ہے ساحل پر

جان خود اس کي نذر کرتے ہيں
کيا بھروسا ہے اپنے قاتل پر

راستون سے جڑے ہوئے رستے
کون رکتا ہے سنگ ِ منزل پر

زيست کے راز ہائے گونا گوں
انحصار ايک چشم غافل پر

دشت ميں رات ہے اداسي ہے
قيس پر، کارواں پہ، محمل پر

غور کرتے ہيں مسکراتے ہيں
ايک کے بعد ايک مشکل پر

تم کہاں، ہم قصور وار ہوئے
اپنے اک اعتبار باطل پر

عشق کي انتہا اگر غم ہے
ہم بھي نازاں ہيں اپنے حاصل پر

thanks for sharing...

Thanks Hasnain!

Nice Collection !!
Thanx for sharingg

Shukriya Sweety

tahnx 4 sharing

Thanks Ali